SAN LUCAS 8:54 - Chatino Tataltepec

⁵⁴ Li' ndyatí̱ Jesús ni'i̱, ngusñi ya' nu piti, jua'a̱ cui̱i̱ nchcui' lo'o li': ―Tyaca'a̱ nu'u̱, mbixu̱' ―nacui̱.

SAN LUCAS 8:54 Referans Kwoze

LOS HECHOS 9:40

Nchcui' Pedro lo'o ngu' li': ―Tyu'u ma̱ xi nde liya' ―nacui̱ yu ji'i̱ ngu'. Nu lo'o ndye ndu'u ngu' nde liya', li' ndyatu̱ sti̱' Pedro nchcui' yu lo'o ycui' Ndyosi. Nu lo'o ndye nchcui' yu lo'o ycui' Ndyosi, li' ndyaa yu nde su nscua jyo'o bi', nchcui' yu lo'o jyo'o bi' li': ―Tabita ―nacui̱ yu―, tyatu̱ nu'u̱ juani. Lo'o li' tsa tsiya' ca nguxuti'i̱ Tabita bi' cloo; li' nguxña'a̱ ji'i̱ Pedro, hora ti ndaca'a̱ li'.

SAN JUAN 11:43

Li' cui̱i̱ tsa nchcui' Jesús: ―Lázaro, tyu'u nu'u̱ su ntsu'u nu'u̱ ndacua, tya̱a̱ nu'u̱ nde liya' re.

SAN JUAN 5:21

Xa' ta ycui' Ndyosi chalyuu ji'i̱ ngu' chaca quiya', ji'i̱ cua ña'a̱ ca ñati̱ nu nti' Ni cha' ta Ni chalyuu ji'i̱; lo'o jua'a̱ la cui' cña ndu'ni na' nu laca̱ Sñi' ycui' Ni, ta na' chaca chalyuu ji'i̱ lcua ti ñati̱ nu nti' na' cha' ta̱ ji'i̱ ―nacui̱ Jesús ji'i̱ ngu'―.

SAN LUCAS 8:51

Lo'o ndyalaa ngu' to' tyi Jairo, li' ná nda Jesús chacuayá' tya̱a̱ tsa tlyu ti ngu' ne' ni'i̱ lo'o yu; cua laca ti ñati̱ tya̱a̱ nde ni'i̱ nacui̱ yu. ―Lo'o Pedro, lo'o Jacobo, lo'o Juan, lo'o sti xtya'a̱ nu piti quicha re, tsa lo cua ti tya'a ngu' tya̱a̱ ngu' ni'i̱ re ―nacui̱ yu.

SAN MARCOS 9:27

Li' ngusñi Jesús ya' nu quicha bi', nguxatu̱u̱ Jesús ji'i̱. Ndatu̱ nu quicha bi', cha' ngua tso'o hora ti.

SAN MARCOS 8:23

Bi' cha' ndaya' Jesús ya' nu cuityi̱', ndyaa lo'o yu ji'i̱ ca to' quichi̱. Ngutu'u hitya sañi' Jesús cloo nu quicha, ngusta ya' yu cloo nu cuityi̱' bi' li'. ―¿Ha cua ña'a̱ nu'u̱ sca na? ―nacui̱ Jesús ji'i̱ nu quicha.

SAN MARCOS 1:31

Li' ndyaa Jesús slo nu quicha bi', ngusñi yu ya' ma' cha' xtyucua yu ji'i̱ ma' tyatu̱ ma'. Hora ti ndyu'u tyique' ji'i̱ ma' bi'. Lo'o ti nguxana ma' ngua'ni cho'o xi scuaa cacu ngu' li'.

SAN MATEO 9:25

pana ngulo'o Jesús ji'i̱ ngu' cha' caja su tyatí̱ ycui' yu ne' ni'i̱ ca slo nu piti bi'. Li' ngusñi yu ya' nu piti bi', ndaca'a̱ nu piti li'.

ROMANOS 4:17

Ndi'ya̱ nchcui' cha' nu nda Ni lo'o Abraham, nu nscua lo quityi: “Cua nda na' chacuayá' cha' caca nu'u̱ sti tyu̱u̱ lo tya'a ñati̱ nu catu̱ chalyuu nde loo la”, nacui̱ Ni ji'i̱ Abraham. Cua ngüiñi cha' ji'i̱ ycui' Ndyosi lo'o jyo'o Abraham sa'ni, cha' ngusñi yu cha' nu cua nchcui' ycui' Ndyosi lo'o yu, la cui' Ni nu ndyu'ni cha' tyu'ú jyo'o chaca quiya'. Lo'o jua'a̱ ngulo Ni cña cha' tyu'u tucua lcaa cha' nde loo la, cha' nu cua nacui̱ Ni ji'i̱ yu lo'o nchcui' Ni ñi'ya̱ si cua laca ndi'i̱ cha' bi' ji'i̱ yu nu ngua li'.

SAN LUCAS 8:53

Nxtyí lo'o ngu' ji'i̱ Jesús li', cha' jlo ti' ngu' cha' chañi cha' ngujuii nu piti bi'.

SAN LUCAS 8:55

Li' xa' ndyalaa cui'i̱ cresiya ji'i̱ nu cuna'a̱ piti bi', hora ti ndaca'a̱ li'; ngulo Jesús cña ji'i̱ ngu' cha' ta ngu' na cacu nu piti bi' li'.