SAN LUCAS 21:21 - Chatino Tataltepec

²¹ Lo'o li' lcaa cu'ma̱, lo'o lcaa ngu' nu tya ndi'i̱ loyuu su cuentya Judea re, nga'a̱ cha' xna ma̱ tyaa ma̱ tyu'u cuatsi' ma̱ nde ca'ya; jua'a̱ ngu' nu ndi'i̱ quichi̱ Jerusalén re, ntsu'u cha' tyu'utsu' ngu' quichi̱ re; jua'a̱ ngu' nu ndi'i̱ ne' quixi̱', nga'aa caja tyempo cha' tya̱a̱ ngu' nde quichi̱.

SAN LUCAS 21:21 Referans Kwoze

APOCALIPSIS 18:4

Li' xa' nguañi nchcui' sca ñati̱ ca su ntucua ycui' Ndyosi, nchcui' lo'o ñati̱ ji'i̱ ycui' Ni: ―Tyu'u clya cu'ma̱ ñati̱ 'na juani, tyu'utsu' ma̱ nde quichi̱ tlyu bi' ―nacui̱ Ni―. Ná ntsu'u cha' cua'ni stu'ba ma̱ cha' lo'o ngu' bi', nu lo'o ndyu'ni ngu' cha' cuxi, cha' ná xcube' ycui' Ndyosi ji'i̱ ma̱ stu'ba ti lo'o nu ngu' cuxi bi'.

SAN MARCOS 13:15

Xna clya ma̱ tsa̱ bi' li'. Si nga'a̱ ñati̱ que ni'i̱ ji'i̱ li', nga'aa caja tyempo ji'i̱ ngu' bi' tya̱a̱ ngu' nde ne' ni'i̱, cha' culo ngu' yu'ba nu ntsu'u ji'i̱ ngu'; nga'a̱ cha' ca'ya clya ngu' bi' nde lo yuu cha' xna clya ngu' li'.

SAN MATEO 24:16

li' ca cuayá' ti' ma̱ cha' tso'o la si xna lcaa ma̱ nu ndi'i̱ ma̱ nde loyuu su cuentya Judea, xna ma cha' tyu'u cuatsi' ma̱ laja ca'ya.

SAN MATEO 2:1

La cui' tyempo lo'o ngula Jesús nde quichi̱ Belén, sca nu cusu' nu naa Herodes ngua loo ji'i̱ nasiyu̱ bi'. Ca loyuu su cuentya Judea, ca bi' ndi'i̱ quichi̱ Belén bi'. Lo'o li' ndyalaa xi ngu' tii nde Judea bi'; ngutu'u ngu' tii bi' xa' quichi̱ nde su ntyucua cuichaa, lo'o li' ndyalaa ngu' quichi̱ Jerusalén. Nchcui' ngu' tii bi' lo'o ngu' nu ndyacua tya'a lo'o ngu' tyucui̱i̱: