SAN LUCAS 21:35 - Chatino Tataltepec

³⁵ jua'a̱ caca nu lo'o tyalaa tsa̱ bi' ca su ndi'i̱ lcaa ñati̱ lu'ú tyucui ña'a̱ chalyuu.

SAN LUCAS 21:35 Referans Kwoze

APOCALIPSIS 16:15

“Cua'a̱ jyaca̱ ma̱”, nacui̱ Jesús, “tsiya' ca tyu'u tucua na' tya̱a̱ na' ñi'ya̱ nti' sca nu cuaana. Tso'o caca tyiquee ñati̱ nu tii ti ti' tyi'i̱ chalyuu, xqui'ya cha' ngusñi ngu' cha' jna'; nga'aa ca tyuju'u ti' ngu' bi' slo ñati̱ lo'o tyalaa hora nu tya̱a̱ na' li'.” Jua'a̱ nacui̱ Jesús ji'i̱ ñati̱ ji'i̱ Ni.

SAN LUCAS 17:37

Lo'o ndyuna ngu' cha' bi', li' ndacha' ngu' ji'i̱ Jesús: ―¿Macala caca jua'a̱, cusu'? ―nacui̱ ngu'. Li' nguxacui̱ Jesús cha' ji'i̱ ngu': ―Ca su ntsiya sca na tyucu̱, ca bi' tyu'u ti'i̱ culexu; jua'a̱ nu lo'o tyu'u ti'i̱ ñati̱ lo'o tye chalyuu, chcube' tsa ngu' li'.

LOS HECHOS 17:26

’Cua ngüiñá ycui' Ndyosi ji'i̱ lcaa ñati̱ chalyuu lo'o sca ti lo cuaña' ñati̱. Lo'o jua'a̱ ngusta ycui' Ndyosi ni tyempo cala scaa ngu', ndu'ni Ni mala su caca quichi̱ tyi scaa ngu'.

SAN LUCAS 21:34

’Cui'ya ma̱ cuentya, cua'a ma̱ ji'i̱ ycui' ca ma̱ cha' tii ti ti' ma̱ tyi'i̱ ma̱ lo'o tyalaa tsa̱ bi'; si culiji yu'u ti ma̱ chalyuu ji'i̱ ma̱ jua'a̱ ti lo'o ndya'a̱ tsa ma̱ calle, lo'o cu'bi ti ma̱, la cui' jua'a̱ si ntsu'u tyu̱u̱ tya'a cha' nu ndube tsa ti' ma̱ ji'i̱, ná caca tyi'i̱ ma̱ tii ti ti' ma̱ li'. Ñi'ya̱ ndyacu̱' sca lco'o,

SAN LUCAS 21:36

Tii ti ti' ma̱ tyi'i̱ ma̱ chalyuu lacua. Lcaa tyempo chcui' ma̱ lo'o ycui' Ndyosi cha' xtyucua Ni ji'i̱ ma̱, cha' talo ma̱ lo'o caca cha' cuxi bi' chalyuu. Lo'o li' caja ñi'ya̱ nu tyalaa ma̱ su tyucua ycui' na' nu cua nda Ni 'na lijya̱a̱ cha' caca na' ñati̱, cha' cua'ni cuayá' na' ji'i̱ ma̱ ―nacui̱ Jesús ji'i̱ ngu'.