SAN LUCAS 17:4 - Chatino Tataltepec

⁴ masi cati quiya' ta yu cha' ñasi̱' ti' ji'i̱ ma̱ sca tsa̱, lo'o cati quiya' ca̱a̱ yu cha' chcui' yu lo'o ma̱: “Cui'ya ma̱ cha' clyu ti' jna', nga'aa cua'ni na' jua'a̱ juani”, ñacui̱ yu, li' nga'a̱ cha' cui'ya ma̱ cha' clyu ti' ji'i̱ yu.

SAN LUCAS 17:4 Referans Kwoze

ROMANOS 12:20

Lo'o jua'a̱ tya nda Ni xi xa' la cha': “Nu lo'o ngujui jbi'ña ji'i̱ tya'a cusu̱u̱ ma̱”, nacui̱ Ni, “tso'o la si ta ma̱ na cacu ngu' bi'; nu lo'o nguityi tsa tya'a cusu̱u̱ ma̱ hitya, ta ma̱ na co'o ngu' li'. Jua'a̱ ta ma̱ sca cha' tyuju'u ti' ji'i̱ ngu'.” Jua'a̱ cha' nscua lo quityi.

SAN MATEO 6:12

Lo'o jua'a̱ cui'ya nu'u̱ cha' clyu ti' ji'i̱ ya ji'i̱ lcaa cha' cuxi nu ntsu'u tyiquee ya, cha' jua'a̱ cua ngüi'ya ya cha' clyu ti' ji'i̱ ñati̱ nu ngua'ni cha' cuxi lo'o ya.

SAN MATEO 18:35

’Ñi'ya̱ ngua'ni rey bi' ―nacui̱ Jesús ji'i̱ ngu'―, jua'a̱ cua'ni Sti na' nu ntucua nde cua̱ lo'o lcaa ma̱ nu ná tyucui tyiquee ma̱ ndyi'ya ma̱ cha' clyu ti' ji'i̱ tya'a ma̱.

SAN MATEO 18:16

Pana si ná tyaja'a̱ ngu' tya'a ma̱ bi' cuna ngu' cha' nu nchcui' ma̱ lo'o ngu', tso'o la si tsaa ma̱ slo ngu' bi' chaca quiya'; pana lo'o xi xa' la ngu' tya'a ma̱ tsaa ma̱ li', cha' lo'o ngu' bi' cuna ngu' cha' nu chcui' tyucuaa ma̱, cha' caca ngu' bi' testigo.

SAN MATEO 5:44

Pana, quiña'a̱ la cha' chcui' na' lo'o ma̱ juani, cha' tso'o ti tyu'u tyiquee ma̱ ña'a̱ ma̱ ji'i̱ tya'a cusu̱u̱ ma̱, lo'o jua'a̱ tso'o ti chcui' ma̱ ji'i̱ ngu' nu nchcui' cuentyu ji'i̱ ma̱, tso'o ti cua'ni ma̱ lo'o ngu' nu ti'í ti' ji'i̱ ma̱; chcui' ma̱ lo'o ycui' Ndyosi cuentya ji'i̱ ngu', masi ndyu'ni lya' ti' ngu' ji'i̱ ma̱, masi nxtyí lo'o ngu' ji'i̱ ma̱.

SAN LUCAS 17:5

Li' nacui̱ nu ngu' nu ndyaca tsa'a̱ ji'i̱ Jesús: ―Xtyucua nu'u̱ ji'i̱ ya cha' taca jlya la ti' ya cha' jinu'u̱ ―nacui̱ ngu' ji'i̱.