SAN LUCAS 5:24 - Chatino Tataltepec

²⁴ Cua nti' na' cha' caca cuayá' ti' ma̱ cha' cua nda ycui' Ndyosi chacuayá' jna', cha' cui'ya na' cha' clyu ti' ji'i̱ qui'ya nu ntsu'u ji'i̱ ñati̱ laja lo'o ndi'i̱ na' nde chalyuu ―nacui̱ Jesús―. Xqui'ya cha' bi' cua nda Ni 'na lijya̱a̱ nde chalyuu cha' caca na' ñati̱. Li' xa' nchcui' Jesús lo'o nu qui'yu nu nchcu̱' tyucuí̱ tyucui ña'a̱ yu: ―Nde laca cha' nu nda na' lo'o nu'u̱ ―nacui̱ Jesús ji'i̱ yu―, tyatu̱ clya nu'u̱ juani cha' tyaa nu'u̱ nde to' tyi nu'u̱; tyaa lo'o nu'u̱ ji'i̱ catya̱ su ngustii nu'u̱ juani.

SAN LUCAS 5:24 Referans Kwoze

APOCALIPSIS 1:13

Laja candyeru bi' ndu̱ sca nu ñi'ya̱ ña'a̱ ñati̱ ña'a̱, jua'a̱ ña'a̱ nu cusu' bi' ngua ti' na'. Tyucui̱ tsa late' lacu' Ni, nu ndyalaa ca yane quiya' Ni tsiya' ti, lo'o jua'a̱ cua ndyaaca̱' tyiquee Ni lo'o sca sintya oro.

LOS HECHOS 14:10

Li' nchcui' Pablo lo'o nu quicha bi': ―Tyatu̱ liñi nu'u̱ juani ―nacui̱ Pablo ji'i̱. Hora ti ndatu̱ nu quicha bi', ngua ji'i̱ ndya'a̱ li'.

LOS HECHOS 9:40

Nchcui' Pedro lo'o ngu' li': ―Tyu'u ma̱ xi nde liya' ―nacui̱ yu ji'i̱ ngu'. Nu lo'o ndye ndu'u ngu' nde liya', li' ndyatu̱ sti̱' Pedro nchcui' yu lo'o ycui' Ndyosi. Nu lo'o ndye nchcui' yu lo'o ycui' Ndyosi, li' ndyaa yu nde su nscua jyo'o bi', nchcui' yu lo'o jyo'o bi' li': ―Tabita ―nacui̱ yu―, tyatu̱ nu'u̱ juani. Lo'o li' tsa tsiya' ca nguxuti'i̱ Tabita bi' cloo; li' nguxña'a̱ ji'i̱ Pedro, hora ti ndaca'a̱ li'.

LOS HECHOS 9:34

Li' nchcui' Pedro lo'o yu quicha bi': ―Eneas ―nacui̱― cua ngua'ni Jesucristo cha' ndyaca tso'o nu'u̱ juani ―nacui̱―. Bi' cha' tyatu̱ nu'u̱, xcua tso'o late' lo qui'ña cua. Hora ti ndatu̱ Eneas li'.

LOS HECHOS 5:31

Nchca ji'i̱ Jesús bi' cuityi̱ yu cha' cuxi nu ntsu'u ji'i̱ ñati̱ chalyuu. Ycui' Jesús laca nu Xu'na na, bi' cha' la'a tsu' cui̱ ca su ntucua Ni nda ycui' Ndyosi su tyi'i̱ Jesús. Ngua'ni Ni jua'a̱ cha' caja ñi'ya caca tyuju'u ti' na nu laca na ngu' Israel ji'i̱ qui'ya nu ntsu'u ji'na, lo'o jua'a̱ cui'ya Ni cha' clyu ti' ji'na li'.

SAN JUAN 17:2

Na cua nda nu'u̱ chacuayá' jna' cha' caca na' loo ji'i̱ lcaa ñati̱, cha' ta na' chaca chalyuu ji'i̱ ñati̱ nu nda nu'u̱ 'na, chalyuu nu ná nga'a̱ cha' tye ―nacui̱ Jesús ji'i̱ ycui' Ndyosi Sti yu―.

SAN JUAN 11:43

Li' cui̱i̱ tsa nchcui' Jesús: ―Lázaro, tyu'u nu'u̱ su ntsu'u nu'u̱ ndacua, tya̱a̱ nu'u̱ nde liya' re.

SAN JUAN 5:27

Lo'o jua'a̱ ntsu'u chacuayá' jna' cha' cua'ni cuayá' na' ji'i̱ ñati̱ chalyuu, xqui'ya cha' cua lijya̱ na' chalyuu laca na' ñati̱.

SAN JUAN 3:13

’Bilya tsaa ni tsaca ñati̱ ca slo ycui' Ndyosi. Sca ti na' nu nda ycui' Ndyosi 'na lijya̱a̱ cha' caca na' ñati̱, cua ndya'a̱ na' cajua, cha' cajua laca tyi na'.

SAN LUCAS 8:54

Li' ndyatí̱ Jesús ni'i̱, ngusñi ya' nu piti, jua'a̱ cui̱i̱ nchcui' lo'o li': ―Tyaca'a̱ nu'u̱, mbixu̱' ―nacui̱.

