SAN LUCAS 8:48 - Chatino Tataltepec

⁴⁸ Li' nchcui' Jesús lo'o ma' cusu' bi': ―Cha' jlya ti' nu'u̱ cha' caca ji'i̱ ycui' Ndyosi cua'ni Ni cña tonu bi', bi' cha' ngua tso'o nu'u̱, sñi' ―nacui̱ Jesús ji'i̱ nu cuna'a̱ bi'―. Ná cube ti' nu'u̱, tyaa clya nu'u̱ juani.

SAN LUCAS 8:48 Referans Kwoze

SAN LUCAS 7:50

Pana ndi'ya̱ nchcui' Jesús lo'o nu cuna'a̱ bi' li': ―Cua ngulaá nu'u̱ ji'i̱ cha' cuxi nu ntsu'u jinu'u̱ xqui'ya cha' jlya ti' nu'u̱ 'na. Ti̱ ti tyi'i̱ tyiquee nu'u̱, tyaa nu'u̱ lacua.

SAN MATEO 9:22

Lo'o li' nguxtyacui Jesús, nguxña'a̱ ji'i̱ nu cuna'a̱ bi': ―Cua'ni cho'o tyiquee nu'u̱, sñi' ―nacui̱ Jesús ji'i̱―. Jlya ti' nu'u̱ 'na, bi' cha' ndyaca tso'o nu'u̱ juani. Lo'o hora ti ndyaca tso'o nu cuna'a̱ bi'.

HEBREOS 4:2

Ñi'ya̱ lo'o ndyuna jyo'o cusu' bi' cha' tso'o nu nchcui' ycui' Ndyosi lo'o ngu' cha' clyaá ngu', la cui' jua'a̱ cua ndyuna na cha' tso'o nu nchcui' Jesús. Pana nu jyo'o bi' ni, ná ngua tso'o cresiya ji'i̱ ngu', masi cua ndyuna ngu' cha' bi', xqui'ya cha' ná jlya ti' ngu' cha' bi', ná ngusñi tso'o ngu' cha' bi'.

LOS HECHOS 14:9

Tso'o tsa ndyuna nu quicha bi' laja lo'o nclyu'u Pablo ji'i̱ ngu'; li' na'a̱ yu ji'i̱ nu quicha bi', ngua cuayá' ti' yu cha' jlya ti' nu quicha cha' taca ji'i̱ ycui' Ndyosi cua'ni cha' tyaca tso'o.

SAN LUCAS 17:19

Li' nchcui' Jesús lo'o nu qui'yu bi': ―Tyatu̱ nu'u̱ cha' tyaa nu'u̱ juani ―nacui̱―. Cua ngua tso'o nu'u̱ juani cha' jlya ti' nu'u̱ cha' nu nda na' lo'o nu'u̱.

SAN MARCOS 5:34

―Tso'o tsa jlya ti' nu'u̱ jna', sñi' ―nacui̱ Jesús ji'i̱―, bi' cha' ndyaca tso'o nu'u̱. Ti̱ ti tyi'i̱ tyiquee nu'u̱ juani. Tso'o ti tyaa nu'u̱, nga'aa xñi quicha bi' jinu'u̱ chaca quiya'.

2 CORINTIOS 6:18

caca na' Sti ma̱; jua'a̱ cu'ma̱ caca ma̱ sñi' na', masi nu cuna'a̱, masi nu qui'yu. Jua'a̱ nacui̱ ycui' Ndyosi nu Xu'na ma̱, nu lcaa tsiya' ti cña nchca ji'i̱ Ni.

SAN LUCAS 18:42

―Caca tso'o cloo nu'u̱ lacua ―nacui̱ Jesús ji'i̱―. Xqui'ya cha' jlya ti' nu'u̱ cha' 'na, bi' cha' tyaca tso'o nu'u̱ juani ―nacui̱ Jesús.

SAN MATEO 8:13

Li' xa' nchcui' Jesús lo'o nu capitán bi': ―Yaa nu'u̱ to' tyi nu'u̱ lacua ―nacui̱ ji'i̱―. Jlya ti' nu'u̱, bi' cha' cua ndyaca tso'o nu quicha bi' jinu'u̱ juani ti ―nacui̱ Jesús ji'i̱. Lo'o la cui' hora ngua tso'o msu bi'.

SAN MATEO 12:20

Ycui' ca yu xtyucua yu ji'i̱ ngu' cha' xñi la ngu' cha' jna', masi nti' ngu' ñi'ya̱ nti' sca yaca quii nu cua catsa ti, cha' nguna'a̱ tsa ti' ngu'. Lo'o jua'a̱ culu'u yu ji'i̱ ngu' cha' caca cuayá' la ti' ngu' lcaa cha' nu cuentya ji'i̱ ycui' na', masi cua tye ti cha' tso'o nu ntsu'u tyiquee ngu', masi laca ngu' ñi'ya̱ laca sca candil nu cua tyubi' ti. Jua'a̱ tyiji̱loo nu cha' liñi bi' ji'i̱ cha' cuxi.

SAN MATEO 9:2

Lo'o ndyalaa quichi̱ bi', li' ñaa lo'o ngu' ji'i̱ sca nu quicha nu nchcu̱' tyucuí̱ tyucui ña'a̱ yu; ñaa ngu' slo Jesús cha' cua'ni jo'o ji'i̱ nu quicha bi'. Ntsiya nu quicha bi' ne' sca catya̱. Pana jlo ti' Jesús cha' jlya ti' ngu' bi' ji'i̱, bi' cha' nchcui' lo'o nu quicha ndi'ya̱: ―Ca tso'o nu'u̱, sñi' ―nacui̱ Jesús ji'i̱ nu quicha―. Cua ngua'ni clyu ti' na' ji'i̱ qui'ya nu ntsu'u jinu'u̱.

SAN LUCAS 8:47

Li' jlo ti' nu cuna'a̱ bi', cha' cua nquije cha' ji'i̱ Jesús, bi' cha' ya̱a̱ ma' nchcui' lo'o yu, masi nchcua̱a̱ tyucui ña'a̱ ma' lijya̱ ma' cha' ndyutsi̱i̱ ma'. Li' ndyatu̱ sti̱' ma' nde su ndu̱ Jesús; slo lcaa ñati̱ nu ndu̱ ca bi' ndacha' ma' ji'i̱ yu ni cha' laca ndyala' ma' ste' yu, lo'o li' hora ti ngua tso'o ma'.