SAN LUCAS 17:14 - Chatino Tataltepec

¹⁴ Nu lo'o na'a̱ Jesús ji'i̱ ngu', li' nacui̱ yu: ―Yaa clya ma̱ slo sti jo'ó cha' ña'a̱ yu ji'i̱ tyucui ña'a̱ ma̱ ―nacui̱. Ndu'u ngu' ndyaa ngu' li'. Pana su ndyaa ngu' tyucui̱i̱ ti, ngua tii ngu' cha' xa' ngua lubii cuaña' ngu'; ndye cha' quicha ngu' li'.

SAN LUCAS 17:14 Referans Kwoze

SAN LUCAS 5:14

Lo'o li' nacui̱ Jesús ji'i̱ yu, cha' ná cacha' yu ji'i̱ ñati̱ ñi'ya̱ ngua ji'i̱ yu. Ndi'ya̱ nchcui' lo'o yu: ―Yaa clya nu'u̱ chcui' lo'o sti jo'ó nu ndi'i̱ ne' laa ―nacui̱ Jesús ji'i̱ nu quicha bi'―. Cajua ta nu'u̱ msta̱ nu nacui̱ jyo'o Moisés cha' ta na ji'i̱ ycui' Ndyosi lo'o ndyaca tso'o na ji'i̱ quicha nu ntsu'u ji'na. Jua'a̱ ca cuayá' ti' ñati̱ lo'o ycui' sti jo'ó cha' cua ngua lubii tyucui ña'a̱ nu'u̱. Nga'aa ca quicha nu'u̱ juani.

SAN MATEO 3:15

Li' nchcui' Jesús lo'o yu: ―Tso'o tyucuatya nu'u̱ jna' juani ―nacui̱ Jesús ji'i̱ Juan―, cha' jua'a̱ tso'o si cua'ni na lcaa cña nu nti' ycui' Ndyosi cha' cua'ni na. Lo'o ndyuna Juan cha' nu nchcui' Jesús lo'o, ntyucuatya yu ji'i̱ Jesús li'.

SAN JUAN 11:10

Lo'o tyu'u ta'a̱ na talya, li' tyacua sca na nga'a̱ tyucui̱i̱ quiya' na, cha' ná tyaca̱' xee ña'a̱ na ji'i̱ li'.

SAN JUAN 9:7

Li' nacui̱ Jesús ji'i̱: ―Yaa nu'u̱, caata chcu nde tojo'o Siloé ―tojo'o bi' naa Siloé cha'cña ji'i̱ ngu', ñi'ya̱ nti' si ñacui̱ na cha'cña ji'na: tojo'o “su nacui̱ ji'i̱ ngu' cha' tsaa ngu'”. Bi' cha' ndyaa nu quicha bi' ndyaata tojo'o bi' li'. Lo'o ñaa li', cua ndyaca tso'o cloo.

SAN JUAN 2:5

Masi jua'a̱ nchcui' yu, ndi'ya̱ nchcui' xtya'a̱ yu lo'o msu li': ―Cua'ni ma̱ ñi'ya̱ nu ñacui̱ yu cha' cua'ni ma̱ ―nacui̱.