SAN LUCAS 21:23 - Chatino Tataltepec

²³ Tya'na tsa caca ji'i̱ ngu' cuna'a̱ nu ntsu'u sñi' tsa̱ bi'; jua'a̱ tya'na tsa caca ji'i̱ nu ngu' cuna'a̱ nu ntsu'u cubi' cuañi' nu tya ndyati', cha' lye tsa tyu'u cha' ti'í lo yuu; cuxi tsa cha' ti'í caca ji'i̱ ngu' li'.

SAN LUCAS 21:23 Referans Kwoze

SAN LUCAS 23:29

Cua tyalaa ti tyempo cuxi, lo'o li' ñacui̱ ngu' ndi'ya̱: “Juani tso'o la ndi'i̱ nu cuna'a̱ nu ná ngujui sñi', nu bilya cua'ni cala sca ñati̱, nu bilya ta cati' sca nu sube”, ñacui̱ ngu'.

SAN MARCOS 13:17

Tya'na tsa nu cuna'a̱ tana; jua'a̱ nu cuna'a̱ nu ntsu'u cubi' cuañi' nu tya ntyi', tya'na tsa caca ngu' bi' lo'o caca tsa̱ bi'.

SAN MATEO 24:19

Lo'o jua'a̱ tya'na tsa caca ji'i̱ nu cuna'a̱ tana lo'o tyalaa tsa̱ bi', tya'na tsa ngu' cuna'a̱ nu ntsu'u cubi' cuañi' nu tya ndyati' li'.

1 PEDRO 4:17

Cua ndyalaa hora cha' xana cua'ni cuayá' Ni ji'i̱ lcaa ñati̱, pana clyo nguxana Ni lo'o ñati̱ nu ji'i̱ ycui' Ni; bi' cha' laca si ntsu'u xi cha' ti'í ji'na juani lo'o nguxana ca ti Ni ndyu'ni cuayá' Ni ji'i̱ ñati̱, caca cuayá' ti' na cha' tlyu la cha' caca lo'o chcube' ngu' cuxi nde loo la. Li' chcube' ñati̱ nu ná ntaja'a̱ taquiya' ji'i̱ cha' tso'o nu ji'i̱ ycui' Ndyosi.

SANTIAGO 5:1

Juani ni, cua'a̱ jyaca̱ ma̱ xi 'na laja lo'o ta na' sca cha' lo'o cu'ma̱, nu laca ma̱ ngu' culiya'. Tso'o la si xi'ya ma̱ juani, cunaa ma̱ li' xqui'ya cha' ti'í nu cua lijya̱ cha' tyacua ji'i̱ ma̱,

1 TESALONICENSES 2:16

Ná nda ngu' judío cuxi bi' chacuayá' ji'i̱ ya cha' chcui' ya cha' ji'i̱ Jesucristo lo'o ngu' xa' tsu', cha' cua'ni lyaá Ni ji'i̱ ngu' xa' tsu' bi' li'; bi' cha' jua'a̱ nchca tlyu la qui'ya nu ntsu'u ji'i̱ ngu' judío cuxi bi', ña'a̱ cuayá' nchca ñasi̱' tsa ycui' Ndyosi ji'i̱ ngu' bi'. Ntsu'u cha' xcube' tsa Ni ji'i̱ ngu' bi' nde loo la.

HEBREOS 13:16

La cui' jua'a̱ ná ca taja ti' ma̱ cua'ni ma̱ lcaa cha' tso'o, jua'a̱ xtyucua ma̱ ji'i̱ tya'a ñati̱ ma̱; bi' laca cña nu ndiya ti' Ni cha' cua'ni na cuentya ji'i̱ ycui' Ni.

SAN LUCAS 19:43

Pana tyalaa sca tsa̱ cuxi ji'i̱ ma̱. Lo'o li' cuiñá ngu' tya'a cusu̱u̱ ma̱ ngutu yuu tyucui ña'a̱ to' quichi̱. Li' su'ba lo'o ngu' bi' tyucui ña'a̱ to' quichi̱.

SAN LUCAS 19:27

Lo'o juani ni, nu ngu' tya'a cusu̱u̱ na' nu ná ngua ti' cha' caca na' rey ji'i̱ ngu', tya̱a̱ lo'o clya ma̱ ji'i̱ ngu' bi' ca nde, cha' cujuii ma̱ ji'i̱ ngu' ca slo na'.”

SAN MATEO 21:44

Lo'o cha' ji'i̱ quee tonu bi' ni, na' laca̱ ñi'ya̱ laca quee tonu bi'; ñi'ya̱ nu ngua'ni cuityi ni'i̱ lo'o quee bi', jua'a̱ ndyu'ni ma̱ lo'o na'. Pana si nti' ñati̱ tacu̱' ngu' lo cha' jna', nga'aa tso'o tyi'i̱ ñati̱ bi' li'; lo'o cua'ni cuayá' Ni ji'i̱ lcaa ñati̱ chalyuu, tye cha' tsiya' ti ji'i̱ ñati̱ nu ná ntaja'a̱ xñi cha' jna' nu lo'o ya̱a̱ ngu' nde chalyuu.

SAN MATEO 21:41

―Cujuii clya xu'na yuu bi' ji'i̱ lcaa ngu' tyaala bi' ―nacui̱ ngu' ji'i̱ Jesús―. Lo'o li' ta yu yuu bi' jña xa' ñati̱ cha' cua'ni ngu' cña lo yuu bi'. Culana xu'na yuu bi' ji'i̱ ñati̱ tso'o nu tyaja'a̱ ta xi si'yu ji'i̱ yu, caya' lo yuu bi'; ta ngu' si'yu lcaa yija̱ lo'o ndyaca tyempo nu nxuu ngu' si'yu bi'.

SAN MATEO 21:16

Hora ti nchcui' ngu' bi' lo'o Jesús: ―¿Ha ná ndyuna nu'u̱ cha' cuiñi nu nchcui' nu sube re cuentya jinu'u̱? ―nacui̱ ngu' bi' ji'i̱ Jesús. ―Cua ndyuna na' ―nacui̱ Jesús li'―. Si'i cha' cuiñi laca cha' nu nchcui' nu sube re. ¿Ha bilya chcui' ma̱ lo quityi nu nscua sca cha' ndi'ya̱?: Ndula tu'ba cubi', ndula tu'ba nu sube cuañi'; chañi cha' ndu'ni tlyu ngu' bi' ji'i̱ ycui' Ndyosi.

1 CORINTIOS 7:26

Lye tsa laca chalyuu juani, ndyacua tsa cha' ti'í ji'na; bi' cha' tso'o la si tyanu na ñi'ya̱ nu ndi'i̱ ti na, nti' na'.