SAN LUCAS 3:10 - Chatino Tataltepec

¹⁰ Lo'o ndye ndyuna ngu' cha' bi', li' ndacha' ngu' ji'i̱ Juan bi': ―¿Ni cña cua'ni ya lacua?

SAN LUCAS 3:10 Referans Kwoze

LOS HECHOS 2:37

Lo'o ndyuna ngu' cha' nu nchcui' Pedro, ntyuju'u tsa ti' ngu' li'. Nchcuane ngu' ji'i̱ Pedro lo'o ji'i̱ lcaa ngu' nu ngua tsa'a̱ ji'i̱ Jesús tya clyo: ―¿Ñi'ya̱ cua'ni ya juani? ―nacui̱ ngu' ji'i̱ ngu' bi'.

SAN LUCAS 3:14

Lo'o xi ngu' sendaru ndyalaa cha' cacha' ji'i̱ Juan li': ―Jua'a̱ cuare, ¿ñi'ya̱ cña cua'ni ya? ―nacui̱ sendaru bi'. ―Nga'aa xlyaá ma̱ na nu ntsu'u ji'i̱ ñati̱, ni nga'aa xcutsi̱i̱ ma̱ ji'i̱ ngu'; nga'aa sta ma̱ qui'ya laja ti ji'i̱ ngu', cha' caja cha' bi' ji'i̱ ma̱. Lo'o jua'a̱, nga'aa ñacui̱ ma̱ cha' xti ti caya' ndyiji ji'i̱ ma̱ ―nacui̱ Juan ji'i̱ ngu' sendaru bi'.

LOS HECHOS 16:30

Li' ngulo yu ji'i̱ ngu' ne' chcua̱. ―Cusu' ―nacui̱ yu ji'i̱ Pablo lo'o Silas―, cuxi tsa ñati̱ laca na'. ¿Ñi'ya̱ cua'ni na' cha' cua'ni lyaá Ni jna'? ―nacui̱ nu laca loo bi'.

SAN LUCAS 3:8

Tso'o lacua, culu'u ma̱ ji'i̱ ya si chañi cha' cua ngulochu̱' ma̱ cha' cuxi nu ntsu'u ji'i̱ ma̱; ná ñacui̱ ma̱ cha' sñi' ycui' Ndyosi laca ma̱, xqui'ya cha' ndyu'u ma̱ ji'i̱ jyo'o Abraham. Cha' liñi ta na' lo'o ma̱ ―nacui̱ Juan―, cha' taca ji'i̱ ycui' Ndyosi subi Ni ji'i̱ xa' la ñati̱ nu caca sñi' Abraham ñi'ya̱ laca na juani, masi nti' ma̱ cha' na ple ti nu xa' la ñati̱ bi', masi nti' ma̱ cha' ñi'ya̱ laca quee re, jua'a̱ ti laca ngu' ―nacui̱ Juan ji'i̱ ngu'―.

LOS HECHOS 9:6

Lye tsa nchcua̱ Saulo cha' ndyutsi̱i̱ yu li'. ―¿Ñi'ya̱ nu nti' nu'u̱ cha' cua'ni na', Xu'na? ―nacui̱ Saulo li'. ―Tyatu̱ nu'u̱ ni ―nacui̱ Jesús ji'i̱― cha' tye tyalaa ca quichi̱ Damasco jua. Ca ndacua ndi'i̱ sca ñati̱ nu culu'u jinu'u̱ ñi'ya̱ caca cña nu cua'ni nu'u̱ cuentya jna'.

SAN LUCAS 3:12

Lo'o jua'a̱ ya̱a̱ xi ngu' cuxi nu nxñi cñi cña loo ngu' cuentya ji'i̱ ngu' xa' tsu', ya̱a̱ ngu' cha' tyucuatya Juan ji'i̱ ngu'. Li' nchcuane ngu' bi' ji'i̱ Juan: ―¿Ñi'ya̱ cña cua'ni ya, mstru? ―nacui̱ ngu' bi' ji'i̱ Juan.

LOS HECHOS 2:38

―Tso'o si caca tyuju'u ti' ma̱ ji'i̱ cha' cuxi, lcaa cha' cuxi nu ntsu'u tyiquee ma̱ xtyanu ma̱ ji'i̱ li' ―nacui̱ Pedro ji'i̱ ngu'―. Lo'o jua'a̱ tyucuatya ngu' ji'i̱ ma̱ chacuayá' ji'i̱ Jesús li'. Cuityi̱ Ni lcaa qui'ya nu ntsu'u ji'i̱ ma̱ li', jua'a̱ ta Ni Xtyi'i ycui' Ni cha' tyanu Ni ne' cresiya ji'i̱ ma̱.