SAN LUCAS 6:12 - Chatino Tataltepec

¹² Tyempo bi' ycui' ti Jesús ndyaa sca ca'ya cha' chcui' lo'o ycui' Ndyosi Sti yu. Tyucui talya ngua'a̱ yu nchcui' yu lo'o ycui' Ndyosi li'.

SAN LUCAS 6:12 Referans Kwoze

HEBREOS 5:7

Nu lo'o tya ndi'i̱ Jesús lo yuu chalyuu, tyu̱u̱ tsa quiya' ngusi'ya tsa yu lo'o nchcui' yu lo'o ycui' Ndyosi Sti yu; lye tsa ngua ti' cresiya ji'i̱ yu lo'o ngüijña yu cha' ji'i̱ Ni, cha' nchca tsa ji'i̱ ycui' Ndyosi. Ngua ji'i̱ Ni cua'a ji'i̱ ñati̱ cha' ná cujuii ngu' ji'i̱ Jesús nquicha'; pana ndyuna Ni cha' nu nchcui' Jesús lo'o Ni, cha' ntaja'a̱ yu cua'ni yu lcaa cña nu nti' ycui' Ndyosi Sti yu.

SAN MARCOS 6:46

Lo'o cua nchcui' salya' lo'o ngu', ndu'u Jesús ndyaa ycui' ti yu nde sii' ca'ya cha' chcui' yu lo'o ycui' Ndyosi Sti yu.

SAN MARCOS 1:35

Lo'o bilya quixee chaca tsa̱, li' ndyatu̱ Jesús; ndu'u yu, ndyaa yu xi nde ne' quixi̱' su ti̱ ti ndu̱ chalyuu, cha' chcui' yu lo'o ycui' Ndyosi cajua.

COLOSENSES 4:2

Lcaa cu'ma̱, ná ca taja ti' ma̱, lcaa tsa̱ chcui' ma̱ lo'o ycui' Ndyosi. Lo'o jua'a̱ tii ti ma̱ tyi'i̱ ma̱ lo'o chcui' ma̱ lo'o Ni, jua'a̱ ta ma̱ xlya'be ji'i̱ Ni lo'o chcui' ma̱ lo'o Ni.

SAN MATEO 6:6

Lo'o cu'ma̱ ni, nu lo'o chcui' ma̱ lo'o ycui' Ndyosi, tsaa ma̱ sca se'i̱ su taca tyi'i̱ ma̱ cuaana ti. Si nga'a̱ ma̱ nde ni'i̱, li' tacu̱' ma̱ toni'i̱, cha' jua'a̱ cua'ni tlyu ma̱ ji'i̱ ycui' Ndyosi Sti na cajua; ndi'i̱ ycui' Ndyosi cacua ti slo ma̱, masi ná nga'a̱ xa' ñati̱ slo ma̱. Sca ti ycui' Ndyosi Sti na nchca cuayá' ti' ñi'ya̱ laca cha' tso'o nu ndu'ni ma̱ cuaana ti, lo'o jua'a̱ xco'o Ni cha' tso'o nu tyacua ji'i̱ ma̱ nde loo la.

SAN MATEO 5:1

Na'a̱ Jesús cha' quiña'a̱ tsa ñati̱ lijya̱ ngu' slo yu, bi' cha' ndyacui̱ yu ndyaa la yu nde sii' cua'a̱, ndyaca'a̱ yu xi cajua. Lo'o ndyu'u ti'i̱ ngu' nu ndyaca tsa'a̱ ji'i̱ slo,

SAN MARCOS 3:13

Lo'o li' ndu'u Jesús ndyaa ndyacuí̱ yu sii' ca'ya, ngusi'ya yu ji'i̱ tyu̱u̱ tya'a ñati̱ cha' ca̱a̱ ngu' ca su ndu̱. Ndyaa ngu' bi' slo yu li'. Lo'o li' laja ngu' bi' ngusubi Jesús ji'i̱ ñati̱ nu cua'ni cña ji'i̱;

SAN LUCAS 5:16

Pana ntsu'u quiya' ndu'u Jesús ndyaa yu ca ne' quixi̱', ca su caca tyi'i̱ yu ycui' ti yu, cha' chcui' yu lo'o ycui' Ndyosi Sti yu ca bi'.

SAN LUCAS 6:11

Li' ngunasi̱' tsa nu ngu' nu ndu'ni cha' tacati bi', nguxana ngu' nda ngu' cha' lo'o tya'a ngu': ―¿Ñi'ya̱ cua'ni na cha' cua'a na ji'i̱ yu jua cha' nga'aa cua'ni yu jua'a̱? ―nacui̱ ngu' ji'i̱ tya'a ngu' li'.

SAN LUCAS 6:17

Li' nguxtyu̱u̱ Jesús ngua'ya sii' cua'a̱ bi' lo'o nu taju ñati̱ bi' ji'i̱, nguti'i̱ xi nde sca su nati̱' lo'o nu tyu̱u̱ tya'a ñati̱ nu ndyaca tsa'a̱ ji'i̱ bi'. Lo'o jua'a̱ ndyalaa quiña'a̱ tsa xa' la ñati̱ slo Jesús, ngu' nu ndu'u loyuu su cuentya Judea, lo'o jua'a̱ ngu' nu ndu'u nde quichi̱ Jerusalén, lo'o jua'a̱ ngu' nu ndu'u to' tyujo'o su ndi'i̱ quichi̱ Tiro, su ndi'i̱ quichi̱ Sidón. Cua ndyalaa ngu' ca bi', cha' cuna ngu' cha' nu nchcui' Jesús lo'o ngu'; jua'a̱ nti' ngu' cha' cua'ni Jesús jo'o ji'i̱ quicha nu ntsu'u ji'i̱ ngu'.

SAN LUCAS 9:18

Ngua sca tsa̱ ndi'i̱ Jesús ycui' ti nchcui' yu lo'o ycui' Ndyosi. Li' lijya̱ ngu' nu ndyaca tsa'a̱ ji'i̱ ca slo yu. Nchcuane Jesús ji'i̱ ngu' bi' li': ―¿Tilaca ta laca na' nacui̱ ngu'? ―nacui̱ Jesús ji'i̱ ngu' bi'.

SAN LUCAS 9:28

Nu lo'o cua ndu'u scua snu' tsa̱ tya lo'o nchcui' Jesús cha' bi', li' ndyacuí̱ yu sca ca'ya cha' chcui' yu lo'o ycui' Ndyosi; ndyaa lo'o yu ji'i̱ Pedro lo'o Jacobo lo'o Juan.

SAN LUCAS 9:29

Nu lo'o ndu̱ Jesús nchcui' lo'o ycui' Ndyosi Sti yu, li' hora ti ngutsa'a̱ ña'a̱ tyucui ña'a̱ loo Jesús; ñi'ya̱ ña'a̱ sca xee nu ngati̱ tsa, jua'a̱ ngati̱ tsa ña'a̱ ste' yu.

SAN JUAN 6:3

Li' ndyaa Jesús sca lo cuati̱i̱, ndyaa tucua xi ca bi' lo'o ñati̱ nu ndyaca tsa'a̱ ji'i̱.