SAN LUCAS 19:17 - Chatino Tataltepec

¹⁷ Li' nguxacui̱ rey cha' ji'i̱ msu bi': “Tso'o tsa lacua. Sca msu tso'o laca nu'u̱. Liñi tsa ngua'ni nu'u̱, masi lo'o sca cña xti ti; bi' cha' ta na' chacuayá' cha' caca nu'u̱ loo ji'i̱ tii tya'a quichi̱ cuentya jna'.”

SAN LUCAS 19:17 Referans Kwoze

SAN LUCAS 16:10

’Ñati̱ nu tso'o tsa ngua'ni lyiji sca cña piti ti, jua'a̱ tso'o tsa cua'ni ngu' bi', masi sca cña nu cua tlyu la; pana ñati̱ nu ñilo'o ji'i̱ xu'na ngu' lo'o cua'ni ngu' sca cña piti ti, ná tyiquee' ná caca cua'ni ngu' bi' sca cña nu cua tlyu la.

SAN MATEO 25:21

“Tso'o tsa cña nu ngua'ni nu'u̱”, nacui̱ xu'na msu bi' ji'i̱. “Sca msu tso'o laca nu'u̱, cha' tso'o tsa ndaquiya' nu'u̱ ji'i̱ cha' 'na. Sca cña sube ti nda na' jinu'u̱ tsubi', pana ta na' cña nu cua tlyu la jinu'u̱, cha' cua'ni nu'u̱ nde loo la. Stu'ba ti tyi'i̱ nu'u̱ slo na', cha' stu'ba ti ca tso'o tyiquee nu'u̱ lo'o na'”, nacui̱ xu'na bi' li'.

1 PEDRO 1:7

Ndyacua cha' ti'í ji'i̱ ma̱ jua'a̱, cha' taca cua'ni cuayá' Ni ji'i̱ ma̱, si chañi cha' ngusñi ma̱ cha' ji'i̱ ycui' Ni. Jlo ti' ma̱ cha' quiña'a̱ tsa nga'a̱ chcua̱ oro; pana hora ti ndu'ni cuayá' ngu' ji'i̱ oro bi' lo'o quii' cha' tyalá bi', cha' ña'a̱ ngu' si chañi cha' xcui' oro laca bi'. Nde loo la quiñu'u̱ chcua̱ oro, tye cha' ji'i̱, masi quiña'a̱ tsa cña ngua'ni ngu' cha' tyubii oro bi' tya clyo; pana nu cha' ji'i̱ Jesús nu cua ngusñi ma̱ ni, ndulo tsa cha' bi' cuentya ji'i̱ ycui' Ndyosi. Masi quiña'a̱ tsa chcua̱ oro caja ji'na, ná stu'ba tsiya' ti cha' ji'i̱ bi' lo'o ycui' Jesús. Lo'o ndye ndalo ma̱ ji'i̱ lcaa cha' ti'í nu ndyacua ji'i̱ ma̱ xqui'ya cha' ngusñi ma̱ cha' ji'i̱ Ni, li' tso'o tsa cha' nu caja ji'i̱ ma̱ lo'o tyu'u tucua ycui' Jesucristo ca̱a̱ chaca quiya'; ta Ni sca su tso'o cha' tyi'i̱ ma̱ slo ycui' Ni laja xee nu ndubi tsa ca su ntucua ycui' Ni.

1 CORINTIOS 4:5

Lo'o jua'a̱ cu'ma̱, ná yala tsa clyacua ti' ma̱ cha' sta ma̱ qui'ya ji'i̱ sca ñati̱; jatya ma̱ ña'a̱ cuayá' ca̱a̱ ycui' nu Xu'na na, bi' laca nu cua'ni cuayá' ji'i̱ ca ta'a na. Li' culotu̱ Ni ji'i̱ lcaa cha' cuxi nu ntsu'u cuaana ti ne' cresiya ji'na, masi sca cha' nu ná nti' na cacha' na ji'i̱ tya'a ñati̱ chalyuu na. Jua'a̱ cacha' Ni lcaa cha' nu ntsu'u ne' cresiya ji'i̱ lcaa ñati̱ chalyuu, lo'o li' ta Ni nu tso'o ji'na, cua ña'a̱ ca cha' tso'o nu ñacui̱ Ni cha' tyacua ji'i̱ scaa na.

1 PEDRO 5:4

Nu lo'o tyu'u tucua ycui' nu Xu'na na, li' ta Ni na tso'o nu tyacua ji'i̱ ma̱. Ná nga'a̱ cha' tye tsiya' ti na nu ta Ni ji'i̱ lcaa na nu ntsu'u cña ji'na cha' ña'a̱si̱i̱ na ji'i̱ taju ñati̱ ji'i̱ Ni; si'i ñi'ya̱ nti' ngana nu caja ji'na lo'o ndyu'ni na cña nde chalyuu nu yala ti tye bi'.

2 TIMOTEO 2:10

bi' cha' talo tyiquee na' ji'i̱ ngu', masi nchcube' tsa ngu' jna'. Talo na' ji'i̱ cha' cuxi bi' cuentya ji'i̱ ca ta'a ñati̱ nu ngusubi ycui' Ndyosi ji'i̱, cha' lo'o ñati̱ bi' ngua'ni lyaá Jesucristo ji'i̱, cha' caja chalyuu nu ná nga'a̱ cha' tye ji'i̱ ñati̱ bi'. Caca tyi'i̱ ngu' bi' ca slo ycui' Ndyosi su tso'o tsa ña'a̱ lcaa cha'.

ROMANOS 2:29

si'i jua'a̱ laca na ngu' judío. Tyucui tyiquee ngu' judío laca na lo'o xñi tso'o na cha' ji'i̱ ycui' Ndyosi; liñi la tyu'u cha' ji'na lo'o Ni si chca'a̱ cuayá' ji'i̱ ycui' Ndyosi ca ne' cresiya ji'na. Li' taca culo Ni cña ji'na lo'o Xtyi'i ycui' Ni, si'i lo'o sca cha' nu nscua lo quityi ti. Lo'o li' tso'o tsa cua'ni ycui' Ndyosi lo'o na, nga'aa si'i ñati̱ chalyuu ti nu chcui' tso'o ji'na li'.

SAN LUCAS 22:30

Nga'a̱ cha' stu'ba ti cacu ma̱ co'o ma̱ lo'o na' ca su tlyu bi' su tyucua na'; nga'a̱ cha' stu'ba ti tyi'i̱ ma̱ lo'o na' nu lo'o cua'ni cuayá' na' ji'i̱ lcaa ñati̱; lo'o jua'a̱ cua'ni cuayá' ma̱ ji'i̱ tya'a ñati̱ ma̱, nu tii tyucuaa tya'a taju ngu' Israel tya'a na.

SAN LUCAS 19:16

Nacui̱ msu nu ndyalaa clyo bi': “Tii tya'a tsa lo nu nda nu'u̱ 'na ngua'ni na' ngana”, nacui̱ msu bi' ji'i̱ yu.

SAN LUCAS 19:18

Ndyalaa chaca msu li': “Cusu'”, nacui̱, “ca'yu tya'a tsa lo nu nda nu'u̱ 'na ngua'ni na' ngana”, nacui̱.