SAN LUCAS 18:34 - Chatino Tataltepec

³⁴ Lcaa ngu' nu ndyaca tsa'a̱ ji'i̱ Jesús bi', ná ngua cuayá' ti' ngu' cha' bi', ni ná jlo ti' ngu' ni cha' laca nchcui' yu jua'a̱. Sca cha' tucui ngua, ná nda ngu' cuentya ñi'ya̱ ndyu'u cha' bi'.

SAN LUCAS 18:34 Referans Kwoze

SAN LUCAS 9:45

Pana ná nda nu ngu' nu ndyaca tsa'a̱ ji'i̱ yu bi' cuentya, ná ngujui ñi'ya̱ caca ca cuayá' ti' ngu' cha' bi'; jua'a̱ ntsi̱i̱ tsa ngu' cha' xcuane ngu' ji'i̱ ycui' Jesús ñi'ya̱ tyu'u cha' nu nchcui' yu lo'o ngu'.

SAN MARCOS 9:32

Ná ngua cuayá' ti' ngu' nu ndyaca tsa'a̱ ji'i̱ ñi'ya̱ cha' nu nchcui' Jesús lo'o ngu'; pana ná ndacha' ngu' ji'i̱ yu ñi'ya̱ nu nti' ñacui̱ cha' nu nda yu, cha' ntsi̱i̱ ngu' chcui' ngu' lo'o yu li'.

SAN JUAN 12:16

Tyempo li' ná ngua cuayá' ti' ngu' cha' bi'. Pana ca tiya' la, lo'o cua ngua lcaa cha' tlyu nu ndyanu cha' cua'ni Jesús lo'o ya̱a̱ yu lo yuu, nu lo'o ngua tlyu Jesús ca su ntucua yu lo'o ycui' Ni nde cua̱, li' ndyi'u ti' ngu' nu ndyaca tsa'a̱ ji'i̱ yu, ndyi'u ti' ngu' ji'i̱ cha' nu nscua lo quityi bi' cua sa'ni la; ndyi'u ti' ngu' cha' la cui' jua'a̱ ngua ji'i̱ Jesús.

SAN JUAN 10:6

Bi' ngua sca cha' nu nchcui' ne' ti Jesús lo'o ngu', pana ná ngua cuayá' ti' ngu' tsiya' ti ñi'ya̱ ndyu'u cha' nu nchcui' Jesús lo'o ngu' li'.

SAN LUCAS 24:45

Li' ngulu'u Jesús ji'i̱ ngu' ña'a̱ cha' nu nchcui' quityi cusu' bi'.

SAN LUCAS 24:25

Li' nchcui' Jesús lo'o nu ngu' nu tya'a ndyaa yu tyucui̱i̱: ―Lyiji tsa cha' ji'i̱ cu'ma̱ cha' ca cuayá' ti' ma̱ scaa cha'; tiya' tsa nxñi ma̱ lcaa cha' nu nda ngu' jyo'o nu ngua tu'ba ji'i̱ ycui' Ndyosi sa'ni la.

SAN LUCAS 2:50

Pana, ná ngua cuayá' ti' ngu' tsiya' ti lo'o nchcui' Jesús lo'o ngu' jua'a̱.

SAN LUCAS 18:33

Clyo quiji'i̱ ngu' 'na lo'o reta, cuati cujuii ngu' 'na. Pana tsa̱ nchca tyuna ni, li' tyu'ú na' chaca quiya'; ná tyanu na' lo'o ngu' jyo'o.