SAN LUCAS 21:24 - Chatino Tataltepec

²⁴ Ntsu'u ngu' nu cajaa laja cha' cusu̱u̱ bi', lo'o jua'a̱ ntsu'u xa' la ngu' nu tyaa ngu' preso lcaa lo yuu su cuentya ji'i̱ xa' nasiyu̱ tyijyu' la. Satá quiya' ngu' xa' tsu' bi' ji'i̱ quichi̱ Jerusalén re, ña'a̱ cuayá' nu tye tyempo nu ngujui chacuayá' ji'i̱ ngu' bi', cha' caca ngu' loo ca nde.

SAN LUCAS 21:24 Referans Kwoze

ROMANOS 11:25

Cu'ma̱ ngu' tya'a ntsu'u cha' ji'na lo'o Cristo, nti' na' cha' caca cuayá' ti' ma̱ cha' tucui re, sca cha' ji'i̱ ycui' Ndyosi nu ntsu'u cuatsi' ti nquicha'; lo'o caca cuayá' ti' ma̱ cha' re, nga'aa chcui' ma̱ cha' tyixi lo'o ngu' judío li'. Ndi'ya̱ laca cha': Quiña'a̱ tsa tya'a ngu' judío ntsu'u nu ndyacu̱' hique ngu' tsiya' ti, cha' ná caca cuna ngu' cha' ji'i̱ Jesús; ña'a̱ cuayá' nu tye cuna lcaa ngu' xa' tsu' nu nga'a̱ cha' xñi cha' ji'i̱ Jesús,

APOCALIPSIS 11:2

Nga'aa su'ba cuayá' nu'u̱ nde liya' toni'i̱ tlyu bi', cha' cuentya ji'i̱ xa' ñati̱ nu ná ndaquiya' jna' nu laca̱ ycui' Ndyosi tsiya' ti laca bi'. Chiya'a̱ tsa cua'ni ngu' bi' lo'o tyi'i̱ ngu' quichi̱ bi', la cui' quichi̱ tlyu nu laca quichi̱ nu cuentya jna' laca bi'. Tu'ba ntucua tucua co' tyi'i̱ ngu' bi',

SAN LUCAS 21:25

’Tyu'u tucua cuayá' nu tyaca̱' ña'a̱ ngu' lo cuichaa li', jua'a̱ lo co', la cui' jua'a̱ lo cualya nu ntsu'u nde cua̱. Lo'o li' lye tsa quichi̱ cha' hique ñati̱ chalyuu; cutsi̱i̱ tsa ngu' li', xqui'ya cha' lye tsa cañi ntyiji'i̱ clyoo' lo hitya tyujo'o.

HEBREOS 11:34

jua'a̱ cua ndalo ngu' bi', masi ngusu'ba ngu' xña'a̱ ji'i̱ ngu' lo quii' tonu cha' tyaqui̱ ngu'; ná sca ngua ji'i̱ ngu' bi', masi ngulo ñati̱ chcua̱ cha' cujuii ji'i̱ ngu'. Ná ndalo ngu' bi' tsiya' ti tya clyo, cha' xti ti juersa ntsu'u ji'i̱ ngu'; pana ca tiya' la, li' nguula tsa ti' ngu' bi', cha' tlyu tsa juersa ngujui ji'i̱ ngu', nu lo'o nxu̱u̱ tya'a ngu' lo'o ñati̱ xa' chalyuu nu tsa tlyu ti ñaa cha' tyiji̱loo ji'i̱ ngu'.