SAN LUCAS 21:37 - Chatino Tataltepec

³⁷ Lcaa tsa̱ ndacua̱ ndya'a̱ Jesús nclyu'u yu ji'i̱ ngu' ne' laa tonu ca quichi̱ Jerusalén bi'; lcaa talya ndyu'u yu ndyaa yu ndi'i̱ yu nde lo ca'ya nu ntucua cacua ti, nu naa ca'ya Olivos.

SAN LUCAS 21:37 Referans Kwoze

SAN LUCAS 22:39

Li' ndu'u Jesús ndyaa yu ca lo ca'ya Olivos, ñi'ya̱ nu ndu'ni ti yu. Lo'o nu ngu' nu ndyaca tsa'a̱ ji'i̱ bi', ndu'u lca'a̱ ngu' ji'i̱ yu li'.

SAN MARCOS 11:19

Lo'o cua ngusi̱i̱ tsa, li' ñaa Jesús lo'o nu ngu' nu ndyaca tsa'a̱ ji'i̱. Ná ndyanu ngu' nde quichi̱ tlyu bi' talya.

SAN MATEO 26:55

Li' nchcui' Jesús lo'o nu taju ñati̱ tyaala nu ñaa cha' xñi ngu' ji'i̱: ―¿Ni cha' lijya̱ ma̱ lo'o maxtyi cusu̱u̱ lo'o yaca ntsu'u ya' ma̱, cha' xñi ma̱ 'na? ―nacui̱ Jesús ji'i̱ ngu'―. ¿Ha sca nu cuaana laca na' lacua? Tyu̱u̱ tsa tsa̱ ngua'a̱ na' ne' laa tonu ji'i̱ ma̱, ngulu'u na' cha' ji'i̱ ycui' Ndyosi ji'i̱ ñati̱, lo'o ná ngusñi ma̱ 'na li'.

SAN MATEO 21:17

Ndu'u Jesús ndyaa li'; ndu'u yu quichi̱ tlyu, ndyaa nde sca quichi̱ piti nu naa Betania. Ca bi' ngujua' yu talya.

SAN MATEO 21:1

Cua ngulala ti tyalaa ngu' quichi̱ Jerusalén. Cua tyeje tacui ti ngu' sca quichi̱ sube ti su naa Betfagé, sii' ca'ya Olivos ndi'i̱ quichi̱ bi'. Li' ngulo Jesús cña ji'i̱ tucua tya'a ngu' nu ndyaca tsa'a̱ ji'i̱:

LOS HECHOS 1:12

Li' ndu'u ngu' nde lo cuati̱ Olivos, nguxtyu̱u̱ ngu' nde quichi̱ Jerusalén. Cacua ti ndi'i̱ quichi̱; ná ntsu'u chacuayá' ji'i̱ ngu' judío cha' tsaa ngu' tyijyu' la tsa̱ ta'a, nu lo'o ndi'i̱ cña' ngu'.

SAN JUAN 12:1

Tya lyiji tya xcuá tsa̱ cha' caca ta'a pascua, li' ñaa Jesús nde quichi̱ Betania chaca quiya'. Laca Betania quichi̱ tyi Lázaro nu ngujuii tya tsubi' la, lo'o li' ngua'ni Jesús cha' ndyu'ú yu chaca quiya'.

SAN LUCAS 19:37

Cua ca'ya ti'i̱ ti ngu' sii' ca'ya Olivos, li' lo'o ti nguxana ngu' ndyu'ni tlyu ngu' ji'i̱ ycui' Ndyosi, cha' quiña'a̱ tsa cha' tlyu cua na'a̱ ngu'; cui̱i̱ ngusi'ya ngu' cha' chaa tsa ti' ngu' li':

SAN MARCOS 11:12

Lo'o nguxee chaca tsa̱ li' ndu'u ngu' quichi̱ Betania. Cuati ntyute' tsa Jesús li'.

SAN MATEO 26:30

Lo'o ndyula tu'ba ngu' sca ji̱i̱ ji'i̱ ycui' Ndyosi, li' ndu'u ngu' ndyaa ngu' nde ca'ya Olivos.

SAN MARCOS 14:49

Tyu̱u̱ tsa tsa̱ na'a̱ ma̱ 'na lo'o nga'a̱ na' ne' laa tonu, ngulu'u na' cha' ji'i̱ ycui' Ndyosi ji'i̱ ñati̱, pana ná ntejeya' ma̱ 'na li'. Jlo ti' na' ñi'ya̱ nu ndyaca juani, cha' la cui' ña'a̱ cha' nu nscua lo quityi ji'i̱ ycui' Ndyosi cuentya jna', jua'a̱ ndyaca juani.

SAN LUCAS 19:29

Nu lo'o cua tyalaa ti ngu' to' quichi̱ Betfagé, jua'a̱ to' quichi̱ Betania nu nscua sii' ca'ya Olivos, li' ngulo Jesús cña ji'i̱ tucua tya'a ngu' nu ndyaca tsa'a̱ ji'i̱.

SAN LUCAS 19:47

Lcaa tsa̱ ndya'a̱ Jesús nclyu'u ji'i̱ ngu' ne' laa bi'. Lo'o ngu' sti jo'ó nu laca loo, lo'o mstru cha' jo'ó, lo'o ngu' cusu' ji'i̱ quichi̱, ndya'a̱ ngu' nclyana ngu' ñi'ya̱ caca cua'ni ngu' cha' cujuii ngu' ji'i̱ Jesús.

SAN JUAN 18:2

Lo'o nu Judas nu cua ndyujui' cresiya ji'i̱ Jesús ji'i̱ ngu' cuxi ni, lo'o Judas jlo ti' mala su ndyaa ngu', cha' cua tyu̱u̱ quiya' ndyu'u ti'i̱ ngu' nu ndyaca tsa'a̱ ji'i̱ lo'o Jesús ca bi'.