SAN LUCAS 22:22 - Chatino Tataltepec

²² Nga'a̱ cha' tsa'a na' nu cua lijya̱a̱ cha' caca na' ñati̱, tsa'a̱ tyucui̱i̱ su cua nscua cuayá' cha' tsa'a̱ cuentya ji'i̱ ycui' Ndyosi Sti na'. Pana tya'na tsa nu qui'yu nu cua cujui' ti cresiya 'na ji'i̱ ngu' cuxi bi'.

SAN LUCAS 22:22 Referans Kwoze

LOS HECHOS 2:23

Cua sa'ni la cua jlo ti' ycui' Ndyosi, tya li' cua nchcui' Ni ñi'ya̱ nu caca ji'i̱ Jesús. Ndacha' lo Ni ji'i̱ ngu' cha' cujuii ñati̱ cuxi ji'i̱ ycui' Jesús. Jua'a̱ ngua li'; tsubi' ti ngusñi ma̱ ji'i̱ yu, ngujui'i̱ ca'a̱ ma̱ ji'i̱ yu lo crusi. Cua ndyujuii ma̱ ji'i̱ yu lo'o nda ma̱ cña ji'i̱ ñati̱ cuxi bi', cha' cua ngua'ni ngu' cña cuxi bi' cuentya ji'i̱ ma̱, ñi'ya̱ nu nacui̱ Ni cha' caca.

SAN LUCAS 24:46

Nacui̱ yu ji'i̱ ngu': ―Cua sa'ni nscua cha' cajaa ycui' na' nu laca na' nu Cristo bi', lo'o tsa̱ nchca tyuna lo'o cua ngujuii na', li' nscua cha' tyu'ú na' chaca quiya'.

2 PEDRO 2:3

Lo'o jua'a̱ ndacui tsa ti' ngu' cuiñi bi' ji'i̱ na nu ntsu'u ji'i̱ ma̱; nti' tsa ngu' cua'ni ngu' ngana ji'i̱ ma̱, bi' cha' tajua' ti chcui' ngu' cha' cuiñi ti lo'o ma̱. Pana ntsu'u cha' xcube' Ni ji'i̱ ngu' cuiñi bi', cha' cua sa'ni cua nchcui' Ni cha' ná tso'o cua'ni ngu' cha' cuxi jua'a̱. Si'i na laja' ycui' Ni; jlo ti' Ni ñi'ya̱ ndu'ni ngu' cuiñi bi', lo'o jua'a̱ cua'ni tye Ni ji'i̱ ngu' bi' yala ti.

1 PEDRO 1:11

Xtyi'i ycui' Cristo ngulu'u lcaa cha' ji'i̱ ngu' bi', ñi'ya̱ nu caca ji'i̱ ycui' Cristo nde loo la, ñi'ya̱ nu chcube' yu nde loyuu chalyuu, ñi'ya̱ nu tlyu tsa cha' tso'o nu caca ji'i̱ yu lo'o tyaa yu ca slo ycui' Ndyosi chaca quiya'. Lo'o li' ngulana tsa nu ngu' jyo'o bi', cha' quije cha' ji'i̱ ngu' tilaca caca nu Cristo bi', ni tsa̱ tyu'u tucua yu nde chalyuu.

SAN JUAN 17:12

Lo'o tya ndi'i̱ na' lo'o ñati̱ nu nda nu'u̱ 'na ―nacui̱ Jesús―, li' ndaca'a na' ji'i̱ ngu' bi' lo'o juersa ji'i̱ ycui' nu'u̱. Ná nda na' chacuayá' tyacua cha' cuxi ji'i̱ ngu'; ni tsaca ngu' bi', ná nguna' chalyuu ji'i̱ ngu'. Sca ti nu ñati̱ nu nguscua tya sa'ni la cha' chcuna' cha' ji'i̱, bi' laca nu ndye cha' ji'i̱ tsiya' ti, cha' nga'a̱ cha' caca lcaa cha' nu nguscua ngu' lo quityi cusu' cuentya jinu'u̱.

SAN MARCOS 14:21

Na' nu cua nda Ni 'na lijya̱a̱ cha' caca na' ñati̱ ni, caca cha' jna' ñi'ya̱ nu nscua cha' lo quityi cuentya jna' cua sa'ni la. Pana tya'na tsa ñati̱ nu ta 'na ya' ngu' xña'a̱ li', tso'o la ngua ji'i̱ yu masi ná ngula yu chalyuu tsiya' ti.

SAN MATEO 26:24

Ñi'ya̱ nu nscua lo quityi ji'i̱ ycui' Ni, jua'a̱ nga'a̱ cha' caca 'na, na' nu cua nda Ni 'na lijya̱a̱ cha' caca na' ñati̱. Pana tya'na tsa ñati̱ nu ta 'na ya' ngu' xña'a̱, tso'o la ngua ji'i̱ yu masi ná ngula yu chalyuu tsiya' ti.

SAN MATEO 27:5

Li' ngusalú Judas cñi plata bi' lo yuu ne' laa tonu bi' su nga'a̱ ngu' nu laca loo bi', ndu'u yu ndyaa yu. Li' ndyujuii Judas ji'i̱ ycui' ca; ngusca̱' yu reta yane yu, lo'o ngusca̱' loo reta laja yaca nde cua̱; cuati nguxtyú yu ji'i̱ ycui' ca yu nde lo yuu, ngujuii yu li'.

SAN LUCAS 22:23

Li' nguxana ngu' nchcui' ngu' lo'o tya'a ndi'i̱ ti ngu': ―¿Tilaca laca nu tya ji'i̱ mstru ji'na re ya' ngu' xña'a̱? ―nacui̱ ngu'.

LOS HECHOS 10:42

Tya li' cua ngulo Jesús cña ji'i̱ ya cha' ta ya cha' liñi ji'i̱ ycui' lo'o ñati̱, cha' cua nda ycui' Ndyosi cña ji'i̱ nu Jesús bi', cha' cua'ni cuayá' yu ji'i̱ lcaa ñati̱ chalyuu, masi nu cua ngujuii, masi nu tya lu'ú.

LOS HECHOS 17:31

Cua ngusta Ni sca tsa̱ cha' cua'ni cuayá' Ni ji'i̱ lcaa ñati̱ chalyuu, lo'o jua'a̱ cua ngusubi Ni sca ñati̱ nu caca bese. Jesucristo laca bi'. Tso'o tsa ngua'ni Ni cha' tyanu tachaa cha' bi' ji'i̱ ñati̱ chalyuu, nu lo'o ngua'ni Ni cha' ndyu'ú nu ñati̱ bi' chaca quiya' lo'o cua ndyujuii ngu' ji'i̱.