SAN LUCAS 17:21 - Chatino Tataltepec

²¹ Ná caca ñacui̱ na ndi'ya̱: “Nde ti ndu̱ bi'”; masi ndi'ya̱ ná ñacui̱ na: “Ndejua ntucua bi'”. Na cua laca ycui' Ni loo ca ne' cresiya ji'i̱ ñati̱ juani.

SAN LUCAS 17:21 Referans Kwoze

SAN MATEO 12:28

Pana chacuayá' ji'i̱ Xtyi'i ycui' Ndyosi nclyo na' ji'i̱ cui'i̱ cuxi, bi' cha' taca ca cuayá' ti' ma̱ cha' cua nguxana cha' laca ycui' Ndyosi loo ne' cresiya ji'i̱ ñati̱.

ROMANOS 14:17

Nu lo'o laca ycui' Ndyosi loo ji'na ni, ná ndulo tsa cha' ji'na cuentya ji'i̱ sca na nu ndacu na, sca na nu co'o na; nu ndulo tsa ji'na laca cha' tya̱a̱ Xtyi'i ycui' Ndyosi tyanu ne' cresiya ji'na, cha' ca tso'o cresiya ji'na xqui'ya Jesús. Bi' cha' ti̱ ti taca tyi'i̱ tyiquee na chalyuu, taca ca chaa ti' na xqui'ya ycui' Ndyosi; lcaa cha' bi' caca nu lo'o laca Ni loo ji'na.

SAN MARCOS 13:21

’Ca nde loo la ndi'ya̱ chcui' nu ngu' cuiñi lo'o ma̱: “Ña'a̱ ma̱ ña'a̱, cua ndyalaa Cristo ca nde”, ñacui̱ ngu' cuiñi. Lo'o li': “Ña'a̱ ma̱ ña'a̱, cua ndyalaa Cristo quichi̱ jua”, ñacui̱ xa' la nu cuiñi li'. Ná taquiya' ma̱ ji'i̱ cha' nu chcui' ngu' bi'.

COLOSENSES 1:27

Sca cha' tlyu nu tso'o tsa laca cha' bi', sca cha' nu caja ji'i̱ lcaa lo ñati̱ chalyuu laca cha' ji'i̱ ycui' Ndyosi bi'; pana ná ngujui chacuayá' cha' caca cuayá' ti' ñati̱ ji'i̱ ycui' Ndyosi cha' bi' nu ngua cua sa'ni la. Ndi'ya̱ ndyu'u cha' bi', cha' nu bilya cuna ngu': Taca tyi'i̱ Cristo lo'o na nde chalyuu, masi juani ti; lo'o jua'a̱ tiya' la li' taca tyu'u cha' ji'na lo'o ycui' Ndyosi ca su tlyu su xee tsa ca su ntucua ycui' Ni.

SAN LUCAS 21:8

―Cui'ya ma̱ cuentya ―nacui̱ Jesús li'―, cha' ná tucui cñilo'o ji'i̱ ma̱. Quiña'a̱ tsa ngu' ca̱a̱ ngu' nu ñacui̱ cha' Cristo laca ycui' ca ngu': “Juani ndyalaa tyempo bi'”, ñacui̱ ngu' bi'. Pana ná xñi ma̱ cha' ji'i̱ ngu' bi'.

SAN LUCAS 17:23

Chcui' ngu' lo'o ma̱ cha' jna' li': “Nde ti ndu̱ yu”; lo'o jua'a̱ chcui' ngu': “Ndacua ndu̱ ycui' yu”. Pana ná tsaa ma̱, ná taquiya' ma̱ ji'i̱ cha' cuiñi nu nchcui' ngu' bi' ―nacui̱ Jesús ji'i̱ ngu'―.

SAN JUAN 1:26

―Lo'o hitya ti ntyucuatya na' ji'i̱ ngu' ―nacui̱ Juan―. Pana ndu̱ chaca ñati̱ slo cu'ma̱ juani, masi ná nslo ma̱ ji'i̱ yu bi'. Tiya' la ya̱a̱ nu ndu̱ bi' nde chalyuu, na' ngula̱ yala la; pana tlyu la cha' nu ntsu'u ji'i̱ ycui', sube la cha' jna' ―nacui̱ Juan ji'i̱ ngu'―.

SAN JUAN 18:36

―Si laca na' sca rey jua'a̱ ―nacui̱ Jesús―, li' cua nxu̱u̱ tya'a ngu' tya'a ndya'a̱ na' lo'o ngu' judío jua cha' ná xñi ngu' 'na ―nacui̱―. Pana si'i ñati̱ chalyuu laca nu cua ngusta 'na cha' caca na' loo ji'i̱ ngu'.