SAN LUCAS 17:22 - Chatino Tataltepec

²² Li' nacui̱ Jesús ji'i̱ ngu' nu ndyaca tsa'a̱ ji'i̱: ―Nde loo la tyalaa tyempo nu nti' tsa ma̱ ña'a̱ ma̱ 'na, masi chaca tya tsa̱ nde chalyuu tya tyi'i̱ na' lo'o ma̱ nti' ma̱, na' nu cua nda ycui' Ni 'na lijya̱a̱ cha' caca na' ñati̱; pana nga'aa ña'a̱ ma̱ 'na li'.

SAN LUCAS 17:22 Referans Kwoze

SAN LUCAS 5:35

Pana nu lo'o tyalaa tsa̱ nu tyaa lo'o ngu' ji'i̱ cutsii, li' ná cacu ngu' tya'a tso'o cutsii; caca xñi'i̱ ti' ngu' li'. La cui' jua'a̱ chaa ti' tya'a tso'o na' juani, pana caca xñi'i̱ ti' ngu' nde loo la ―nacui̱ Jesús li'.

SAN MATEO 9:15

Li' nguxacui̱ Jesús cha' ji'i̱ ngu' bi': ―Lo'o caja clyo'o ngu' ni, ndacu ngu' nu ndya'a̱ lo'o cutsii; ná ndi'i̱ ngu' xñi'i̱ ti' ngu' tsa̱ bi' lo'o ndi'i̱ ngu' lo'o cutsii ―nacui̱ Jesús ji'i̱ ngu' li'―. Pana nu lo'o tyalaa tsa̱ li', nu lo'o tyaa lo'o ngu' ji'i̱ cutsii, li' ná cacu ngu' tya'a tso'o cutsii, cha' caca xñi'i̱ ti' ngu' li'. La cui' jua'a̱ chaa ti' tya'a tso'o na' juani, pana caca xñi'i̱ ti' ngu' re nde loo la.

SAN JUAN 13:33

Sñi' na' ―nacui̱ Jesús ji'i̱ ngu' bi' li'―, tya xi ca tsa̱ tya tyi'i̱ na' nde chalyuu lo'o ma̱. Ñi'ya̱ nu ni na' ji'i̱ ngu' judío tya tsubi', la cui' ti cha' ta na' lo'o ma̱ juani: Tsaana ma̱ jna', pana ná caja chacuayá' tsaa ma̱ ca su tsa'a̱ ―nacui̱ yu―.

SAN MARCOS 2:20

Pana nu lo'o tyalaa tsa̱ nu lo'o tyaa lo'o ngu' ji'i̱ cutsii, li' ná cacu ngu' tya'a tso'o cutsii, cha' caca xñi'i̱ ti' ngu' li'. La cui' jua'a̱ chaa ti' tya'a tso'o na' juani, pana caca xñi'i̱ ti' ngu' nde loo la.

SAN JUAN 12:35

Li' nguxtyacui Jesús cha' lo'o ngu': ―Tya xi ca tsa̱ tya tyi'i̱ na' slo cu'ma̱, na' nu ta̱ xee nu tyu'ú ne' cresiya ji'i̱ ñati̱ ―nacui̱ Jesús―. Bi' cha' juani yaa ma̱ su nga'a̱ cha' tsaa ma̱ lo'o tya xee ti, cha' ná cua'ni nu cuxi ngana ji'i̱ ma̱, nu cuxi nu nda talya chalyuu. Nu lo'o talya ña'a̱ su ndya'a̱ na, ná jlo ti' na ma nde ndya'a̱ na li'.

SAN LUCAS 13:35

Bi' cha' xñi'i̱ ti' tyanu quichi̱ tyi ma̱ juani. Nga'aa ña'a̱ ma̱ 'na ña'a̱ cuayá' nu tyalaa tyempo nu chcui' ma̱ cha' 'na: “Tso'o tsa ndyu'ni ycui' Ndyosi xqui'ya yu nu lijya̱ chacuayá' ji'i̱ ycui' nu Xu'na na”, ñacui̱ ma̱ li'.