SAN LUCAS 19:19 - Chatino Tataltepec

¹⁹ La cui' ti cha' nacui̱ rey bi' ji'i̱: “Culo nu'u̱ cña ji'i̱ ca'yu tya'a quichi̱ cuentya jna' lacua”, nacui̱ rey ji'i̱ msu bi'.

SAN LUCAS 19:19 Referans Kwoze

2 JUAN 1:8

Bi' cha' tii ti ti' ma̱ tyi'i̱ ma̱ chalyuu, cha' ná culiji yu'u jua'a̱ ti lcaa cha' nu cua ndyuna ma̱ lo'o nguti'i̱ ya ca slo ma̱. Li' caja lcaa cha' tso'o nu cua nti' ycui' Ndyosi ta Ni ji'i̱ ma̱ lo'o tye chalyuu.

2 CORINTIOS 9:6

Tyi'u ti' ma̱ ñi'ya̱ ndyaca lo'o ntyaa na na cuiñii. Si xti ti si'yu na cuiñii bi' cataa na, xti ti cha' tso'o tyu'u ji'na li'; pana si quiña'a̱ si'yu cataa na, quiña'a̱ la cha' tso'o tyu'u li'.

1 CORINTIOS 15:58

Cu'ma̱ tya'a ngusñi na cha' ji'i̱ Jesús, ntsu'u tsa tyiquee na' ña'a̱a̱ ji'i̱ cu'ma̱. Ndi'ya̱ ñacui̱ na' ji'i̱ ma̱, cha' ña'a̱ ti xñi tso'o ma̱ cha' ji'i̱ ycui' Ndyosi, lcaa tsa̱ jlya ti' ma̱ ji'i̱ Ni; xcui' lye tsa cua'ni ma̱ cña ji'i̱ ycui' nu Xu'na na, ná ca taja ti' ma̱ lo'o cua'ni ma̱ cña bi'. Cua jlo ti' ma̱ cha' ná culiji jua'a̱ ti sca cña nu ndyu'ni ma̱ cuentya ji'i̱ ycui' Ndyosi.

1 CORINTIOS 3:8

Sca ti cuayá' ndu'ni ya lo'o tya'a ya, masi nda ya cha' lo'o cu'ma̱ su clyo, masi nclyu'u tso'o la ya cha' bi' ji'i̱ ma̱ ca tiya' la. Ycui' Ndyosi ni, tya ta la Ni cha' tso'o ji'i̱ ya, tsa ña'a̱ nu ndyu'ni tso'o ya cña ji'i̱ Ni.

SAN LUCAS 19:18

Ndyalaa chaca msu li': “Cusu'”, nacui̱, “ca'yu tya'a tsa lo nu nda nu'u̱ 'na ngua'ni na' ngana”, nacui̱.

SAN LUCAS 19:20

Li' ndyalaa chaca msu bi': “Cusu'”, nacui̱, “nde ñaalo'o na' cñi jinu'u̱, cha' cua nguxco'o tso'o na' ji'i̱ ne' sca pañito.