SAN LUCAS 2:34 - Chatino Tataltepec

^34-35 Lo'o li' ngulacua̱ nu cusu' Simeón ji'i̱ ngu' bi'. Nde laca cha' nu nda nu cusu' lo'o María xtya'a̱ Jesús li': ―Quiña'a̱ tsa cha' tso'o caca ji'i̱ ngu' Israel xqui'ya cubi' re ―nacui̱ nu cusu' bi'―, masi ntsu'u ñati̱ nu chi̱i̱ ntsu'u tyiquee ngu' ña'a̱ ngu' ji'i̱, pana ntsu'u ñati̱ nu caja chalyuu cucui ji'i̱ xqui'ya cubi' re. Culo tu̱ cubi' re lcaa cha' nu ntsu'u yacu̱' ne' cresiya ji'i̱ ñati̱; caca cubi' re sca cha' tlyu nu cua nda ycui' Ndyosi ji'i̱ ñati̱, masi ná tyaja'a̱ lcaa ñati̱ tucuá cha' ji'i̱ ―nacui̱ Simeón ji'i̱ María xtya'a̱ cubi' bi'―. Lo'o jua'a̱ jinu'u̱ ―nacui̱ nu cusu' bi'―, tyacua sca cha' xñi'i̱ ti' jinu'u̱ xqui'ya cha' ná taquiya' ngu' ji'i̱ sñi' nu'u̱.

SAN LUCAS 2:34 Referans Kwoze

1 CORINTIOS 1:23

Pana nu na ni, ndacha' na ji'i̱ ngu' cha' ji'i̱ Cristo nu cua ngujuii lo crusi cha' cua'ni lyaá ji'na. Li' chiya'a̱ nti' ngu' judío lo'o ndyuna ngu' cha' nu nchcui' na re; lo'o jua'a̱ ngu' xa' tsu', cha' tonto nchcui' na nti' ngu' bi', si'i cha' bi' tsiya' ti nti' ngu' bi'.

SAN MATEO 21:44

Lo'o cha' ji'i̱ quee tonu bi' ni, na' laca̱ ñi'ya̱ laca quee tonu bi'; ñi'ya̱ nu ngua'ni cuityi ni'i̱ lo'o quee bi', jua'a̱ ndyu'ni ma̱ lo'o na'. Pana si nti' ñati̱ tacu̱' ngu' lo cha' jna', nga'aa tso'o tyi'i̱ ñati̱ bi' li'; lo'o cua'ni cuayá' Ni ji'i̱ lcaa ñati̱ chalyuu, tye cha' tsiya' ti ji'i̱ ñati̱ nu ná ntaja'a̱ xñi cha' jna' nu lo'o ya̱a̱ ngu' nde chalyuu.

1 PEDRO 4:14

Nu lo'o nchcui' ngu' cha' ti'í ji'i̱ ma̱ xqui'ya Cristo, ca tso'o tyiquee ma̱ cha' ndi'i̱ Xtyi'i ycui' Ndyosi lo'o ma̱, lo'o jua'a̱ tlyu tsa cha' tso'o ntsu'u ji'i̱ ycui' Ni. Nchcui' ngu' bi' cha' cuxi ji'i̱ ycui' Ndyosi; pana cu'ma̱ ni, tso'o tsa si tya cua'ni tlyu ma̱ ji'i̱ Ni.

HEBREOS 7:7

Bi' cha' cua jlo ti' na cha' tlyu la ngua jyo'o Melquisedec bi' que jyo'o Abraham; na cua ngulacua̱ nu cusu' bi' ji'i̱ jyo'o Abraham nu ngua li', bi' cha' tlyu la chacuayá' ntsu'u ji'i̱ ycui' nu cusu' bi' que Abraham.

