SAN LUCAS 20:36 - Chatino Tataltepec

³⁶ cha' ca bi' nga'aa ntsu'u cha' cajaa ngu' tsiya' ti. Caca ngu' bi' ñi'ya̱ laca xca̱ nu ndi'i̱ slo ycui' Ndyosi; caca ngu' sñi' ycui' Ndyosi tsiya' ti, cha' cua ndyu'ú ngu' chaca quiya'.

SAN LUCAS 20:36 Referans Kwoze

APOCALIPSIS 21:4

Lo'o li' cua'ni ycui' Ndyosi cha' nga'aa xi'ya ngu' nu ndyunaa tsa tya tsubi' la ―nacui̱ nu nchcui' bi'―. Nga'aa ntsu'u cha' cajaa ñati̱ li', nga'aa ntsu'u cha' ca xñi'i̱ ti' ngu', nga'aa xi'ya ngu', ni nga'aa tyacua cha' ti'í ji'i̱ ngu' li'; cua ndye lcaa cha' nu ngua ji'i̱ ngu' lo'o nguti'i̱ ngu' chalyuu cusu' ―nacui̱ nu nchcui' bi'.

FILIPENSES 3:21

Xcutsa'a̱ Ni ji'i̱ tyucui ña'a̱ na li', cha' caca na ñi'ya̱ laca ycui' Ni. Quicha ti ti' tyucui ña'a̱ na juani, pana ycui' Ndyosi ni, tso'o tsa ña'a̱ tyucui ña'a̱ Ni; la cui' jua'a̱ caca tyucui ña'a̱ na nde loo la li'. Taca ji'i̱ Ni culo Ni cña ji'i̱ lcaa lo na nu ntsu'u chalyuu, lo'o jua'a̱ taca ji'i̱ Ni xcutsa'a̱ Ni ji'i̱ tyucui ña'a̱ na tsiya' ti.

SAN MATEO 22:30

Nu lo'o tyu'ú lcaa jyo'o chaca quiya', nga'aa ntsu'u cha' caja clyo'o ngu' ca bi'; tyi'i̱ ngu' li' ñi'ya̱ ndi'i̱ xca̱ ji'i̱ ycui' Ndyosi ca slo Ni.

APOCALIPSIS 20:6

Tso'o tsa caca tyiquee ñati̱ nu yala la tyu'ú chaca quiya', cha' ñati̱ ji'i̱ ycui' Ndyosi laca ngu' bi'; ná ntsu'u cha' chcube' ngu' bi' tsiya' ti lo'o tyaa lcaa ñati̱ cuxi nde chalyuu talya, nu lo'o cua ndye lcaa cha'. Cua'ni ngu' bi' cña ji'i̱ ycui' Ndyosi; la cui' jua'a̱ cua'ni ngu' cña ji'i̱ Cristo, cha' stu'ba ti caca ngu' loo lo'o Cristo ña'a̱ cuayá' tyu'u scua sca mil yija̱.

1 CORINTIOS 15:42

La cui' jua'a̱ caca na lo'o tyu'ú na chaca quiya'. Lo'o cua ndyaa jyo'o ne' yuu, catsu' bi' li'; pana lo'o tyu'ú bi' chaca quiya', nga'aa quiñu'u̱ bi' tsiya' ti li'.

APOCALIPSIS 22:9

Hora ti nchcui' yu lo'o na' li': ―Ná cua'ni nu'u̱ jua'a̱. Lo'o na', tya'a ndyu'ni na cña ji'i̱ ycui' Ni laca na'; stu'ba ntsu'u cha' 'na lo'o jyo'o ñati̱ tya'a ma̱ nu ngua tu'ba ji'i̱ ycui' Ni nde chalyuu, jua'a̱ tya'a na' lo'o cua ña'a̱ ca ñati̱ nu taquiya' ji'i̱ cha' nu nscua lo quityi re. Sca ti ycui' Ndyosi laca nu nga'a̱ cha' cua'ni tlyu na ji'i̱.

1 CORINTIOS 15:26

Lo'o cua ndye lcaa cha', li' cua'ni tye Ni cha' ndyijii ñati̱.

SAN MARCOS 12:25

Nu lo'o tyu'ú lcaa jyo'o chaca quiya', nga'aa ntsu'u cha' caja clyo'o ngu' li'. La cui' ñi'ya̱ nu ndi'i̱ xca̱ ji'i̱ ycui' Ndyosi ca su ntucua Ni, la cui' jua'a̱ tyi'i̱ ngu' li'.

1 CORINTIOS 15:49

Lo'o ndi'i̱ na chalyuu, xti ti tyempo talo tyucui ña'a̱ na; pana lo'o tsaa na tyi'i̱ na slo ycui' Ni, li' xa' ña'a̱ caca na. Ñi'ya̱ nu laca ycui' Cristo, jua'a̱ caca na li'.

ROMANOS 8:16

Cha' nu ntsu'u ne' cresiya ji'na ni, stu'ba nchcui' cha' bi' lo'o cha' nu nda Xtyi'i Ni lo'o na, cha' cua laca na sñi' ycui' Ni.