SAN LUCAS 22:28 - Chatino Tataltepec

²⁸ ’Cu'ma̱ ni, cua ndi'i̱ ma̱ lo'o na' lcaa tyempo lo'o nchcube' na' ndi'i̱ na' chalyuu re,

SAN LUCAS 22:28 Referans Kwoze

HEBREOS 4:15

Laca Jesús sti jo'ó nu laca loo la cuentya ji'na, lo'o jua'a̱ tya'na tsa ti' Jesús ña'a̱ yu ji'na. Cua jlo ti' yu cha' ntsu'u tsa quiya' lo'o cua cua'ni ti nu cuxi ngana ji'na, cha' nu lo'o tya ndi'i̱ Jesús lo yuu chalyuu, la cui' jua'a̱ lye tsa ngua'ni cuayá' nu xña'a̱ ji'i̱ yu, si cua'ni yu cha' cuxi. Pana nu Jesús bi' ni, ni sca cha' cuxi ná ngua'ni yu, bi' cha' taca caca yu sti jo'ó nu laca loo la cuentya ji'na, cha' jlo ti' Jesús ñi'ya̱ nñilo'o tsa nu xña'a̱ ji'na.

HEBREOS 2:18

Juani taca cua'ni lyaá Jesús ji'i̱ ñati̱ lo'o ndyojolaqui nu cuxi ji'i̱; nchca ji'i̱ yu cua'ni jua'a̱, xqui'ya cha' lo'o ji'i̱ ycui' yu ngua ti' nu cuxi cua'ni ngana ji'i̱, cha' lo'o ycui' yu ngua tii yu ji'i̱ cha' ti'í lo'o ya̱a̱ yu nde chalyuu.

LOS HECHOS 1:25

cha' taca tsaa yu bi' xa' quichi̱, cha' chcui' yu cha' jinu'u̱ cña su ndu̱ jyo'o Judas nquicha'. Na cua nguxtyanu jyo'o bi' cña cha' xña'a̱ tsa bi', lo'o li' ndyaa ca su ndyanu cha' tsaa.

SAN JUAN 8:31

Lo'o li' nda Jesús cha' lo'o ngu' judío nu jlya ti' ji'i̱ yu. ―Lo'o tyanu cha' nu nclyu'u na' ji'i̱ ma̱ ne' cresiya ji'i̱ ma̱, cha' ji'i̱ ycui' Ndyosi bi', li' chañi cha' laca ma̱ ñati̱ nu ndyaca tsa'a̱ jna' ―nacui̱ Jesús ji'i̱ ngu'―.

SAN MATEO 24:13

Pana ná cube ti' ma̱, lcaa cu'ma̱ nu talo tyiquee ma̱ ji'i̱ cha' cuxi bi', cua'ni lyaá na' ji'i̱ cu'ma̱ li', ña'a̱ cuayá' nu tye chalyuu ―nacui̱ Jesús―.