SAN LUCAS 18:5 - Chatino Tataltepec

⁵ pana cua'ni na' tisiya ji'i̱ cha' nu nchcui' nu cuna'a̱ ti'i re, cha' ña'a̱ ti ndya'a̱ nu cuna'a̱ re nchcui' cua ña'a̱ ti lo'o na'. Bi' cha' cua'a na' xi ji'i̱”, nacui̱ bese bi', “cua'ni na' tisiya ji'i̱ cha' nu nchcui' ma' re, cha' nga'aa ca̱a̱ la ma' su'ba ñasi̱' ma' 'na.”

SAN LUCAS 18:5 Referans Kwoze

SAN LUCAS 11:8

Ndi'ya̱ nacui̱ na' ―nacui̱ Jesús ji'i̱ ngu'―, masi ná ntaja'a̱ tya'a tso'o yu tyatu̱ cha' ta tyaja bi' ji'i̱ yu bi', masi tso'o ti lo'o yu, pana tiya' la ngua ti' tya'a tso'o yu ta cha' bi' ji'i̱ yu, xqui'ya cha' nga'aa nti' cha' xa' tsaa yu xtyu'u yu ji'i̱ chaca quiya'; bi' cha' ndyatu̱ tya'a tso'o yu li', nda lcaa na nu nti' yu bi'.

SAN LUCAS 18:39

Ngu' nu ndyaa nde loo bi' ngusi'ya lo'o ngu' ji'i̱ yu cha' ca ti̱ yu cha' nxi'ya yu; pana ná ndyuna yu, cui̱i̱ la nxi'ya yu li': ―Nu'u̱ ni, nu tya'a ñati̱ ji'i̱ jyo'o David ―nacui̱ yu―, cua'ni tya'na ti' nu'u̱ jna'.

SAN MATEO 15:23

Ni sca cha' ná nguxacui̱ Jesús ji'i̱ nu cuna'a̱ bi'. Li' nchcui' ngu' nu ndyaca tsa'a̱ ji'i̱ lo'o Jesús: ―Culo nu'u̱ cña ji'i̱ nu cuna'a̱ re cha' tsaa ma' xa' se'i̱ ―nacui̱ ngu' ji'i̱ Jesús―, cha' nxi'ya tsa ji'na.

SAN LUCAS 18:3

La cui' quichi̱ bi' ntsu'u sca nu cuna'a̱ ti'i. Li' ndyaa ma' bi' ndyaa na'a̱ ma' ji'i̱ bese bi', cha' ntsu'u cha' cuxi nu ndyu'ni xa' ñati̱ lo'o ma'; ngua ti' ma' cha' quiñi tso'o cha' ji'i̱ ma' lo'o tya'a cusu̱u̱ ma' slo bese.

1 CORINTIOS 9:27

Nchcube' na' ji'i̱ ycui' ca na', cha' talo chalyuu 'na, cha' ná xtyanu ti'i̱ Ni 'na tsiya' ti. Quiña'a̱ tsa cha' cua ngulu'u na' ji'i̱ xa' ñati̱ cuentya ji'i̱ ycui' Ni, lo'o jua'a̱ ntsu'u cha' taquiya' ycui' na' ji'i̱ cha' bi'.