SAN LUCAS 21:20 - Chatino Tataltepec

²⁰ ’Pana nu lo'o ña'a̱ ma̱ cha' nsu'ba lo'o ngu' cusu̱u̱ tyi'i̱ ca to' quichi̱ Jerusalén re, li' ca cuayá' ti' ma̱ cha' cua tye ti cha' ji'i̱ quichi̱ tyi ma̱ re.

SAN LUCAS 21:20 Referans Kwoze

SAN LUCAS 19:43

Pana tyalaa sca tsa̱ cuxi ji'i̱ ma̱. Lo'o li' cuiñá ngu' tya'a cusu̱u̱ ma̱ ngutu yuu tyucui ña'a̱ to' quichi̱. Li' su'ba lo'o ngu' bi' tyucui ña'a̱ to' quichi̱.

SAN MARCOS 13:14

’Cua nscua lo quityi ji'i̱ jyo'o cusu' Daniel nu ngua tu'ba ji'i̱ ycui' Ndyosi nu ngua sa'ni, cha' ca tiya' la ña'a̱ ma̱ cha' tyu̱ sca na nu suba' tsa, nu cua'ni ñu'u̱ ji'i̱ lcaa na lubii―. (Caca cuayá' ti' ma̱ cha' bi' nu lo'o chcui' ma̱ lo quityi re.) ―Nu lo'o ña'a̱ ma̱ cha' ndu̱ na suba' bi' ca ne' laa tonu su ná ntsu'u chacuayá' tyu̱ ―nacui̱ Jesús―, li' tso'o la si xna lcaa ma̱ nu ndi'i̱ ma̱ nde loyuu su cuentya Judea, xna ma̱ cha' tyu'u cuatsi' ma̱ laja ca'ya.

SAN LUCAS 21:7

Li' nchcuane ngu' ji'i̱ Jesús: ―Mstru, ¿ni jacua' caca cha' bi'? ―nacui̱ ngu' ji'i̱ Jesús―. ¿Ñi'ya̱ caca ca cuayá' ti' ya lo'o cua caca ti cha' cuxi bi'?

SAN MATEO 24:15

’Jyo'o Daniel nu ngua tu'ba ji'i̱ ycui' Ndyosi cua sa'ni ni, cua nchcui' yu cuentya ji'i̱ sca na nu suba' tsa, nu cua'ni ñu'u̱ ji'i̱ lcaa na lubii. (Caca cuayá' ti' cu'ma̱ ji'i̱ cha' bi' nu lo'o chcui' ma̱ lo quityi re.) Nu lo'o ña'a̱ ma̱ cha' ndu̱ na suba' bi' ca su tacati tsa ne' laa tonu bi' ―nacui̱ Jesús―,

HEBREOS 11:30

Jlya ti' ngu' Israel cha' ji'i̱ ycui' Ndyosi, bi' cha' nguta'a̱ ngu' nguxtyi'i̱ ngu' tyi'i̱ ca chu̱' lo'o quee nu ndu̱ to' quichi̱ Jericó. Cati tsa̱ nguta'a̱ ngu' tsa cu' ti, lo'o li' ndye lo'o bi' nguti̱.

HEBREOS 12:1

Lo'o juani, ¿ñi'ya̱ cua'ni na lacua? Ndi'ya̱ cua'ni na nde chalyuu: Ñi'ya̱ si tya ndi'i̱ jyo'o cusu' bi' tsa tlyu ti lo'o na, jua'a̱ cua'ni na, cha' jua'a̱ tyi'u tso'o ti' na lcaa ña'a̱ cha' tlyu nu ngua'ni ngu' bi' tya sa'ni la, xqui'ya cha' jlya ti' ngu' ji'i̱ ycui' Ndyosi. Ndu'ni cha' xtyanu na lcaa cha' nu ndaca'a ji'na cha' ná xñi tso'o na cha' ji'i̱ Jesús; xtyanu na lcaa cha' cuxi nu tiji̱' tsa ti' na ji'i̱, culochu̱' na cha' bi'. Lo'o li' nguula ti' tyiquee na cua'ni na cha' tso'o nde chalyuu, tsa lo cua tyempo nu tya ta ti Ni ji'na.