SAN LUCAS 23:2 - Chatino Tataltepec

² Ca bi' nguxana ngu' ngusta ngu' qui'ya ji'i̱ Jesús: ―Cua ngusñi ya ji'i̱ nu qui'yu re, cha' ndatsaa tsa yu ji'i̱ ngu' judío tya'a ya. Nacui̱ yu cha' ná ntsu'u chacuayá' ta ya cñi cña loo ya ji'i̱ nu laca cña ji'i̱ cu'ma̱, ngu' romano; lo'o jua'a̱ lye tsa nchcui' yu cha' ycui' yu laca Cristo, ñi'ya̱ si laca yu rey ji'i̱ ya ―nacui̱ ngu' ji'i̱ Pilato.

SAN LUCAS 23:2 Referans Kwoze

SAN JUAN 19:12

Li' nguxana ndyu'ni cña ti' Pilato, si caja ñi'ya̱ nu cua'ni lyaá yu ji'i̱ Jesús. Pana ña'a̱ ti ndu'ni nu ngu' judío bi', cui̱i̱ ngusi'ya lo'o ngu' ji'i̱ Pilato: ―Si cua'ni lyaá nu'u̱ ji'i̱ nu qui'yu jua ni, li' nga'aa tso'o nu'u̱ cuentya ji'i̱ César nu laca xu'na cu'ma̱ ngu' romano ―nacui̱ ngu'―. Cua nacui̱ nu qui'yu jua cha' sca rey laca yu, bi' cha' tya'a cusu̱u̱ yu ji'i̱ César nu laca xu'na ma̱.

SAN LUCAS 23:14

Nchcui' yu lo'o ngu' li': ―La cui' cu'ma̱ ñaa lo'o ma̱ ji'i̱ nu qui'yu re slo na', nu nacui̱ ma̱ cha' lye tsa ndu'ni yu cha' ná tyi'i̱ ti̱ ti ngu' ―nacui̱ yu ji'i̱ ngu'―. Pana cua nchcui' na' lo'o yu re slo lcaa cu'ma̱; cua na'a̱ ma̱ cha' ná nquije ni sca qui'ya ji'i̱ yu 'na, ñi'ya̱ nu qui'ya nu ngusta cu'ma̱ ji'i̱ yu.

LOS HECHOS 24:5

Cua lijya̱ ya ca nde cha' cacha' liñi ya jinu'u̱ lcaa ña'a̱ cña cuxi nu ngua'ni yu re. Nslo ya ji'i̱ yu re cha' suba' tsa nchcui' yu, lya' tsa ti' yu. Nsu'ba yu cha' cusu̱u̱ ji'i̱ ñati̱ lcaa quichi̱ su ndya'a̱ yu slo ngu' judío tya'a ya, cha' yu re laca loo ji'i̱ taju ngu' nazareno.

SAN JUAN 18:30

Li' nguxtyacui ngu' cha' lo'o Pilato: ―Si ná ntsu'u qui'ya ji'i̱ yu, ná ca̱a̱ lo'o ya ji'i̱ yu slo nu'u̱, cusu' ―nacui̱ ngu' ji'i̱.

SAN MARCOS 12:17

―Tso'o ―nacui̱ Jesús li'―, ji'i̱ rey tlyu bi' tya ma̱ lcaa na nu nga'a̱ cha' ta ma̱ ji'i̱ lacua, lo'o jua'a̱ ji'i̱ ycui' Ndyosi tya ma̱ lcaa na nu ntsu'u cha' tya ma̱ ji'i̱ Ni. Ndube tsa ti' ngu' cha' nchca tsa ji'i̱ Jesús xtyacui cha' lo'o ngu' bi'.

SAN MATEO 22:21

―Xtañi rey tlyu nu ndi'i̱ xa' tsu', bi' nga'a̱ chu̱' cñi cua ―nacui̱ ngu' li'. ―Tso'o ―nacui̱ Jesús li'―, ji'i̱ rey tlyu bi' tya ma̱ cñi cña loo nu nga'a̱ cha' ta ma̱ ji'i̱ lacua, lo'o jua'a̱ ji'i̱ ycui' Ndyosi tya ma̱ lcaa na nu ntsu'u cha' tya ma̱ ji'i̱ Ni.

LOS HECHOS 24:13

Qui'ya laja ti ngusta ngu' re 'na. Ná tucui ndu̱ nu taca chcui' cha' liñi laca cha' nu nchcui' ngu' re jna'.

SAN LUCAS 23:5

Pana nu ngu' bi' ni, chaca quiya' lye la nchcui' ngu', cui̱i̱ tsa ngusi'ya ngu' ji'i̱ Pilato bi' li': ―Na ngusu'ba ñasi̱' ti yu re ji'i̱ lcaa ñati̱ Judea lo'o cha' nu ngulu'u yu ji'i̱ ngu' ―nacui̱ ngu'―. Nde Galilea nguxana yu re, lo'o hasta ca nde nclyu'u yu cha' cuxi bi' ji'i̱ ngu' juani.

SAN MATEO 17:27

Pana ná nti' na cha' ca ñasi̱' ngu' ji'na, ngu' nu laca loo ne' laa tonu, bi' cha' yaa clya nu'u̱ to' tayu' cha' cu̱ nu'u̱ chcua̱ xñi cualya lo hitya, cha' xñi nu'u̱ ji'i̱ sca cualya. Li' taya' nu'u̱ ji'i̱ cualya nu caja jinu'u̱ clyo, scana tu'ba cualya bi', cha' culo nu'u̱ cñi nu ntsu'u tu'ba ni'; tyu'u scua cñi bi' cha' ta nu'u̱ cñi ji'i̱ ngu' cuentya jinu'u̱, lo'o jua'a̱ cuentya jna'.

SAN MATEO 27:11

Lo'o li' ndyalaa Jesús slo nu laca gobernador bi', nchcuane yu nu laca loo bi' ji'i̱ Jesús li': ―¿Ha la cui' nu'u̱ laca rey ji'i̱ ngu' judío? ―nacui̱ yu nu laca loo bi' ji'i̱ Jesús. ―La cui' laca na' ―nacui̱ Jesús ji'i̱ li'―, la cui' ñi'ya̱ nu nacui̱ nu'u̱ laca na'.

SAN MARCOS 15:2

―¿Ha nu'u̱ laca rey ji'i̱ ngu' judío? ―La cui' ñi'ya̱ nu nacui̱ nu'u̱, la cui' laca na' ―nacui̱ Jesús ji'i̱ gobernador bi'.

SAN JUAN 18:29

bi' cha' ngutu'u nu naa Pilato, nu laca gobernador bi', ndyaa slo ngu' judío cha' xcuane ji'i̱ ngu' ndi'ya̱: ―¿Ni qui'ya ngusta ma̱ hichu̱' yu re? ―nacui̱ Pilato ji'i̱ ngu'.

ROMANOS 13:7

Tya ma̱ ji'i̱ ngu' laca cña lcaa na nu ntsu'u chacuayá' ji'i̱ ngu' cha' jña ngu' ji'i̱ ma̱. Ná tyacui ma̱ cñi cña loo, ni ná tyacui ma̱ cñi ji'i̱ sca cña nu cua ngua'ni ngu'; tya ma̱ caya' bi' ji'i̱ ngu'. Lo'o jua'a̱ cua'ni tlyu ma̱ ji'i̱ ngu' bi', cua'ni chi̱ ma̱ loo ngu', tucuá ma̱ cña ji'i̱ ngu' bi'.