SAN LUCAS 18:28 - Chatino Tataltepec

²⁸ ―Cusu' ―nacui̱ Pedro ji'i̱―, cua nguxtyanu ya lcaa cha' nu ntsu'u ji'i̱ ya cha' tya'a̱ ya lo'o nu'u̱, ñi'ya̱ nu nacui̱ nu'u̱ cha' cua'ni ya ―nacui̱.

SAN LUCAS 18:28 Referans Kwoze

FILIPENSES 3:7

Sa'ni la ngua ti' na' cha' tso'o tsa ñati̱ laca na' xqui'ya cha' cusu' bi', pana juani nga'aa nclyacua ti' na' ji'i̱ cha' bi' xqui'ya Cristo.

SAN MARCOS 10:28

Nchcui' Pedro lo'o li': ―Lo'o cuare ni, cua nguxtyanu ya ji'i̱ lcaa na nu ntsu'u ji'i̱ ya cha' tya'a̱ ya lo'o nu'u̱, ñi'ya̱ nu nacui̱ nu'u̱ cha' cua'ni ya ―nacui̱ Pedro ji'i̱ Jesús.

SAN MATEO 19:27

Li' nchcui' Pedro xi lo'o Jesús: ―Lo'o cuare ni, cua nguxtyanu ya lcaa na nu ntsu'u ji'i̱ ya cha' tya'a̱ ya lo'o nu'u̱, ñi'ya̱ nu nacui̱ nu'u̱ cha' cua'ni ya ―nacui̱ Pedro ji'i̱ Jesús―. ¿Na laca caja ji'i̱ ya nde loo la li'?

SAN LUCAS 5:11

Lo'o ndyalaa yaca ni'i̱ bi' ca to tayu' chaca quiya', li' nguxtyanu ngu' bi' ji'i̱ yaca ni'i̱, ndu'u ngu' ndyaa ngu' lo'o Jesús li'.

SAN MATEO 9:9

Ndu'u Jesús ndyaa, lo'o li' cua tyeje tacui ti to' ni'i̱ su ntucua Mateo nxñi cñi cña loo ngu'. Nchcui' Jesús lo'o nu Mateo bi' li': ―Tyu'u lca'a̱ nu'u̱ 'na ―nacui̱ Jesús ji'i̱. Hora ti ndyatu̱ Mateo, nguxtyanu cña ji'i̱, ndyaa lca'a̱ ji'i̱ Jesús li'.

SAN JUAN 19:27

Lo'o jua'a̱ nchcui' Jesús lo'o nu qui'yu bi': ―Ma' cusu' cua caca xtya'a̱ nu'u̱ juani. Li' ndyaa lo'o nu qui'yu bi' ji'i̱ xtya'a̱ Jesús, nda su tyi'i̱ ma' ca toni'i̱ ji'i̱ li'.