SAN LUCAS 8:6 - Chatino Tataltepec

⁶ Chaca ycu' si'yu bi' ndyú su lati tsa tu'ba yuu nscua chu̱' quee. Lo'o ntyucua si'yu bi', ná ngua caluu tso'o cha' ná qui'ñi ndyaa quiche su̱u̱; ndye calya bi' ndyanaa li', cha' ná tyacala' yuu bi'.

SAN LUCAS 8:6 Referans Kwoze

SAN LUCAS 8:13

Ñi'ya̱ laca nu chaca ycu' si'yu nu ndyú lo yuu lati tu'ba chu̱' quee, jua'a̱ laca lo'o ñati̱ nu tso'o tsa ntsu'u tyiquee ngu' lo'o ndyuna ngu' cha' tso'o bi' nquicha'. Pana ñi'ya̱ nti' nu calya sube bi', cha' ná qui'ñi ndyaa quiche su̱u̱ chu̱' quee bi', jua'a̱ nti' ñati̱ bi', cha' xti ti tyempo ndalo ngu' lo'o ngusñi ngu' cha' tso'o bi'; lo'o lya' ti' xa' ñati̱ ji'i̱ ngu' bi', yala ti tya'a̱chu̱' ngu' li'.

HEBREOS 3:15

Ndi'ya̱ nchcui' ycui' Ndyosi cha' nu nscua lo quityi bi': Juani ti cua'a̱ jyaca̱ ma̱ ji'i̱ cha' nu ta na' lo'o ma̱: Nga'aa tyu'u cha' cuxi tyiquee ma̱ ña'a̱ ma̱ 'na chaca quiya', nga'aa cua'ni ma̱ ñi'ya̱ ngua'ni jyo'o cusu' ji'i̱ ma̱ tsaca quiya' tya sa'ni la; nu ngua li' lye tsa ngusu̱u̱ tya'a ngu' lo'o na'.

SAN LUCAS 8:5

―Cua ndyaa sca ñati̱ cataa nscua' trigo ji'i̱. Ndi'ya̱ ngua su nguscui̱ yu si'yu bi': ndyú xi si'yu bi' tyucui̱i̱ su nteje tacui ngu', ngusatá quiya' ngu' si'yu bi' li'; jua'a̱ ñaa quiñi ndyacu ni' ji'i̱.

SAN LUCAS 8:7

Chaca ycu' si'yu bi' ndyú su ndu̱ yaca quiche' nquicha'; li' yala la ntyucua nu yaca quiche' bi', ña'a̱ cuaya' nga'aa nda tyempo caluu calya trigo bi' tsiya' ti.