SAN LUCAS 19:28 - Chatino Tataltepec

²⁸ Lo'o cua nchcui' Jesús cha' bi', li' ndu'u yu ndyaa yu tyucui̱i̱ tsaa nde Jerusalén.

SAN LUCAS 19:28 Referans Kwoze

SAN LUCAS 9:51

Nu lo'o cua tyalaa ti tyempo cha' tyaa Jesús nde cua̱, li' ngüiñi ti' yu cha' tyaa yu nde Jerusalén.

1 PEDRO 4:1

Lo'o ndyi'u ti' ma̱ cha' nchcube' Cristo nde chalyuu, li' caca nguula la ti' ma̱ cha' talo tyiquee ma̱ lo'o chcube' cu'ma̱; ñi'ya̱ nu ndalo tyiquee ycui' Cristo, jua'a̱ taca talo tyiquee ma̱ lo'o chcube' ma̱ li'. Nga'aa caca cua'ni cha' cuxi ngana ji'i̱ ma̱ si lo'o cu'ma̱ chcube' ma̱ jua'a̱.

HEBREOS 12:2

Xcui' culacua ti' na ñi'ya̱ ngua'ni Jesús; lcaa cha' nu jlya ti' na ni, Jesús laca su̱u̱ lcaa cha' bi'; si jua'a̱, taca jlya ti' na ji'i̱ Ni ña'a̱ cuayá' nu tye chalyuu. Nu ycui' Jesús ni, ná nguta'a̱chu̱' yu ji'i̱ cña nu nga'a̱ cha' cua'ni yu, masi cua jlo ti' yu cha' cua cajaa ti yu lo crusi. Pana tiya' la li', nu lo'o cua ntiji̱loo yu ji'i̱ nu cuxi, tso'o tsa ntsu'u tyiquee yu li'; bi' cha' ná ngua tyuju'u ti' yu tsiya' ti, masi nguxcube' ngu' ji'i̱ yu lo crusi. Lo'o juani cua ndyaa tucua Jesús nde la'a tsu' cui̱ su tlyu ca su ntucua ycui' Ndyosi Sti na.

SAN LUCAS 18:31

Sca se'i̱ ti ngusi'ya Jesús ji'i̱ nu tii tyucuaa tya'a ngu' nu ndyaca tsa'a̱ ji'i̱, cha' tyu'u ti'i̱ ngu' slo yu cha' chcui' yu lo'o ngu': ―Tsaa na nde Jerusalén juani ―nacui̱ yu―, su caca lcaa cña nu nguscua jyo'o cusu' nu ngua tu'ba ji'i̱ ycui' Ndyosi cua sa'ni la, nu nguscua ngu' ji'i̱ cua ña'a̱ ca cha' nu caca 'na, na' nu lijya̱a̱ cha' caca na' ñati̱.

SAN LUCAS 12:50

Cua xana ti sca cha' tlyu, cua tyatí̱ ti na' sca cña, ñi'ya̱ laca lo'o cua ntyucuatya ngu' 'na; bi' cha' lye tsa nclyacua ti' na' juani: ¿Ni jacua' xcua se'i̱ cña bi'?

SAN JUAN 18:11

Hora ti nchcui' Jesús lo'o Pedro: ―Xco'o clya xlyu cua hi̱ ne' quiji̱. Na cua nda ycui' Ndyosi Sti na' chacuayá' ji'i̱ ngu' cha' xcube' ngu' 'na. ¿Ha ná tso'o cha' jua'a̱ caca 'na nti' nu'u̱?

SAN LUCAS 10:30

Li' nchcui' Jesús cui̱i̱ re cha' xacui̱ cha' ji'i̱ mstru bi': ―Ngutu'u sca ngu' tya'a quichi̱ tyi na nde Jerusalén, ndya'a̱ yu lijya̱ yu tyucui̱i̱ ndyaa nde calacui, nde quichi̱ Jericó. Lo'o li' ndu'u tucua xi tucua sna tya'a ngu' cuaana, nguxlyaá ngu' lcaa na nu lo'o ji'i̱ yu; ngulo ngu' ste' yu, li' ti'í tsa ngujui'i̱ ngu' xña'a̱ bi' ji'i̱ yu ña'a̱ cuayá' nu cua cajaa ti yu. Li' nguxtyanu ngu' ji'i̱ yu ña'a̱ ntsiya ti yu.