Lo'o jua'a̱ cu'ma̱ ngu' cuañi' ni, ta na' sca cui̱i̱ lo'o ma̱. Taquiya' ma̱ ji'i̱ cha' nu nchcui' ngu' cusu' nu laca loo ji'i̱ ma̱. Lo'o jua'a̱ ntsu'u cha' xtyucua ma̱ ji'i̱ tya'a ñati̱ ma̱, cha' ná tso'o cua'ni tyucuaa ti' ma̱ ji'i̱ ngu' bi'. Ndi'ya̱ nscua cha' lo quityi ji'i̱ ycui' Ndyosi: Xu̱u̱ tya'a ycui' Ndyosi lo'o ñati̱ nu ndu'ni tyucuaa ti' ji'i̱ tya'a ñati̱, pana xtyucua tsa Ni ji'i̱ ñati̱ nu xti ti cha' ntsu'u tyiquee ngu' cuentya ji'i̱ ycui' ca ngu'.
SAN LUCAS 22:26 - Chatino Tataltepec26 Pana cu'ma̱ ni, ná ntsu'u cha' cua'ni ma̱ jua'a̱ lo'o tya'a ma̱. Ndi'ya̱ cua'ni ma̱ tso'o la: nu lo'o nti' ma̱ cha' ndulo la cha' ji'i̱ ma̱ que cha' ji'i̱ tya'a ma̱ ni, li' nga'a̱ cha' cua'ni ma̱ ñi'ya̱ si laca ma̱ nu cuañi' la ji'i̱ tya'a ma̱ ―nacui̱ Jesús ji'i̱ ngu' bi'―. Jua'a̱ cu'ma̱ nu nti' ma̱ culo ma̱ cña ji'i̱ tya'a ma̱ ni, nga'a̱ cha' cua'ni ma̱ cña cuentya ji'i̱ lcaa tya'a ma̱. Gade chapit la |
SAN LUCAS 22:26
10 Referans Kwoze
Li' nchcui' yu lo'o ngu' ndi'ya̱: ―Lo'o xtyucua ma̱ ji'i̱ cua ña'a̱ ca ñati̱ cuentya jna', masi ñati̱ ñi'ya̱ laca nu piti re, la cui' jua'a̱ na nxtyucua ma̱ jna' laca ―nacui̱ Jesús―. Jua'a̱ ngu' nu tucuá cña jna', lo'o cña ji'i̱ ycui' Ndyosi tucuá ngu' bi' li', cha' ycui' Ni laca nu nda jna' lijya̱a̱ ca slo cu'ma̱. La cui' nu piti la ji'i̱ tya'a ma̱, nu ná ndulo cha' ji'i̱ bi' nti' ma̱, bi' laca nu ndulo la cha' ji'i̱ cuentya jna', nti' na'.
Nga'aa ta ma̱ tyempo cha' tatsaa ngu' ji'i̱ ma̱ cha' cua'ni ma̱ cha' cuxi; xa' ña'a̱ tyi'i̱ ma̱ chalyuu juani, cha' cua nchcutsa'a̱ Ni lcaa cha' nu ntsu'u ne' cresiya ji'i̱ ma̱. Bi' cha' caca cuayá' ti' ma̱ cua ña'a̱ ca cña nu nti' ycui' Ndyosi cha' cua'ni ma̱: ña'a̱ cña laca nu tso'o la cha' cua'ni ma̱, ña'a̱ cña nu ndiya la ti' ycui' Ndyosi ji'i̱, ña'a̱ cña nu tyu'u tso'o la ji'i̱ ma̱ su cua ndye cha' bi'; lcaa cha' bi' caca cuayá' ti' ma̱ li'.
Piblisite