SAN LUCAS 7:14

Li' ya̱a̱ Jesús cacua la slo ngu' bi', ngusta ya' yu chu̱' caju̱. Li' ndatu̱ ngu' nu ndyi'ya ji'i̱ jyo'o bi', nchcui' Jesús lo'o nu jyo'o bi': ―Yu cuañi' nu'u̱ ―nacui̱―. Tyaca'a̱ clya nu'u̱.

SAN LUCAS 5:13

Li' ngusta ya' Jesús chu̱' yu su ndyatsu' cuaña' yu: ―Tyaja'a̱ na' ―nacui̱ Jesús ji'i̱―. Caca lubii tyucui ña'a̱ nu'u̱ juani ti. Laja lo'o nchcui' Jesús jua'a̱, hora ti ndatsu' quicha nu ndyatsu' cuaña' yu li'.

SAN MATEO 28:18

Li' ñaa Jesús cacua la, nchcui' lo'o ngu': ―Cua nda ycui' Ndyosi Sti na' lcaa chacuayá' 'na cha' laca na' loo ji'i̱ lcaa na, masi lcaa na nu ntsu'u ca slo ycui' Ni nde cua̱, masi lcaa na nu ntsu'u nde chalyuu ―nacui̱ Jesús ji'i̱ ngu'―.

SAN MATEO 26:64

―La cui' laca na' ―nacui̱ Jesús li'―, ñi'ya̱ nu nacui̱ nu'u̱ laca na'. Lo'o chaca cha' cacha' na' ji'i̱ ma̱ juani, cha' nde loo la ña'a̱ ma̱ 'na nu cua nda Ni 'na lijya̱a̱ cha' caca na' ñati̱, nu lo'o tyucua na' la'a tsu' cui̱ ca su ntucua ycui' Ndyosi Sti na', nu lcaa tsiya' ti cña nchca ji'i̱ Ni. Li' ca̱a̱ na' chaca quiya' laja coo nde cua̱.

SAN MATEO 25:31

’Nu lo'o tya̱a̱ na' nu cua nda Ni 'na lijya̱a̱ cha' caca na' ñati̱, ca̱a̱ na' cha' caca na' loo tsiya' ti ji'i̱ ñati̱. Stu'ba ti ca̱a̱ na' lo'o lcaa ngu' xca̱ 'na, lo'o li' tyaca'a̱ na' su tlyu su cua cua̱ la xi, sca se'i̱ su ndubi tsa ña'a̱ laca bi'. Ca bi' cua'ni cuayá' na' ji'i̱ lcaa ñati̱ li'.

SAN MATEO 16:13

Lo'o ca tiya' la, li' ndyalaa ngu' loyuu su cuentya quichi̱ Cesarea de Filipo. Xa' nchcui' Jesús lo'o ngu' nu ndyaca tsa'a̱ ji'i̱, nchcuane yu ji'i̱ ngu' li': ―¿Na laca nacui̱ ñati̱ cuentya 'na? ¿Tilaca laca na' nu cua nda Ni 'na lijya̱a̱ nde cha' caca na' ñati̱? ―nacui̱ Jesús ji'i̱ ngu' bi'.

SAN MATEO 9:6

Ntsu'u cha' ca cuayá' ti' ma̱ cha' ntsu'u chacuayá' 'na cuentya ji'i̱ ycui' Ndyosi cha' cuityi̱ na' qui'ya nu ntsu'u ji'i̱ ñati̱ chalyuu, cha' nu cua nda Ni 'na lijya̱a̱ cha' caca̱ ñati̱. Ca cuayá' ti' ma̱ lo'o ña'a̱ ma̱ cha' tyaca tso'o nu quicha re juani. Li' xa' nchcui' Jesús lo'o nu quicha bi': ―Tyatu̱ nu'u̱ ―nacui̱ Jesús ji'i̱―, xñi ji'i̱ catya̱ jinu'u̱ cha' tsaa lo'o ji'i̱ ca to' tyi.

SAN MATEO 4:24

Li' nguañi cha' ji'i̱ Jesús lcaa quichi̱, hasta ca nde loyuu Siria nguañi cha' ji'i̱ yu; bi' cha' ñaa lo'o ngu' ji'i̱ lcaa ngu' quicha slo ycui' yu, cha' cua'ni yu jo'o ji'i̱ ngu'. Ñaa lo'o ngu' ji'i̱ nu quicha, masi ti'í tsa ngu' xqui'ya quicha nu ntsu'u ji'i̱ ngu'; ñaa lo'o ngu' ji'i̱ ngu' nu ntsu'u cui'i̱ cuxi ji'i̱ ngu', masi nxalú cui'i̱ ji'i̱ ngu', masi nchcu̱' tyucuí̱ tyucui ña'a̱ ngu', masi nchcuti sca tsu' ya' ngu'. Lo'o li' ngua'ni Jesús cha' ndyaca tso'o lcaa ngu' quicha bi'.

SAN LUCAS 5:18

Li' ndyalaa lo'o ngu' ji'i̱ sca nu quicha nu ntsiya ne' catya̱, cha' cua nchcu̱' tyucuí̱ tyucui ña'a̱ yu quicha bi'. Ngua ti' ngu' cha' tyatí̱ ngu' toni'i̱ su nga'a̱ Jesús, cha' tsaa lo'o ngu' ji'i̱ nu quicha bi' ca su ndu̱ ycui' Jesús, ña'a̱ lo'o catya̱ ngua ti' ngu'.