SAN LUCAS 4:16 - Chatino Tataltepec

¹⁶ Li' ndyalaa Jesús nde quichi̱ Nazaret, su nguluu yu. Lo'o ndyalaa tsa̱ nu ndi'i̱ cña' ngu', li' ndyaa yu ne' laa ji'i̱ ngu', cha' xcui' jua'a̱ ndu'ni yu tsa̱ bi'. Li' ndatu̱ Jesús cha' chcui' yu lo quityi nu nscua cha' ji'i̱ ycui' Ndyosi;

SAN LUCAS 4:16 Referans Kwoze

LOS HECHOS 17:2

bi' cha' ndyaa Pablo ne' laa bi' ñi'ya̱ nu ndya'a̱ yu ne' laa ji'i̱ ngu' judío lcaa quichi̱. Tsa̱ nu ndi'i̱ cña' ngu' judío ndyu'u ti'i̱ ngu' quichi̱ ne' laa, lo'o jua'a̱ ndyatí̱ Pablo ndyaa yu ne' laa tsa̱ bi'. Cua ndyaa sna semana nchcui' yu lo'o ngu' ca bi';

SAN MATEO 2:23

Ca bi' ndyalaa ngu' quichi̱ Nazaret cha' tyi'i̱ ngu'. La cui' cha' bi' nchcui' jyo'o cusu' nu ngua tu'ba ji'i̱ ycui' Ndyosi nu ngua sa'ni lo'o nchcui' ngu' ndi'ya̱: ngu' Nazaret cua'ni ngu' ji'i̱ nu bi'. Jua'a̱ nchcui' jyo'o cusu' bi' cua sa'ni, bi' cha' jua'a̱ ndu'ni ngu' ji'i̱ Jesús juani.

SAN LUCAS 2:51

Li' ndu'u nu piti bi' ndyaa nde Nazaret chaca quiya' lo'o ngu' cusu' ji'i̱ yu. Ña'a̱ ti tya ndaquiya' tsa yu ji'i̱ cha' nu nchcui' ngu' bi'. Lo'o jua'a̱ xtya'a̱ yu ni, nchco'o ma' lcaa cha' bi' ne' cresiya ji'i̱.

SAN LUCAS 2:42

Cua ntsu'u tii tyucuaa yija̱ Jesús, lo'o ndyaa ngu' ta'a ca Jerusalén ñi'ya̱ nu ndu'ni ti ngu' lcaa yija̱.

SAN JUAN 18:20

Li' nguxacui̱ Jesús cha' ji'i̱ sti jo'ó bi': ―Lcua ti se'i̱ su ndya'a̱ na', liñi nchcui' na' lo'o ngu' ña'a̱ cuayá' nu cuna lcaa ñati̱ ―nacui̱ yu―. Masi ne' laa sube ti, masi ne' laa tlyu, lcaa su ndyu'u ti'i̱ ngu' judío, ca bi' ngulu'u na' ji'i̱ ngu'; ni sca quiya' ná nchcui' na' cuaana ti lo'o ngu'.

SAN LUCAS 4:21

Li' nguxana Jesús nda yu cha' lo'o ngu': ―Hasta juani cua ndu'u tucua cha' bi' su ntucua ycui' ma̱, cha' nu ndyuna ca ti ma̱ ―nacui̱ Jesús.

SAN LUCAS 2:39

Lo'o cua ndye ngua'ni ngu' lcaa cña nu nga'a̱ cha' cua'ni ngu', cña nu ngulo ycui' nu Xu'na na ji'i̱ ngu' judío cua sa'ni la cha' cua'ni ngu', li' nguxtyu̱u̱ ngu' ndyaa ngu' ca nde loyuu su cuentya Galilea; ndyalaa ngu' ca quichi̱ Nazaret nu laca quichi̱ tyi ngu' li'.

SAN LUCAS 4:15

Lcaa quichi̱ su ndya'a̱ yu nda yu cha' lo'o ngu' ca ne' laa ji'i̱ ngu' judío, lo'o jua'a̱ lcaa ñati̱ ngua'ni chi̱ ngu' loo Jesús.

SAN LUCAS 4:17

quityi nu nguscua jyo'o Isaías, bi' laca quityi nu nda ngu' ji'i̱ Jesús cha' chcui' yu lo. Li' nguscana Jesús quityi bi', ngulana macala nscua cha' nu nchcui' ndi'ya̱:

SAN LUCAS 4:23

Li' nguxacui̱ Jesús cha' ji'i̱ ngu' bi': ―Ná tyiquee' tiya' la xi ta ma̱ cha' re lo'o na': “Si nu jo'o laca nu'u̱, cua'ni nu'u̱ jo'o ji'i̱ ycui' ca lacua”. Lo'o jua'a̱ ná tyiquee' ñacui̱ ma̱ jna': “Cua ndyuna ya cha' ji'i̱ lcaa cña tonu nu ngua'ni nu'u̱ nde quichi̱ Capernaum bi'”, ñacui̱ ma̱. “La cui' jua'a̱ cua'ni nu'u̱ nde quichi̱ tyi na lacua, cha' ña'a̱ ya xi”, ñacui̱ ma̱ 'na li'.