SAN LUCAS 7:34 - Chatino Tataltepec

³⁴ Tiya' la li' ndu'u tucua na' nu cua nda ycui' Ndyosi lijya̱a̱ cha' caca na' ñati̱; tso'o ti ndacu na' lo'o ma̱ li', stu'ba ti nga'a̱ na' lo'o ma̱. Bi' cha' nchcui' ma̱ jna': “Ña'a̱ na ñi'ya̱ nu ndu'ni nu jua juani”, nacui̱ ma̱ ji'i̱ tya'a ma̱, “xcui' na cacu ti yu jua nti' yu, xcui' na cu'bi ti yu ndya'a̱ yu. Ná tso'o yu jua cha' laca yu tya'a tso'o ngu' nu nxñi cñi cña loo na, lo'o jua'a̱ xi xa' la ngu' cuxi laca tya'a tso'o yu”, nacui̱ ma̱ 'na.

SAN LUCAS 7:34 Referans Kwoze

SAN LUCAS 15:2

Bi' cha' nguxana ngu' fariseo, lo'o jua'a̱ ngu' mstru cha' jo'ó, ngusta ngu' qui'ya ji'i̱ Jesús: ―Ndiya ti' yu re cua'ni tya'a yu lo'o ngu' cuxi jua. Stu'ba ti ndacu yu tyaja lo'o ngu' cuxi ―nacui̱ ngu' bi'.

SAN JUAN 12:2

Li' nda ngu' sca si̱i̱ ji'i̱ Jesús, cha' tso'o tsa nti' ngu' cha' ndyalaa yu slo ngu'. Nda Marta na ndyacu ngu' li', lo'o jua'a̱ stu'ba ti ntucua Lázaro lo'o ngu' su ndyacu ngu' si̱i̱ lo'o Jesús.

SAN LUCAS 19:7

Nu lo'o na'a̱ ngu' cha' ndyaa Jesús slo Zaqueo bi', lcaa ngu' lye tsa nchcui' tube ngu' cha' ndyaa Jesús cha' tyanu toni'i̱ ji'i̱ sca ngu' cuxi, sca ñati̱ nu ntsu'u tsa qui'ya ji'i̱.

SAN LUCAS 14:1

Sca tsa̱ nu ndi'i̱ cña' ngu' ndyaa Jesús ndyacu yu xlyaa to' tyi xu'na ngu' fariseo. Lo'o xa' ngu' fariseo ni, na'a̱ tsa ngu' ji'i̱ Jesús li'.

SAN LUCAS 7:36

Ntsu'u sca ngu' fariseo nu nchcui' lo'o Jesús cha' tsaa cacu xlyaa lo'o yu ca toni'i̱ ji'i̱ yu. Lo'o ngu' fariseo ni, tacati tsa ndu'ni ycui' ngu', nti' ngu'. Li' ndyaa Jesús ca toni'i̱ ji'i̱ yu, ndyaa tucua ca to' mesa.

SAN LUCAS 5:29

Tiya' la li' ngua'ni Leví sca ta'a tlyu ca to' tyi yu, cha' cua'ni chi̱ yu loo Jesús. Lo'o jua'a̱ ndyalaa tyu̱u̱ tya'a ngu' slo, tya'a ndyu'ni Leví cña nclyo cñi cña loo ñati̱; jua'a̱ ndi'i̱ xi xa' la ñati̱.

SAN MATEO 9:11

Lo'o na'a̱ ngu' fariseo cha' ndyacu Jesús lo'o ngu' bi', hora ti nchcui' ngu' lo'o ngu' nu ndyaca tsa'a̱ ji'i̱ yu: ―¿Ni cha' stu'ba ti ndacu xu'na ma̱ lo'o ngu' nu ná tso'o, masi lo'o ngu' re nu laca msu ji'i̱ ngu' xa' tsu' nu cuiñi ti nxñi quiña'a̱ tsa cñi cña loo ji'i̱ ngu'? ―nacui̱ ngu' fariseo bi'.

SAN LUCAS 11:37

Nu lo'o ndye nchcui' Jesús, li' nchcui' sca ngu' fariseo lo'o cha' tsaa to' tyi yu fariseo bi', cha' cacu ngu' xlyaa. Bi' cha' ndyaa Jesús lo'o yu, li' ndyaa tucua to' mesa ji'i̱ yu.

SAN MATEO 5:46

La cui' ti ná tso'o si xcui' ji'i̱ ngu' tya'a tso'o ti ma̱ tso'o ntsu'u tyiquee ma̱ ña'a̱ ma̱ ji'i̱. Si'i na tso'o la taquiya' ycui' Ndyosi ji'i̱ ma̱ si jua'a̱ ti ndu'ni ma̱, cha' jua'a̱ ndu'ni cua ña'a̱ ca ñati̱; masi ñati̱ tso'o, masi ñati̱ cuxi, masi ngu' msu ji'i̱ ngu' xa' tsu' nu cuiñi ti nxñi quiña'a̱ tsa cñi cña loo ji'i̱ ma̱, lcaa ngu' bi' ndu'ni tyaca'a ngu' ji'i̱ tya'a tso'o ti ngu'.

SAN MATEO 11:19

Lo'o li' lijya̱ na' nu cua nda Ni 'na lijya̱a̱ cha' caca na' ñati̱, ndacu na' lcaa lo na lo'o ma̱, ndyi'yu na' lcaa lo na lo'o ma̱, lo'o li' nchcui' ma̱ 'na: “¡Ña'a̱ ma̱ ña'a̱! Ndacu tsa yu jua, cu'bi tsa yu”, nacui̱ ma̱ ji'i̱ tya'a ma̱. “Ná tso'o yu jua cha' tya'a tso'o yu laca ngu' nu nxñi cñi cña loo na, lo'o jua'a̱ xi xa' la ngu' cuxi laca tya'a tso'o yu”, nacui̱ ma̱ 'na. Nacui̱ ma̱ jua'a̱ cha' ná tso'o cha' nu nchcui' na', nti' ma̱; pana caca cuayá' ti' ma̱ nde loo la cha' liñi tsa cha' nu nchcui' ngu' nu nacui̱ cha' cuentya ji'i̱ ycui' Ndyosi laca na'.

SAN LUCAS 7:33

Nde nclyú ti nchcui' ma̱ ―nacui̱ Jesús ji'i̱ ngu'―. Lo'o ya̱a̱ Juan nu ntyucuatya ji'i̱ ñati̱ chalyuu, ná ndyacu yu lo'o ma̱, ná ndyi'o yu lcui lo'o ma̱; li' nacui̱ ma̱ cha' ntsu'u cui'i̱ xña'a̱ ji'i̱ yu ―nacui̱ Jesús ji'i̱ ngu'―.

SAN LUCAS 7:35

Lo'o jua'a̱ nacui̱ ma̱ cha' ná tso'o cha' nu nchcui' na'; pana caca cuayá' ti' ma̱ nde loo la cha' liñi tsa cha' nu nchcui' ngu', cha' cuentya ji'i̱ ycui' Ndyosi laca na'.