SAN LUCAS 22:45 - Chatino Tataltepec

⁴⁵ Ndye nchcui' Jesús lo'o ycui' Ndyosi Sti yu, li' nguxtyu̱u̱ yu ñaa yu slo nu ngu' nu ndyaca tsa'a̱ ji'i̱ yu. Li' nquije ngu' ji'i̱ yu, ndi'i̱ ngu' laja' ngu' cha' ndye juersa ji'i̱ ngu', cha' xñi'i̱ tsa ti' ngu'.

SAN LUCAS 22:45 Referans Kwoze

SAN MATEO 26:43

Li' xa' nxtyu̱u̱ yu ñaa yu slo ngu' bi'; lo'o li' na'a̱ yu ji'i̱ ngu' cha' laja' ngu' chaca quiya', cha' lye tsa ndyu'u xcalá ngu'.

SAN MATEO 26:40

Lo'o li' nxtyu̱u̱ yu ñaa yu su ndi'i̱ nu ca ta'a sna ngu' bi'. Laja' tsa ngu' li'. Lo'o li' nchcui' yu lo'o nu Pedro bi': ―¿Ha ná nchca talo nu'u̱ ni sca hora ti nu tii ti ti' nu'u̱ tyi'i̱ nu'u̱ lo'o na'? ―nacui̱ Jesús ji'i̱―.

SAN MARCOS 14:37

Li' ñaa Jesús chaca quiya' su nga'a̱ nu sna tya'a ngu'. Na laja' ti ngu' bi' li'. ―Simón ―nacui̱ yu ji'i̱ Pedro―, ¿ha laja' tsa nu'u̱? ―nacui̱―. ¿Ha ná nchca talo nu'u̱ ni sca hora tii ti nu'u̱ xi?

SAN LUCAS 22:44

Nu lo'o lye tsa nchcube' Jesús, li' lye la nchcui' yu lo'o ycui' Ndyosi. Lo'o li' ntyucua jatá Jesús, ndyalú nchcua' lo yuu; ñi'ya̱ si nchcua' tañi ycui', jua'a̱ ña'a̱.

SAN LUCAS 22:46

Li' nacui̱ yu ji'i̱ ngu': ―¿Ni cha' laca ndi'i̱ ma̱ laja' ti ma̱? Tyatu̱ clya ma̱ cha' chcui' ma̱ lo'o ycui' Ndyosi, cha' ná tyiji̱loo nu xña'a̱ ji'i̱ ma̱.