ROMANOS 9:32

¿Ni cha' laca ná ngua tso'o cresiya ji'i̱ ngu' judío lacua? Laca cha' ná jlya ti' ngu' cha' taca ji'i̱ Jesús cua'ni cho'o ji'i̱ cresiya ji'i̱ ñati̱. Nti' nu ngu' judío bi' cha' caca tso'o cresiya ji'i̱ ngu' cuentya ji'i̱ ycui' Ndyosi laja lo'o ndyu'ni ti ngu' cña nu ngulo jyo'o Moisés ji'i̱ ngu'. Ngua cuxi cha' ji'i̱ ngu' li', ñi'ya̱ laca si cua nclyú ti'i̱ ngu' chu̱' sca quee nu ntsiya cla'be tyucui̱i̱ su ndya'a̱ ngu'.

LOS HECHOS 6:7

Lcaa tsa̱ nda ngu' cha' ji'i̱ ycui' Ndyosi lo'o quiña'a̱ la ñati̱ nu ntaja'a̱ cua'a̱ jyaca̱ ji'i̱ cha' bi'. Jua'a̱ ngua quiña'a̱ la ngu' nu ndyaca tsa'a̱ cha' ji'i̱ Jesucristo nde quichi̱ Jerusalén, lo'o jua'a̱ ngua tyu̱u̱ tya'a sti jo'ó ji'i̱ ngu' judío nu ngusñi cha' ji'i̱ Jesucristo li'.

LOS HECHOS 24:5

Cua lijya̱ ya ca nde cha' cacha' liñi ya jinu'u̱ lcaa ña'a̱ cña cuxi nu ngua'ni yu re. Nslo ya ji'i̱ yu re cha' suba' tsa nchcui' yu, lya' tsa ti' yu. Nsu'ba yu cha' cusu̱u̱ ji'i̱ ñati̱ lcaa quichi̱ su ndya'a̱ yu slo ngu' judío tya'a ya, cha' yu re laca loo ji'i̱ taju ngu' nazareno.

LOS HECHOS 17:6

Pana ná nquije Pablo lo'o Silas ji'i̱ ngu', bi' cha' ngusñi ngu' ji'i̱ ycui' Jasón lo'o ji'i̱ tya'a ndya'a̱ yu, ndyaa lo'o ngu' ji'i̱ ngu' bi' ca slo ngu' tisiya. Cui̱i̱ nchcui' ngu' lo'o ngu' tisiya li', ngusta ngu' qui'ya ji'i̱ Jasón lo'o ji'i̱ tya'a ndya'a̱ yu: ―Tyaala tsa ngu' bi' ―nacui̱ nu ngu' xña'a̱ bi'―. Lcaa quichi̱ su ndya'a̱ ngu' bi' nga'aa si'i ti̱ ti ndi'i̱ ngu' quichi̱ bi' xqui'ya cha' cuxi nu nchcui' ngu' bi' ―nacui̱ ngu'―. Lo'o juani cua ndyalaa ngu' xña'a̱ bi' quichi̱ tyi na,

LOS HECHOS 13:45

Ñasi̱' tsa nu ngu' judío bi' lo'o na'a̱ ngu' ji'i̱ nu quiña'a̱ tsa ñati̱ bi'. Nchcui' suba' ngu' judío lo'o Pablo li', nacui̱ ngu' cha' cuiñi tsa cha' nu nclu'u yu bi'.

LOS HECHOS 4:26

Cua ndyu'u ti'i̱ lcaa nu laca xu'na chalyuu re lo'o nu laca loo ji'i̱ lcaa quichi̱, cha' cua'ni cuxi ngu' lo'o ycui' Ndyosi nu Xu'na na, jua'a̱ lo'o Cristo nu ngusubi ycui' Ndyosi ji'i̱.

SAN JUAN 5:18

Bi' cha' chi̱i̱ tsa ntsu'u tyiquee ngu' judío bi' ña'a̱ ngu' ji'i̱ Jesús, ntsu'u tsa ngu' bi' nu nti' cujuii ji'i̱ Jesús li'. Ti'í ti' ngu' bi' ña'a̱ ngu' ji'i̱ yu, cha' ná ndaquiya' yu tsa̱ ta'a ji'i̱ ngu', nacui̱ ngu'. Ná ndiya ti' ngu' tsiya' ti cha' nacui̱ Jesús cha' ycui' Ndyosi laca Sti yu, cha' stu'ba nti' ycui' ca yu lo'o ycui' Ndyosi.

