SAN LUCAS 8:39 - Chatino Tataltepec

³⁹ ―Xa' xtyu̱u̱ nu'u̱ tyaa nu'u̱ to' tyi ―nacui̱ Jesús ji'i̱ yu nu ngua quicha bi'―. Ta nu'u̱ cha' lo'o lcaa ngu', cua ña'a̱ ca cha' tlyu nu cua ngua'ni ycui' Ndyosi lo'o nu'u̱. Ndyaa yu li', nda yu cha' lo'o lcaa ñati̱ tya'a quichi̱ tyi yu, lcaa ña'a̱ cha' tlyu nu cua ngua'ni Jesús lo'o yu.

SAN LUCAS 8:39 Referans Kwoze

1 TIMOTEO 5:8

Ná tso'o ndu'ni ñati̱ nu ná ndube ti' ji'i̱ tya'a, masi ji'i̱ sti ngu', masi ji'i̱ xtya'a̱ ngu', masi ji'i̱ sñi' ngu'; cha' cuiñi nchcui' ngu' lo'o nacui̱ ngu' cha' ngusñi ngu' cha' ji'i̱ Jesucristo si ná ña'a̱si̱i̱ ngu' ji'i̱ tya'a ngu', cha' tso'o la ndyu'ni xa' ñati̱ nu ná ndaquiya' cha' ji'i̱ Jesucristo tsiya' ti.

SAN JUAN 4:29

―Cajua ti ndu̱ sca ñati̱ nu tii tsa ―nacui̱ nu cuna'a̱ bi'―. Lcua ti lo cña nu ngua'ni na' ya̱a̱ na' chalyuu, lcaa cha' bi' cua ndacha' nu cusu' bi' jna'. ¿Ha bi' nu laca Cristo nu ñati̱ tlyu nu cua ca̱a̱ ti, nti' cu'ma̱?

SAN MARCOS 1:45

Pana ná ndyuna tso'o nu ngua quicha bi'. Ndu'u ndyaa, nchcui' lo'o lcaa ñati̱ ñi'ya̱ ngua cha' ngua tso'o, bi' cha' nga'aa ngua ji'i̱ Jesús tyu'u ta'a̱ lquichi̱; ndyanu yu ne' quixi̱' ti su ná ndi'i̱ ñati̱. Li' ndya'a̱ tsa ngu' slo yu, masi ngu' xa' quichi̱ tyijyu' la ngutu'u ngu' ndyaa ngu' slo yu.

SAN MARCOS 5:18

Lo'o cua tyatí̱ ti Jesús ne' yaca ni'i̱ sube cha' tyaa, li' nchcui' nu ngua quicha bi' lo'o Jesús; ngüijña chacuayá' ji'i̱ Jesús cha' tsaa lo'o.

SAN MARCOS 5:19

Pana ná nda Jesús chacuayá' ji'i̱. ―Xa' xtyu̱u̱ nu'u̱ tyaa nu'u̱ to' tyi ―nacui̱ Jesús ji'i̱―. Ta nu'u̱ cha' lo'o lcaa ngu' tya'a nu'u̱ ñi'ya̱ ngua cha' tlyu nu ngua'ni ycui' Ndyosi nu Xu'na na cha' ngua'ni Ni cha' ndyaca tso'o nu'u̱, cha' ngua'ni tya'na tsa ti' ycui' Ni jinu'u̱.

SAN LUCAS 8:38

Laja li' ndijña tsa nu qui'yu nu cua ngutu'u ca ti cui'i̱ xña'a̱ ji'i̱, cha' lo'o yu tsaa yu lo'o Jesús ne' yaca ni'i̱ bi'; pana ná nda Jesús chacuayá' tya'a̱ yu lo'o.

SAN LUCAS 8:40

Lo'o li' nguxtyu̱u̱ Jesús ñaa nde tsu' tayu' chaca quiya'. Chaa tsa ti' ngu' su ndi'i̱ ngu' cha' ndyalaa yu tsu' re chaca quiya' li'; tso'o tsa nchcui' ngu' lo'o yu, cha' ntajatya tsa ngu' ji'i̱ yu ni jacua' tya̱a̱ ycui' yu chaca quiya'.