SAN LUCAS 3:23 - Chatino Tataltepec

²³ Calaa tyii yija̱ cua ntsu'u Jesús lo'o nguxana ndyu'ni yu cña ji'i̱ ycui' Ndyosi Sti yu. Ngua ti' ngu' cha' José ngua sti yu, lo'o sti José bi' ngua jyo'o Elí;

SAN LUCAS 3:23 Referans Kwoze

SAN MATEO 13:55

La cui' sñi' cuityi yaca laca yu re. ¿Ha si'i? Lo'o María laca xtya'a̱ yu; lo'o Jacobo, lo'o José, lo'o Simón, lo'o Judas, ngu' bi' laca tya'a yu re.

LOS HECHOS 1:1

Tya tsubi' la cua nscua na' sca quityi nu ndyaa slo nu'u̱, Teófilo. Quityi bi' ndacha' ji'i̱ cua ña'a̱ ca cña nu ngua'ni Jesús, cua ña'a̱ ca cha' nu ngulu'u Jesús tya lo'o nguxana ndyu'ni yu cña,

SAN JUAN 6:42

Li' nacui̱ ngu': ―¿Ha si'i Jesús sñi' José laca nu jua? ―nacui̱ ngu'―. Cua nslo na ji'i̱ sti yu lo'o xtya'a̱ yu. ¿Ñi'ya̱ ndyu'u cha' nu nchcui' yu jua cha' cua ngutu'u yu ca su ntucua ycui' Ndyosi?

SAN LUCAS 4:22

Ndube tsa ti' ngu' ña'a̱ ngu' ji'i̱ Jesús cha' tso'o tsa nchcui' yu, jua'a̱ ndiya tsa ti' ngu' cha' nu nda yu lo'o ngu'. Ndi'ya̱ cha' nu nchcui' ngu' lo'o tya'a ngu' ji'i̱ yu li': ―¿Ha si'i ca sñi' José laca yu re? ―nacui̱ ngu'

SAN MARCOS 6:3

¿Ha si'i cuityi yaca laca yu re? ―nacui̱ ngu'―. La cui' sñi' María laca re; tya'a Jacobo, tya'a José, tya'a Judas, tya'a Simón laca yu re. Nde quichi̱ tyi na ndi'i̱ ngu' cuna'a̱ tya'a yu re ―nacui̱ ngu' ji'i̱ tya'a ngu'. Chi̱i̱ nti' ngu' ña'a̱ ngu' ji'i̱ Jesús,

SAN MATEO 4:17

Lo'o li' nguxana nchcui' Jesús lo'o ngu' nu ndya'a̱ slo: ―Ca tyuju'u ti' ma̱ ―nacui̱ Jesús ji'i̱ ngu'―, xtyanu ma̱ ji'i̱ lcaa cha' cuxi nu ndyu'ni ma̱, cha' cua tyalaa ti hora cha' caca ycui' Ndyosi loo ne' cresiya ji'i̱ ma̱.

SAN MATEO 1:16

Lo'o li' sñi' jyo'o Jacob bi' ngua José nu ngua clyo'o María xtya'a̱ Jesús, lo'o jua'a̱ Cristo naa Jesús bi'.

SAN LUCAS 3:31

Melea ngua naa sti Eliaquim bi'; Mainán ngua naa sti Melea bi'; Matata ngua naa sti Mainán bi'; Natán ngua naa sti Matata bi';

SAN MATEO 1:6

li' jyo'o Isaí bi' ngua sti rey David; li' jyo'o rey David ngua sti Salomón, lo'o xtya'a̱ Salomón bi' ngua nu cuna'a̱ nu ngua clyo'o jyo'o Urías clyo.

SAN MATEO 1:1

Nde nscua na' qui'i ti cha' ji'i̱ lcaa ñati̱ nu ngua jyo'o cusu' ji'i̱ Jesucristo, cha' ñati̱ tya'a ji'i̱ jyo'o David laca yu, lo'o jua'a̱ ñati̱ tya'a ji'i̱ jyo'o Abraham laca yu, masi tyijyu' ti.

SAN LUCAS 2:48

Lo'o jua'a̱ ngu' cusu' ji'i̱ nu piti bi' ni, ndube tsa ti' ngu' bi' lo'o na'a̱ ngu' ji'i̱ yu cha' stu'ba ti ntucua yu lo'o ngu' tlyu bi'. Li' nchcui' xtya'a̱ yu lo'o yu: ―¿Ni cha' laca ngua'ni nu'u̱ jua'a̱, sñi'? ―nacui̱―. Quiña'a̱ tsa ngulacua ti' na' lo'o sti nu'u̱ macala su ndyanu nu'u̱.

SAN JUAN 1:45

Li' ndyaa Felipe cha' chcui' lo'o Natanael tya'a ndya'a̱ nu Felipe bi': ―Cua na'a̱ ya ji'i̱ Cristo, nu ñati̱ tlyu nu cua sa'ni nguscua jyo'o Moisés cha' ji'i̱ lo quityi ji'i̱ ycui' Ndyosi ―nacui̱ Felipe―. La cui' cha' ji'i̱ yu bi' cua nchcui' lcaa jyo'o cusu' nu ngua tu'ba ji'i̱ ycui' Ndyosi sa'ni. Jesús naa yu bi', sñi' sca nu naa José. Nazaret laca quichi̱ tyi yu.