SAN LUCAS 5:35 - Chatino Tataltepec

³⁵ Pana nu lo'o tyalaa tsa̱ nu tyaa lo'o ngu' ji'i̱ cutsii, li' ná cacu ngu' tya'a tso'o cutsii; caca xñi'i̱ ti' ngu' li'. La cui' jua'a̱ chaa ti' tya'a tso'o na' juani, pana caca xñi'i̱ ti' ngu' nde loo la ―nacui̱ Jesús li'.

SAN LUCAS 5:35 Referans Kwoze

SAN LUCAS 17:22

Li' nacui̱ Jesús ji'i̱ ngu' nu ndyaca tsa'a̱ ji'i̱: ―Nde loo la tyalaa tyempo nu nti' tsa ma̱ ña'a̱ ma̱ 'na, masi chaca tya tsa̱ nde chalyuu tya tyi'i̱ na' lo'o ma̱ nti' ma̱, na' nu cua nda ycui' Ni 'na lijya̱a̱ cha' caca na' ñati̱; pana nga'aa ña'a̱ ma̱ 'na li'.

2 CORINTIOS 11:27

Tucui tsa cña nu ndyacua 'na, ti'í tsa cña ndyacua 'na ca su ndya'a̱ na', ña'a̱ cuaya' tyu̱u̱ tsa quiya' ná ngua caja' na'; ntsu'u quiya' ntyute' na', jua'a̱ ntsu'u quiya' nguityi na' hitya, lo'o jua'a̱ ntsu'u tsa̱ nu ná ngujui tsiya' ti na cacu na', ntsu'u tsa̱ lo'o lye tsa nchca tlya' na', la cui' jua'a̱ ná ngujui late' cacu' na'. Lcaa cha' bi' ndyacua 'na ca su ndya'a̱ na'.

1 CORINTIOS 7:5

Ná tso'o si tyeje tacui tyu̱u̱ tsa̱ nu ná ndi'i̱ ma̱ lo'o clyo'o ma̱; sca ti si tyu'utsu' ma̱ xi ji'i̱ tya'a ma̱ cha' caja xi tyempo chcui' ma̱ lo'o ycui' Ndyosi Sti ma̱. Lo'o nteje tacui cha' bi', xa' tyi'i̱ ma̱ lo'o clyo'o ma̱ li', ñi'ya̱ nu ndi'i̱ ti ma̱. Si ná cua'ni ma̱ jua'a̱, ná tyiquee' quiñu'u̱ cha' ji'i̱ ma̱ lo'o clyo'o ma̱ cha' ná nchca talo ma̱ tyu̱u̱ tsa̱. Lo'o li' cua'ni nu xña'a̱ ngana ji'i̱ ma̱.

LOS HECHOS 14:23

Lo'o jua'a̱ ngusubi Pablo lo'o Bernabé ji'i̱ ñati̱ cha' caca ngu' loo ji'i̱ scaa taju ñati̱ ji'i̱ Jesucristo nu ndi'i̱ scaa quichi̱ tyi ngu'; ngua'ni Pablo lo'o Bernabé cña bi' lcaa quichi̱ su ndyaa ngu'. Tyu̱u̱ hora ná ndyacu ngu' tyaja tsa̱ nu lo'o nchcui' ngu' lo'o ycui' Ndyosi cha' subi ngu' ji'i̱ ñati̱ nu caca loo ji'i̱ taju tya'a ngu'. Ndijña ngu' ji'i̱ ycui' nu Xu'na na cha' cua'a Ni ji'i̱ ngu' bi', cha' ná caca cuxi ji'i̱ ngu', cha' tso'o tsa ngusñi lcaa ñati̱ bi' cha' ji'i̱ ycui' Ni.

LOS HECHOS 3:21

Ntsu'u cha' tyanu Jesús ca slo Ni nu juani ti; pana tiya' la, li' tyalaa sca tsa̱ lo'o chaca quiya' cua'ni cucui ycui' Ndyosi ji'i̱ lcaa na nu ntsu'u chalyuu, cha' li' tya̱a̱ Jesús. Jua'a̱ laca cha' nu nda ycui' Ndyosi lo'o jyo'o cusu' ji'na, cha' nu nguscua ngu' lo quityi cua sa'ni la.

