SAN LUCAS 3:14 - Chatino Tataltepec

¹⁴ Lo'o xi ngu' sendaru ndyalaa cha' cacha' ji'i̱ Juan li': ―Jua'a̱ cuare, ¿ñi'ya̱ cña cua'ni ya? ―nacui̱ sendaru bi'. ―Nga'aa xlyaá ma̱ na nu ntsu'u ji'i̱ ñati̱, ni nga'aa xcutsi̱i̱ ma̱ ji'i̱ ngu'; nga'aa sta ma̱ qui'ya laja ti ji'i̱ ngu', cha' caja cha' bi' ji'i̱ ma̱. Lo'o jua'a̱, nga'aa ñacui̱ ma̱ cha' xti ti caya' ndyiji ji'i̱ ma̱ ―nacui̱ Juan ji'i̱ ngu' sendaru bi'.

SAN LUCAS 3:14 Referans Kwoze

FILIPENSES 4:11

Ná nacui̱ na' cha' lyiji tsa cha' tso'o 'na, cha' tso'o tsa ndyaala' ti' na' lo'o na laca nu ndyiji ti xi 'na.

SAN LUCAS 19:8

Li' ndatu̱ Zaqueo cha' chcui' lo'o Jesús: ―Ña'a̱ xi ya'a̱, cusu' ―nacui̱ yu―. Ta na' sa cla'be cha' tso'o nu ntsu'u 'na ji'i̱ ngu' ti'i. Si tya ntsu'u na nu nguaana na' cha' cua ngüiñilo'o na' ji'i̱ ngu', tya na' na bi' ji'i̱ ngu', masi jacua tsa lo cua quije ji'i̱ ngu' ―nacui̱ Zaqueo li'.

APOCALIPSIS 12:10

Lo'o li' cui̱i̱ tsa nguañi nchcui' sca ñati̱ nde cua̱: ―Juani taca ña'a̱ na ñi'ya̱ ngua'ni lyaá ycui' Ndyosi ji'i̱ ñati̱ chalyuu ya' nu xña'a̱ ―nacui̱ ngu'―. Nguula tsa cña ndu'ni Ni chalyuu, bi' cha' laca Ni loo juani, lo'o jua'a̱ cua ndyalaa tyempo cha' caca Cristo loo tyucui ña'a̱ chalyuu. Nu ngua tya tsubi' la ndu̱ nu xña'a̱ bi' ca slo ycui' Ndyosi, cha' tsa̱ lo'o talya ngusta bi' qui'ya hichu̱' ñati̱ tya'a ngusñi na cha' ji'i̱ Jesús; pana juani cua ngulo'o Ni ji'i̱ ca su ntucua ycui' Ni, cua ndyu'u laja ngu' bi' li'.

TITO 2:3

Lo'o jua'a̱ culu'u nu'u̱ ji'i̱ ma' cusu' ñi'ya̱ nu nga'a̱ cha' tyi'i̱ ma' cha' cua'ni chi̱ ma' loo ycui' Ndyosi, cha' ná chcui' ma' cuentyu ji'i̱ ñati̱, cha' ná ca cu'bi ma', cha' culu'u ma' xcui' cha' tso'o ji'i̱ tya'a ñati̱ ma'.

FILIPENSES 2:15

cha' ná caca ñacui̱ ngu' cha' ntsu'u qui'ya ji'i̱ ma̱ li', lo'o jua'a̱ ná caja su lyiji cua'ni ma̱ sca cha' li'. Tso'o la si caca cuayá' ti' ngu' cha' chañi cha' laca ma̱ sñi' ycui' Ndyosi tyucui tyiquee ma̱, masi xcui' ndi'i̱ ti ma̱ chalyuu laja ñati̱ cuxi, laja ñati̱ nu chi̱i̱ nti' ngu' ña'a̱ ji'i̱ tya'a ngu'. Xqui'ya cu'ma̱ nga'a̱ cha' cañi cha' ji'i̱ Jesús lcaa su ndi'i̱ ñati̱ bi'; ñi'ya̱ nu ntyiji'i̱ xee cuii nde talya, jua'a̱ caca ma̱ xee nde chalyuu,

LOS HECHOS 10:7

Ndu'u xca̱ ji'i̱ ycui' Ndyosi bi', ndyaa li'. Lo'o li' ngusi'ya Cornelio ji'i̱ tucua tya'a msu ji'i̱, lo'o ji'i̱ sca sendaru nu ndu'ni cña ji'i̱; lo'o sendaru bi' ndyu'ni tlyu yu ji'i̱ ycui' Ndyosi.

SAN MATEO 8:5

Lo'o li' ndyalaa Jesús to' quichi̱ Capernaum. Quichi̱ bi' ndyacua tya'a lo'o sca capitán ji'i̱ sendaru romano nu ndijña ji'i̱ Jesús cha' cua'ni jo'o ji'i̱ sca nu quicha:

SAN LUCAS 3:10

Lo'o ndye ndyuna ngu' cha' bi', li' ndacha' ngu' ji'i̱ Juan bi': ―¿Ni cña cua'ni ya lacua?

SAN LUCAS 3:13

―Ná tyeje tacui cuayá' cha' culo ma̱ cñi cña loo ngu' ―nacui̱ Juan ji'i̱ ngu' bi'.