SAN LUCAS 20:42 - Chatino Tataltepec

⁴² Ndi'ya̱ cha' nguscua ycui' David bi' lo quityi Salmos: Ycui' Ndyosi nu laca Xu'na na nacui̱ ji'i̱ Cristo nu Xu'na na': “Tyucua nu'u̱ nde la'a tsu' cui̱ 'na, cha' stu'ba ti caca nu'u̱ loo lo'o na'”, nacui̱ Ni,

SAN LUCAS 20:42 Referans Kwoze

HEBREOS 1:13

Nde ntsu'u chaca cha' nu nscua lo quityi cusu' cuentya ji'i̱ Jesús: Cua̱a̱ clya nu'u̱ ca nde, tyucua nu'u̱ ca su ntucua na' re; ña'a̱ cuayá' tyiji̱loo na' ji'i̱ lcaa tya'a cusu̱u̱ nu'u̱ tyucua nu'u̱, cha' caca nu'u̱ loo ji'i̱ ngu' bi' tsiya' ti. Ni sca quiya' bilya chcui' ycui' Ndyosi jua'a̱ cuentya ji'i̱ xca̱ ji'i̱ Ni nde cua̱, sca ti lo'o Jesús cua nchcui' Ni jua'a̱.

1 CORINTIOS 15:25

Ndi'ya̱ ndyaca cha': Juani tya ntsu'u chacuayá' culo Jesús cña ji'i̱ lcaa ñati̱, ña'a̱ cuayá' cua'ni tye ycui' Ndyosi ji'i̱ lcaa ñati̱ nu nxu̱u̱ tya'a lo'o Jesús.

SAN LUCAS 24:44

Lo'o ti nchcui' yu lo'o ngu' li': ―Cha' nu ngua ca ti 'na, bi' laca cha' nu cua ndacha' na' ji'i̱ ma̱ lo'o tya ndi'i̱ na' lo'o cu'ma̱ tya tsubi' la ―nacui̱ yu―. Cua nacui̱ na' ji'i̱ ma̱ cha' nga'a̱ cha' caca 'na lcaa cha' nu cua nscua cuentya 'na lo quityi nu nguscua jyo'o Moisés, lo'o jua'a̱ lo quityi nu nguscua jyo'o ngu' nu ngua tu'ba ji'i̱ ycui' Ndyosi nu ngua sa'ni, lo'o jua'a̱ lo quityi Salmos nscua cha' bi'.

HEBREOS 3:7

Lo quityi cua nscua sca cha' nu nda Xtyi'i ycui' Ndyosi lo'o ñati̱ sa'ni. Ndi'ya̱ nchcui' Ni lo'o ngu' tya li': Juani ti cua'a̱ jyaca̱ ma̱ ji'i̱ cha' nu nda na' lo'o ma̱:

LOS HECHOS 1:20

Lo'o jua'a̱ ngutu'u tucua cha' nu nguscua jyo'o cusu' lo quityi Salmos nu nchcui' ndi'ya̱: Laja ti tyanu tyi yu, nga'aa tyanu ñati̱ lu'ú cajua. Lo'o xa' nchcui' quityi bi' chaca quiya': Cua'ni xa' ñati̱ cña su ndu̱ yu. ’Jua'a̱ nchcui' quityi bi' ―nacui̱ Pedro ji'i̱ ngu'―,

SAN LUCAS 20:43

“ña'a̱ cuayá' nu cua'ni tye na' cha' ji'i̱ lcaa tya'a cusu̱u̱ nu'u̱”, nacui̱ ycui' Ndyosi ji'i̱ Cristo li'.