SAN LUCAS 6:30 - Chatino Tataltepec

³⁰ Ta ma̱ ji'i̱ ngu' na laca nu jña ngu' ji'i̱ ma̱; lo'o qui'ya ngu' sca na ji'i̱ ma̱, nga'aa jña ma̱ ji'i̱ chaca quiya'.

SAN LUCAS 6:30 Referans Kwoze

2 CORINTIOS 8:9

Cua jlo ti' ma̱ ñi'ya̱ ndu'ni Jesucristo nu Xu'na na, cha' xcui' tso'o tsa ndu'ni Ni lo'o ñati̱. Lcaa na cua ntsu'u ji'i̱ Ni, pana cua ntaja'a̱ Ni ngua Ni sca ñati̱ ti, ñi'ya̱ nti' sca ñati̱ ti'i nu ná sca na ntsu'u ji'i̱ tsiya' ti. Xqui'ya cu'ma̱, bi' cha' ngua'ni Ni jua'a̱, cha' tiya' la li' taca caja lcaa na nu ntsu'u ji'i̱ ycui' Ni ji'i̱ ma̱.

LOS HECHOS 20:35

Ngua'ni na' jua'a̱ cha' culu'u na' ji'i̱ ma̱ ñi'ya̱ nu cua'ni ma̱ lo'o ngu' nu ntsu'u tsa cha' nu lyiji ji'i̱. La cui' jua'a̱ ntsu'u cha' tyi'u ti' na ji'i̱ cha' nu cua nchcui' ycui' Jesús nu Xu'na na lo'o na ndi'ya̱: “Tso'o ntsu'u tyiquee ma̱ si ta ngu' sca cha' xlya'be ji'i̱ ma̱, pana tlyu la cha' tso'o laca si ta ma̱ sca cha' xlya'be ji'i̱ tya'a ñati̱ ma̱”, nacui̱ Jesús ji'na.

SAN MATEO 6:12

Lo'o jua'a̱ cui'ya nu'u̱ cha' clyu ti' ji'i̱ ya ji'i̱ lcaa cha' cuxi nu ntsu'u tyiquee ya, cha' jua'a̱ cua ngüi'ya ya cha' clyu ti' ji'i̱ ñati̱ nu ngua'ni cha' cuxi lo'o ya.

SAN LUCAS 18:22

Nu lo'o ndyuna Jesús cha' bi', li' nacui̱: ―Chaca tya cha' tya lyiji cua'ni nu'u̱: yaa cujui' lcaa cha' tso'o nu ntsu'u jinu'u̱, cha' tyu'u cñi nu ta ji'i̱ ngu' ti'i; tyacua xi cha' tso'o jinu'u̱ nde loo la ca su ntucua ycui' Ndyosi li'. Lo'o cua ngua'ni nu'u̱ cña bi', li' taca tya'a̱ nu'u̱ lo'o na'.

SAN LUCAS 12:33

Ná cube ti' ma̱, cujui' ma̱ na nu ntsu'u ji'i̱ ma̱ cha' ta ma̱ cñi ji'i̱ ngu' ti'i. Lo'o jua'a̱ nga'aa casu̱ cuiji̱ su ntsu'u cñi ji'i̱ ma̱, nga'aa tye na nu nguxco'o ma̱ ca slo ycui' Ndyosi nu ntucua nde cua̱; ca bi' nga'aa caca tyucuaana ngu' cñi bi', nga'aa caca cacu cuixu̱' ji'i̱.

SAN LUCAS 11:41

Pana si tyucui tyiquee ma̱ ta ma̱ lcaa cha' tso'o ji'i̱ ma̱ cha' xtyucua ma̱ ji'i̱ ngu' ti'i, li' tucuá ycui' Ndyosi cña nu ngua'ni ma̱ cha' lubii cresiya ji'i̱ ma̱.

SAN LUCAS 6:38

Ta ma̱ cha' tso'o ji'i̱ tya'a ñati̱ ma̱, cha' li' ta ycui' Ndyosi cha' tso'o jua'a̱ ji'i̱ ma̱; tso'o tsa cuayá' ngutsa'á̱ su'ba Ni cha' tso'o ne' cresiya ji'i̱ ma̱ li'. Ñi'ya̱ nti' sca milya nu tachaa tsa nsu'ba ngu' na ne', cua nscui̱ ngu' ji'i̱ cha' ca'ya ti'i̱ la na bi', ntucua tsa tu'ba milya bi', jua'a̱ laca lo'o cha' tso'o nu su'ba Ni ne' cresiya ji'i̱ ma̱. Ñi'ya̱ nu ndu'ni ma̱ lo'o tya'a ñati̱ ma̱, jua'a̱ cua'ni ycui' Ndyosi lo'o cu'ma̱.

SAN MATEO 18:35

’Ñi'ya̱ ngua'ni rey bi' ―nacui̱ Jesús ji'i̱ ngu'―, jua'a̱ cua'ni Sti na' nu ntucua nde cua̱ lo'o lcaa ma̱ nu ná tyucui tyiquee ma̱ ndyi'ya ma̱ cha' clyu ti' ji'i̱ tya'a ma̱.

EFESIOS 4:28

Cu'ma̱ nu nguaana ma̱ na nu ntsu'u ji'i̱ ñati̱ tya tsubi' la, nga'a̱ cha' xtyanu ma̱ cña bi' ji'i̱ ma̱, clyana ma̱ cña tso'o la nu cua'ni ycui' ma̱; tso'o la si cua'ni ma̱ cña lo'o ya' ycui' ma̱, cha' jua'a̱ caja xi ñi'ya̱ nu xtyucua ma̱ ji'i̱ tya'a ma̱ nu lyiji tsa ji'i̱.

SAN MATEO 5:39

Pana, quiña'a̱ la cha' chcui' na' lo'o ma̱ juani, cha' nga'aa xu̱u̱ tya'a ma̱ lo'o ñati̱ nu ngua'ni cha' cuxi lo'o ma̱. Lo'o quiji'i̱ ya' ngu' loo ma̱ la'a tsu' cui̱, li' ta ma̱ chacuayá' quiji'i̱ ngu' chaca tsu' loo ma̱, si nti' ngu'.

SAN LUCAS 6:29

Lo'o quiji'i̱ ngu' ndacu̱' hique ma̱, li' xtyacui ma̱ ta ma̱ chaca tsu' saca' ma̱ cha' quiji'i̱ ngu' ji'i̱ ma̱ chaca quiya' li'. Lo'o xlyaá sca ñati̱ late' tonu tu'ba nu nchcu' ma̱, li' ta ma̱ chacuayá' cha' lo'o camxa ji'i̱ ma̱ qui'ya ngu' tsaa ngu'.

SAN LUCAS 6:31

Nga'a̱ cha' cua'ni tso'o ma̱ lo'o ngu', si nti' ma̱ cha' tso'o ti cua'ni ngu' lo'o ma̱.