SAN LUCAS 6:2 - Chatino Tataltepec

² Lo'o li' ntsu'u xi ngu' fariseo nu ndya'a̱ lca'a̱ ji'i̱ ngu' bi', nu lye tsa nchcui' lo'o ngu' taju ji'i̱ Jesús: ―¿Ni cha' laca ndyu'ni ma̱ cña jua'a̱, cha' ngusuu ma̱ si'yu trigo cua? ¿Ha ná jlo ti' ma̱ cha' tsa̱ tacati laca juani? Ná ntsu'u chacuayá' ji'na cua'ni na cña tsa̱ tacati ―nacui̱ ngu' fariseo bi'.

SAN LUCAS 6:2 Referans Kwoze

SAN MATEO 12:2

Li' na'a̱ ngu' fariseo cha' ndyu'ni ngu' jua'a̱, nchcui' ngu' lo'o Jesús li': ―¿Ha ná jlo ti' ma̱ cha' ná ntsu'u chacuayá' cua'ni na cña juani, cha' tsa̱ nu ndi'i̱ cña' na laca? ―nacui̱ ngu' bi' ji'i̱ Jesús―. Nu ngu' cua nu ndyaca tsa'a̱ jinu'u̱ ni, ¿ni cha' laca ndyu'ni ngu' cña juani lacua?

SAN JUAN 5:16

Ngua cuayá' ti' ngu' bi' li', cha' ngua'ni Jesús cha' tlyu lo'o nu quicha bi' tsa̱ ta'a lo'o ndi'i̱ cña' ngu', bi' cha' ngunasi̱' tsa ngu' judío bi' ji'i̱ Jesús. Nguxana ngu' bi' ngulacua cuxi ti' ngu' ña'a̱ ngu' ji'i̱ yu, ngua ti' ngu' cujuii ngu' ji'i̱ yu.

SAN MARCOS 2:24

Lo'o li' na'a̱ ngu' fariseo ñi'ya̱ nu ngua'ni ngu' bi'. Li' nchcui' ngu' fariseo bi' lo'o Jesús: ―Tsa̱ ta'a, tsa̱ ndi'i̱ cña' na laca juani ―nacui̱ ngu' fariseo ji'i̱ Jesús―. Tsa̱ tacati laca. ¿Ni cha' laca ndyu'ni ngu' bi' cña nu ná ntsu'u chacuayá' cua'ni na tsa̱ juani? ―nacui̱ ngu'.

SAN LUCAS 5:33

Li' nchcuane ngu' ji'i̱ Jesús: ―Lo'o ngu' nu ndyaca tsa'a̱ ji'i̱ Juan, lo'o ngu' nu ndyaca tsa'a̱ ji'i̱ ngu' fariseo, ¿ni cha' lu'ba ti nchcui' ngu' bi' lo'o ycui' Ndyosi? Lo'o jua'a̱ ná ndacu ngu' tyaja tsa̱ bi' lo'o nchcui' ngu' lo'o Ni. Pana ngu' nu ndyaca tsa'a̱ jinu'u̱ ni, xa' ña'a̱ ndu'ni ngu' bi'; xcui' tso'o tsa ndacu ngu', xcui' tso'o tsa ndyi'yu ngu' ―nacui̱ ngu' ji'i̱ Jesús.

SAN MATEO 15:2

―¿Ni cha' ná tso'o ndu'ni ngu' nu ndyaca tsa'a̱ jinu'u̱? ―nacui̱ ngu' bi' ji'i̱ Jesús―. Ná stu'ba ndu'ni ngu' lo'o cha' nu cua nda jyo'o cusu' lo'o na sa'ni la, cha' tyaati̱ tso'o ya' na nu lo'o bilya cacu na. Lo'o nu ngu' nu ndyaca tsa'a̱ jinu'u̱ ni, ná ndu'ni ngu' jua'a̱ ―nacui̱ ngu' li'.