SAN LUCAS 6:36 - Chatino Tataltepec

³⁶ bi' cha' cua'ni tya'na ti' ma̱ ji'i̱ ngu' lacua, ñi'ya̱ nu tya'na ti' ycui' Ndyosi Sti na ji'i̱ ngu'.

SAN LUCAS 6:36 Referans Kwoze

SAN MATEO 5:48

Ycui' Ndyosi Sti na nu ntucua nde cua̱ ni, xcui' cha' tso'o, xcui' cha' liñi, xcui' cha' lubii ndu'ni Ni; ñi'ya̱ ndu'ni ycui' Ni, jua'a̱ nga'a̱ cha' cua'ni ma̱ xcui' cha' tso'o lo'o lcaa ñati̱, si chañi cha' sñi' ycui' Ni laca ma̱.

EFESIOS 4:31

Cua'ni tye ma̱ ji'i̱ lcaa cha' su chi̱i̱ nti' ma̱ ña'a̱ ma̱ ji'i̱ tya'a ñati̱ ma̱ lacua; jua'a̱ cha' liye' ti' ma̱, jua'a̱ cha' ñasi̱' ti' ma̱, cua'ni tye ma̱ ji'i̱ lcaa cha' bi'. Nga'aa xi'ya cui̱i̱ ma̱ cha' suba' ji'i̱ tya'a ma̱, nga'aa chcui' ma̱ cuentyu ji'i̱ tya'a ma̱, nga'aa ntsu'u cha' chcui' cuxi ma̱ ji'i̱ tya'a ma̱ tsiya' ti.

SAN LUCAS 6:35

Pana nu cu'ma̱ ni, ntsu'u cha' tyu'u tso'o tyiquee ma̱ ña'a̱ ma̱ ji'i̱ tya'a cusu̱u̱ ma̱, cua'ni ma̱ cha' tso'o lo'o ngu' bi'. Ta ma̱ jñi' ngu', ná tu̱ ti' ma̱ si ta ngu' sca cha' tso'o ji'i̱ ma̱, si ná ta ngu'. Tlyu tsa cha' tso'o tyacua ji'i̱ ma̱ ca slo ycui' Ndyosi si tso'o ntsu'u tyiquee ma̱ ña'a̱ ma̱ ji'i̱ ngu', cha' jua'a̱ ndu'ni ñati̱ nu laca sñi' ycui' Ndyosi. Lo'o ycui' Ndyosi ni, tya'na ti' Ni ji'i̱ ngu', masi xña'a̱ ngu', masi ná ndya ngu' xlya'be ji'i̱ Ni;

SAN LUCAS 6:37

’Ná sta ma̱ qui'ya ji'i̱ tya'a ñati̱ ma̱, cha' li' ná ntsu'u cha' sta ycui' Ndyosi qui'ya ji'i̱ ma̱. Ná xcube' ma̱ ji'i̱ tya'a ñati̱ ma̱, cha' li' ná ntsu'u cha' xcube' ycui' Ndyosi ji'i̱ ma̱. Cui'ya ma̱ cha' clyu ti' ji'i̱ tya'a ñati̱ ma̱, cha' li' cui'ya ycui' Ndyosi cha' clyu ti' ji'i̱ ma̱.

SANTIAGO 3:17

Pana lcaa cha' nu nda ycui' Ndyosi cha' chcui' na lo'o ñati̱, xcui' cha' tso'o laca bi'; ná nguxa' cha' tso'o bi' lo'o cha' cuxi, ná ntsu'u cha' xu̱u̱ tya'a na lo'o tya'a ñati̱ na. Cha' tso'o ti laca nu nda Ni cha' chcui' na lo'o ñati̱, cha' xcui' na tso'o ti cua'ni na lo'o ñati̱ li'. Lo'o jua'a̱ ndu'ni cha' bi', cha' cua'ni tya'na ti' na ji'i̱ ñati̱, ña'a̱ cuayá' nu cua'ni na cha' tso'o cha' xtyucua na ji'i̱ ngu'; ndu'ni cha' sca ti cha' liñi chcui' na lo'o ñati̱, si'i cha' cuiñi chcui' na lo'o ngu'.