SAN LUCAS 23:25 - Chatino Tataltepec

²⁵ Lo'o jua'a̱ ngulo laja ti ji'i̱ yu Barrabás nu ngua'ni tsa cha' cusu̱u̱, hasta ndyujuii ji'i̱ ñati̱, cha' bi' laca nu ngusubi ngu' quichi̱ cha' tyu'u ne' chcua̱ tyaa tsa̱ bi'. Lo'o li' ndya Pilato ji'i̱ Jesús ji'i̱ ngu' cha' cua'ni ngu' ña'a̱ cha' nu nti' ti ngu' cua'ni ngu' lo'o.

SAN LUCAS 23:25 Referans Kwoze

LOS HECHOS 3:14

Xcui' cha' tso'o ngua'ni nu Jesús bi', xcui' lubii cresiya ji'i̱ yu, lo'o ná nda ma̱ chacuayá' tyu'u yu laja ti li'. Ngüijña ma̱ chacuayá' ji'i̱ gobernador bi', cha' tyu'u laja ti chaca nu laca preso, nu cua ndyujuii ji'i̱ tyu̱u̱ tya'a ñati̱.

SAN MARCOS 15:15

Lo'o li' ngua'ni lyaá Pilato ji'i̱ Barrabás cha' tyaala' tyiquee nu ngu' quiña'a̱ bi'. Lo'o lye ngujui'i̱ sendaru ji'i̱ Jesús lo'o reta, li' ngulo Pilato cña ji'i̱ sendaru cha' tyaa lo'o ngu' ji'i̱ Jesús cha' cujui'i̱ ca'a̱ ngu' ji'i̱ lo crusi.

SAN JUAN 18:40

Cui̱i̱ ngusi'ya lo'o ngu' ji'i̱ chaca quiya': ―Si'i ji'i̱ yu jua nti' ya. Ji'i̱ Barrabás cua'ni lyaá nu'u̱ ―nacui̱ ngu'. Lo'o nu naa Barrabás ni, si'i ñati̱ tso'o laca bi'; tyaala tsa Barrabás, la cui' ñati̱ cuaana laca.

SAN LUCAS 23:5

Pana nu ngu' bi' ni, chaca quiya' lye la nchcui' ngu', cui̱i̱ tsa ngusi'ya ngu' ji'i̱ Pilato bi' li': ―Na ngusu'ba ñasi̱' ti yu re ji'i̱ lcaa ñati̱ Judea lo'o cha' nu ngulu'u yu ji'i̱ ngu' ―nacui̱ ngu'―. Nde Galilea nguxana yu re, lo'o hasta ca nde nclyu'u yu cha' cuxi bi' ji'i̱ ngu' juani.

SAN LUCAS 23:2

Ca bi' nguxana ngu' ngusta ngu' qui'ya ji'i̱ Jesús: ―Cua ngusñi ya ji'i̱ nu qui'yu re, cha' ndatsaa tsa yu ji'i̱ ngu' judío tya'a ya. Nacui̱ yu cha' ná ntsu'u chacuayá' ta ya cñi cña loo ya ji'i̱ nu laca cña ji'i̱ cu'ma̱, ngu' romano; lo'o jua'a̱ lye tsa nchcui' yu cha' ycui' yu laca Cristo, ñi'ya̱ si laca yu rey ji'i̱ ya ―nacui̱ ngu' ji'i̱ Pilato.

SAN MATEO 27:26

Li' ngua'ni lyaá Pilato ji'i̱ nu Barrabás bi', cuati ngujui'i̱ ngu' ji'i̱ Jesús lo'o reta. Li' ngulo nu Pilato bi' cña ji'i̱ ngu' sendaru cha' tsaa lo'o ngu' ji'i̱ Jesús cha' cujui'i̱ ca'a̱ ngu' ji'i̱ lo crusi.

SAN LUCAS 23:24

Li' nda yu chacuayá' cha' caca cha' nu ngüijña ngu'.

SAN LUCAS 23:26

Lo'o li' ndyaa ngu' sendaru, ndyaa lo'o ngu' ji'i̱ Jesús cha' cujui'i̱ ca'a̱ ngu' ji'i̱ lo crusi. Li' ndyacua tya'a ngu' sendaru lo'o sca ñati̱ nu naa Simón, nu lo'o ñaa yu ndyaa yu ne' quixi̱'; ngu' quichi̱ Cirene laca yu bi'. Lo'o li' ngulo ngu' cña ji'i̱ yu cha' tsaa lo'o yu ji'i̱ crusi cuentya ji'i̱ Jesús.

SAN JUAN 19:16

Bi' cha' jua'a̱ ngua li'. Ngulo Pilato cña ji'i̱ sendaru cha' cujuii ngu' ji'i̱ Jesús, cha' cujui'i̱ ca'a̱ ngu' ji'i̱ yu lo crusi li'.