SAN LUCAS 24:6 - Chatino Tataltepec

⁶ Nga'aa ntsiya yu bi' ca nde, cha' cua ndyu'ú yu chaca quiya'. Tyi'u ti' ma̱ ñi'ya̱ nu nacui̱ yu ji'i̱ ma̱ lo'o tya ndi'i̱ ma̱ ca Galilea.

SAN LUCAS 24:6 Referans Kwoze

SAN LUCAS 9:22

―Na' nu cua nda Ni 'na lijya̱a̱ cha' caca na' ñati̱ ―nacui̱ Jesús―, nscua cha' lye tsa xcube' ngu' jna'. Lo'o la cui' ti xtyanu ti'i̱ ngu' cusu' jna'; lo'o ngu' nu laca loo, lo'o ngu' mstru cha' jo'ó, xtyanu ti'i̱ ngu' jna'. Nga'a̱ cha' cujuii ngu' 'na; pana lo'o tyu'u scua sna tsa̱, li' tyu'ú na' chaca quiya' ca su ntsiya na' cha' nguatsi' na'.

SAN MARCOS 8:31

Lo'o li' nguxana Jesús ngulu'u yu ji'i̱ ngu' ndi'ya̱: ―Ntsu'u cha' ca̱a̱ quiña'a̱ tsa cha' ti'í nu caca ji'i̱ ycui' na', masi ycui' Ndyosi cua nda Ni 'na lijya̱a̱ cha' caca na' ñati̱ ―nacui̱ Jesús ji'i̱ ngu'―. Nde loo la chcui' tsa ngu' cuentyu jna'; lo'o nu ngu' cusu', lo'o sti jo'ó nu laca loo, lo'o mstru cha' jo'ó ni, lcaa ngu' bi' chcui' ngu' cha' nu cuiñi laca na'. Lo'o jua'a̱ cujuii ngu' jna' li'; pana lo'o tyu'u scua sna tsa̱, li' tyu'ú na' chaca quiya'.

SAN MATEO 28:6

Nga'aa ntsiya yu bi' ca nde cha' cua ndyu'ú yu chaca quiya', ñi'ya̱ nu nacui̱ ycui' yu ji'i̱ ma̱ tya tsubi' la. Cua̱a̱ ma̱, ca̱a̱ ma̱ ña'a̱ ma̱ ca su ngustii jyo'o yu.

SAN LUCAS 9:44

―Cua'a̱ jyaca̱ ma̱ ji'i̱ cha' re, culacua xi ti' ma̱ ji'i̱: Ntsu'u sca ñati̱ nu cujui' cresiya 'na ji'i̱ ngu' tisiya cha' cua'ni cuxi ngu' lo'o na', masi na' nu cua nda Ni 'na lijya̱a̱ cha' caca na' ñati̱ ―nacui̱ Jesús.

SAN MATEO 27:63

Nchcui' ngu' lo'o li': ―Cusu' ―nacui̱ ngu' ji'i̱ nu Pilato bi'―, ntsu'u ti' ya ji'i̱ cha' nu cua nchcui' nu cuiñi bi' lo'o tya lu'ú yu: “Tyu'u scua sna tsa̱, li' tyu'ú na' chaca quiya'”, nacui̱ yu.

SAN MATEO 16:21

Lo'o tyempo bi' nguxana Jesús ngulu'u yu ji'i̱ ngu' cha' ntsu'u cha' tsaa yu nde quichi̱ Jerusalén. Pana ca quichi̱ bi' tyacua cha' ti'í ji'i̱ yu xqui'ya cha' xcube' tsa ngu' cusu' bi' ji'i̱ yu; jua'a̱ sti jo'ó nu laca loo, lo'o mstru cha' jo'ó, lcaa ngu' bi' xcube' ngu' ji'i̱ yu ña'a̱ cuayá' nu cujuii ngu' ji'i̱ yu. Pana tyu'ú yu chaca quiya' tsa̱ nchca tyuna, nacui̱ yu.

SAN MATEO 12:40

Ñi'ya̱ ndyanu nu Jonás bi' nde ne' cualya tonu bi' sna tsa̱ lo'o sna talya, jua'a̱ na' nu cua nda Ni 'na lijya̱a̱ cha' caca na' ñati̱, tyanu na' ne' tyuu sna tsa̱ lo'o sna talya.

SAN MARCOS 16:6

―Ná cutsi̱i̱ ma̱ ―nacui̱ nu qui'yu bi' ji'i̱ nu ngu' cuna'a̱ bi'―. Cua jlo ti' na' cha' ji'i̱ Jesús Nazaret nu ndyujuii ngu' ji'i̱ lo crusi nclyana ma̱. Pana nga'aa ntsiya jyo'o bi' ca nde, cha' cua ndyu'ú yu bi' chaca quiya'. Ca̱a̱ na'a̱ ma̱ xi ca nde su ngusta ngu' ji'i̱ jyo'o bi'.

SAN LUCAS 24:5

Ntyucua tii ti'i̱ ngu' li', ndyaca'a̱ ngu' lyuu cha' ndyutsi̱i̱ tsa ngu' ji'i̱ nu ngu' qui'yu bi'. Lo'o li' nchcui' ngu' qui'yu bi' lo'o ngu': ―¿Ni cha' laca nclyana ma̱ ji'i̱ sca nu lu'ú laja ngu' jyo'o re? ―nacui̱ ngu'―.

SAN LUCAS 24:34

Hora ti nchcui' ngu' nu nga'a̱ ni'i̱ bi' lo'o ngu' nu ndyalaa ca ti li': ―Chañi cha' cua ndyu'ú Jesús chaca quiya' ―nacui̱ ngu'―. Cua na'a̱ Simón ji'i̱ yu.

LOS HECHOS 2:24

Pana ná nscua cha' tyanu Jesús ne' cuaá ña'a̱ jyo'o ti yu, bi' cha' ngua'ni ycui' Ndyosi Sti yu cha' ndyu'ú yu chaca quiya'.

2 TESALONICENSES 2:5

Cua jlo ti' ma̱ cha' tyu̱u̱ quiya' ngulu'u na' la cui' ti cha' ji'i̱ yu xña'a̱ bi' ji'i̱ ma̱, nu lo'o tya ndi'i̱ na' lo'o cu'ma̱;