SAN LUCAS 4:20 - Chatino Tataltepec

²⁰ Li' nguxcatya'a Jesús quityi bi', xa' ndya yu quityi bi' ji'i̱ xirta ne' laa bi', xa' ndyaa tucua Jesús li'; pana lcaa ngu' nu ndi'i̱ ne' laa bi' ña'a̱ tsa ngu' ji'i̱ yu.

SAN LUCAS 4:20 Referans Kwoze

SAN LUCAS 4:17

quityi nu nguscua jyo'o Isaías, bi' laca quityi nu nda ngu' ji'i̱ Jesús cha' chcui' yu lo. Li' nguscana Jesús quityi bi', ngulana macala nscua cha' nu nchcui' ndi'ya̱:

SAN JUAN 8:2

Pana tsa cua cuxee ti, xa' ndatu̱ Jesús ne' laa tonu. Li' ndyu'u ti'i̱ lcaa ñati̱ ca slo yu. Ca bi' ndyaca'a̱ yu ngulu'u yu cha' ji'i̱ ycui' Ndyosi ji'i̱ ngu'.

SAN LUCAS 19:48

Pana ná ngujui ñi'ya̱ nu cua'ni ngu' cha' cuxi bi', cha' cua quiña'a̱ tsa ñati̱ ndya'a̱ lo'o yu, lo'o jua'a̱ ndiya tsa ti' ngu' nduna ngu' cha' nu nchcui' yu.

SAN LUCAS 5:3

Li' ndyatí̱ Jesús ne' sca yaca ni'i̱ ji'i̱ Simón, nchcui' lo'o yu cha' tucuni'i̱ yu ji'i̱ yaca ni'i̱ cha' tsaa ca lo hitya la xi. Ndyaa tucua Jesús nde siyu' ti yaca ni'i̱ bi', li' nguxana Jesús nclyu'u cha' ji'i̱ ycui' Ndyosi ji'i̱ ngu' quiña'a̱ bi'.

SAN MATEO 26:55

Li' nchcui' Jesús lo'o nu taju ñati̱ tyaala nu ñaa cha' xñi ngu' ji'i̱: ―¿Ni cha' lijya̱ ma̱ lo'o maxtyi cusu̱u̱ lo'o yaca ntsu'u ya' ma̱, cha' xñi ma̱ 'na? ―nacui̱ Jesús ji'i̱ ngu'―. ¿Ha sca nu cuaana laca na' lacua? Tyu̱u̱ tsa tsa̱ ngua'a̱ na' ne' laa tonu ji'i̱ ma̱, ngulu'u na' cha' ji'i̱ ycui' Ndyosi ji'i̱ ñati̱, lo'o ná ngusñi ma̱ 'na li'.

LOS HECHOS 16:13

Lo'o nu ngua tsa̱ nu ndi'i̱ cña' ngu' judío, li' ndu'u ya quichi̱ ndyaa ya ca to' sta'a̱ su ndyu'u ti'i̱ ngu' judío cha' chcui' ngu' lo'o ycui' Ndyosi tsa̱ bi'; ngulu'u ya xi ji'i̱ ngu' cuna'a̱ nu ndyu'u ti'i̱ ndacua ti.

LOS HECHOS 3:12

Cua na'a̱ Pedro ji'i̱ ñati̱ cha' quiña'a̱ tsa ngu' ndyalaa ngu' slo. Li' nchcui' Pedro lo'o ngu' quiña'a̱ bi' ñi'ya̱ nu ngua ji'i̱ nu quicha bi': ―Cu'ma̱ ngu' Israel ―nacui̱ Pedro ji'i̱ ngu'―, ¿ni cha' laca ndube tsa ti' ma̱? ―nacui̱―. Na ndu̱ ti ma̱ nxña'a̱ tsa ma̱ ji'i̱ ya ―nacui̱―. Ndube tsa ti' ma̱ ña'a̱ ma̱ na ca ndyaca ji'i̱ nu qui'yu re. Nacui̱ ma̱ cha' nchca tsa ji'i̱ ya; ngua'ni ya cha' ndyaca tso'o yu re xqui'ya cha' tso'o tsa cha' nu ndu'ni ya lcaa tsa̱, nti' ma̱. Si'i jua'a̱. Jesús laca nu ngua'ni cha' ndyaca tso'o quiya' yu re.

SAN MATEO 27:60

Nguxatsi' yu ji'i̱ jyo'o bi' ne' sca tyuquee nu cua ngulu ca ti ngu' sii' cua'a̱, cha' caca cuaá su tyatsi' ycui' José nquicha'. Ndacu̱' José bi' to' cuaá lo'o sca quee tonu, ndu'u yu ndyaa yu li'.

SAN LUCAS 4:21

Li' nguxana Jesús nda yu cha' lo'o ngu': ―Hasta juani cua ndu'u tucua cha' bi' su ntucua ycui' ma̱, cha' nu ndyuna ca ti ma̱ ―nacui̱ Jesús.