LOS HECHOS 1:9

Lo'o cua ndye nchcui' Jesús cha' bi', laja lo'o na'a̱ ngu' ji'i̱ ndyiqui'ya ycui' Ndyosi ji'i̱ yu ndyaa yu nde cua̱ li'. Ndyacu̱' sca coo hichu̱' yu cha' nga'aa tyaca̱' ña'a̱ ngu' ji'i̱ yu.

SAN JUAN 16:28

Nde su ndi'i̱ Sti na' ngutu'u na' lijya̱ na' nde chalyuu; lo'o juani cua tyu'u ti na' chalyuu, tsa'a na' ca slo Sti na' chaca quiya'.

SAN JUAN 13:33

Sñi' na' ―nacui̱ Jesús ji'i̱ ngu' bi' li'―, tya xi ca tsa̱ tya tyi'i̱ na' nde chalyuu lo'o ma̱. Ñi'ya̱ nu ni na' ji'i̱ ngu' judío tya tsubi', la cui' ti cha' ta na' lo'o ma̱ juani: Tsaana ma̱ jna', pana ná caja chacuayá' tsaa ma̱ ca su tsa'a̱ ―nacui̱ yu―.

SAN JUAN 12:8

Lcaa tyempo ndi'i̱ ngu' ti'i lo'o ma̱ nde chalyuu, lcaa tsa̱ taca xtyucua ma̱ ji'i̱ ngu' bi' nquicha'; pana nu na' ni, ná tyu̱u̱ tsa̱ tyi'i̱ na' slo cu'ma̱.

SAN MATEO 9:15

Li' nguxacui̱ Jesús cha' ji'i̱ ngu' bi': ―Lo'o caja clyo'o ngu' ni, ndacu ngu' nu ndya'a̱ lo'o cutsii; ná ndi'i̱ ngu' xñi'i̱ ti' ngu' tsa̱ bi' lo'o ndi'i̱ ngu' lo'o cutsii ―nacui̱ Jesús ji'i̱ ngu' li'―. Pana nu lo'o tyalaa tsa̱ li', nu lo'o tyaa lo'o ngu' ji'i̱ cutsii, li' ná cacu ngu' tya'a tso'o cutsii, cha' caca xñi'i̱ ti' ngu' li'. La cui' jua'a̱ chaa ti' tya'a tso'o na' juani, pana caca xñi'i̱ ti' ngu' re nde loo la.

SAN MARCOS 2:20

Pana nu lo'o tyalaa tsa̱ nu lo'o tyaa lo'o ngu' ji'i̱ cutsii, li' ná cacu ngu' tya'a tso'o cutsii, cha' caca xñi'i̱ ti' ngu' li'. La cui' jua'a̱ chaa ti' tya'a tso'o na' juani, pana caca xñi'i̱ ti' ngu' nde loo la.

SAN LUCAS 5:34

Ndi'ya̱ nguxacui̱ Jesús cha' ji'i̱ ngu' bi' li': ―Lo'o caja clyo'o ngu' ni, ndacu ngu' nu ndya'a̱ lo'o ji'i̱ cutsii; ná ndi'i̱ ngu' ntyute' ti ngu' tsa̱ bi', nu lo'o ndi'i̱ ngu' lo'o cutsii ―nacui̱ Jesús―.

SAN LUCAS 5:36

Lo'o li' nda Jesús cui̱i̱ re lo'o ngu': ―Ná nsa'be ngu' sa yu'be ste' cucui ngu' cha' calya lo'o sca late' cusu̱ ji'i̱ ngu'. Si jua'a̱ cua'ni ngu', ná tyanu tso'o late' cucui bi' li', tyati̱' jlyacua̱ su ngalya bi'; lo'o nu yu'be late' bi', ná stu'ba xee loo lo'o nu late' cusu̱ bi'.