SAN JUAN 3:20

Ná nti' nu ñati̱ xña'a̱ bi' cha' ta ycui' Ndyosi xee nu tyu'ú ne' cresiya ji'i̱ ngu'. Tyijyu' ti ndya'a̱ ngu' bi' su ná ña'a̱ xa' ñati̱ ji'i̱ ngu', xqui'ya cha' xcui' cha' cuxi ndu'ni ngu' bi' ―nacui̱ Jesús―.

SAN MATEO 27:63

Nchcui' ngu' lo'o li': ―Cusu' ―nacui̱ ngu' ji'i̱ nu Pilato bi'―, ntsu'u ti' ya ji'i̱ cha' nu cua nchcui' nu cuiñi bi' lo'o tya lu'ú yu: “Tyu'u scua sna tsa̱, li' tyu'ú na' chaca quiya'”, nacui̱ yu.

SAN MATEO 12:46

Tya nchcui' Jesús lo'o ngu', li' ndyalaa xtya'a̱ lo'o tya'a Jesús, ndu̱ ngu' nde liya' cha' nti' ngu' chcui' ngu' lo'o Jesús.

SAN MATEO 11:19

Lo'o li' lijya̱ na' nu cua nda Ni 'na lijya̱a̱ cha' caca na' ñati̱, ndacu na' lcaa lo na lo'o ma̱, ndyi'yu na' lcaa lo na lo'o ma̱, lo'o li' nchcui' ma̱ 'na: “¡Ña'a̱ ma̱ ña'a̱! Ndacu tsa yu jua, cu'bi tsa yu”, nacui̱ ma̱ ji'i̱ tya'a ma̱. “Ná tso'o yu jua cha' tya'a tso'o yu laca ngu' nu nxñi cñi cña loo na, lo'o jua'a̱ xi xa' la ngu' cuxi laca tya'a tso'o yu”, nacui̱ ma̱ 'na. Nacui̱ ma̱ jua'a̱ cha' ná tso'o cha' nu nchcui' na', nti' ma̱; pana caca cuayá' ti' ma̱ nde loo la cha' liñi tsa cha' nu nchcui' ngu' nu nacui̱ cha' cuentya ji'i̱ ycui' Ndyosi laca na'.

HEBREOS 7:1

Nu jyo'o Melquisedec bi' ni, xu'na quichi̱ Salem ngua nu cusu' bi'; cuentya ji'i̱ ycui' Ndyosi nu laca loo la ngua'ni yu cña cha' ngua yu sti jo'ó. Nu ngua tyempo bi' cua ndyaa lca'a̱ jyo'o Abraham ji'i̱ tyu̱u̱ tya'a rey xña'a̱, cha' ngusu̱u̱ tya'a yu lo'o ngu' bi', ndyujuii yu ji'i̱ nu ngu' xña'a̱ bi' li'. Tyucui̱i̱ lo'o ñaa yu, li' ngutu'u nu Melquisedec bi' ndyaa to' tyucui̱i̱ cha' tyacua tya'a lo'o nu Abraham bi'; ngulacua̱ ji'i̱ yu chacuayá' ji'i̱ ycui' Ndyosi li'.

LOS HECHOS 28:22

Nti' ya cuna ya tyucui ña'a̱ cha' nu ntsu'u cha' ta nu'u̱ lo'o ya cuentya ji'i̱ tyucui̱i̱ cucui bi', cha' jlo ti' ya cha' lcaa quichi̱ ntsu'u ngu' nu ñasi̱' tsa ji'i̱ ngu' nu cua ngusñi tyucui̱i̱ bi'.