SAN LUCAS 17:1 - Chatino Tataltepec

¹ Chaca quiya' nchcui' Jesús lo'o nu ngu' nu ndyaca tsa'a̱ ji'i̱: ―Ntsu'u tsa ngu' nu nchcui' lo'o na cha' cua'ni na sca cha' cuxi, pana tya'na tsa sca ñati̱ nu ndatsaa ji'i̱ tya'a cha' cua'ni cha' cuxi lo'o.

SAN LUCAS 17:1 Referans Kwoze

SAN MATEO 18:7

¡Tya'na tsa ñati̱ chalyuu re! Ntsu'u tsa cha' cuxi nu ndu'ni ñu'u̱ ji'i̱ tyiquee ñati̱. Lcaa hora ntsu'u cha' cuxi jua'a̱ nde chalyuu, pana tlyu tsa cha' caca ji'i̱ ñati̱ nu ndatsaa ji'i̱ tya'a cha' cua'ni ngu' cha' cuxi; tlyu tsa cha' ti'í tyacua ji'i̱ ñati̱ bi' nde loo la.

1 CORINTIOS 8:13

Lo'o jua'a̱ na', tso'o la masi ná cacu na' cuaña' nu cua nscua slo jo'ó, cha' jua'a̱ ná cua'ni ngu' tya'a na' cha' cuxi xqui'ya na' li'. Ná nti' na' cha' tyu'utsu' ngu' tya'a na' ji'i̱ tyucui̱i̱ liñi.

ROMANOS 14:13

Nga'aa chcui' cuxi ma̱ ji'i̱ cña nu ndyu'ni scaa ngu' tya'a ngusñi ma̱ cha' ji'i̱ Jesús lacua. Ndi'ya̱ cua'ni ma̱ juani: nga'aa ta ma̱ tyempo ji'i̱ ngu' tya'a ma̱ cha' cua'ni ngu' cha' cuxi xqui'ya cu'ma̱.

1 CORINTIOS 11:19

Si jua'a̱ ná stu'ba ntsu'u cha' ji'i̱ ma̱ lo'o tya'a ma̱, chañi tiya' la li' taca ca cuayá' ti' na tilaca nu chañi ca ndaquiya' cha' ji'i̱ Jesús.

ROMANOS 16:17

Cu'ma̱ tya'a ntsu'u cha' ji'na lo'o Cristo, lye chcui' na' lo'o ma̱ juani, cha' tii ti ti' tyi'i̱ ma̱ xi, cha' ná tyu'u tucua ñati̱ nu ta cha' cusu̱u̱ ji'i̱ ma̱ lo'o tya'a ma̱, cha' ná tacu̱' loo ngu' bi' cha' liñi ji'i̱ Cristo nu cua ndyuna ma̱. Ná xñi ma̱ cha' ji'i̱ ngu' bi',

SAN MATEO 16:23

Hora ti nguxtyacui Jesús, na'a̱ ji'i̱ nu Pedro bi'. ―Tyu'utsu' nu'u̱ Satanás, cha' nga'aa cua'a nu'u̱ 'na ―nacui̱ Jesús ji'i̱ Pedro―. Si'i ñi'ya̱ nu nclacua ti' ycui' Ndyosi nclyacua ti' nu'u̱ juani; ñi'ya̱ nu nclacua ti' ñati̱ chalyuu ti, jua'a̱ nclyacua ti' nu'u̱ juani.

1 CORINTIOS 10:32

Ná ta ma̱ chacuayá' tyu'utsu' ni tsaca ngu' ji'i̱ tyucui̱i̱ liñi ji'i̱ Cristo; ni ngu' judío, ni ngu' xa' tsu' nu si'i ngu' judío laca, ni tsaca ñati̱ tya'a ngusñi ma̱ cha' ji'i̱ ycui' Ndyosi, ná tso'o tsiya' ti si tyú ngu' ya' nu xña'a̱.

APOCALIPSIS 2:14

Pana tya ntsu'u xi qui'ya nu sta na' hichu̱' ma̱, nacui̱ Jesús, cha' tya ntsu'u xi ngu' tya'a ndyu'u ti'i̱ ma̱ ca quichi̱ Pérgamo bi', nu ná nti' xtyanu ji'i̱ cha' cuxi, la cui' cha' cuxi nu ngulu'u jyo'o Balaam ji'i̱ ñati̱ nu ngua sa'ni. Cua nchcui' jyo'o bi' lo'o jyo'o Balac nu ngua li', cha' culu'u yu cha' cuxi bi' ji'i̱ ngu' Israel, cha' cacu ngu' msta̱ nu nscua slo lcui̱ jo'ó ji'i̱ xa' ñati̱ nu ná ndaquiya' ji'i̱ ycui' Ndyosi tsiya' ti, lo'o jua'a̱ cha' cua'ni ngu' cha' suba' lo'o xa' nu cuna'a̱.

APOCALIPSIS 2:20

Pana nde qui'ya nu ntsu'u cha' sta na' hichu̱' ma̱, nacui̱ Ni, laca cha' tya nda ma̱ chacuayá' ji'i̱ nu cuna'a̱ Jezabel bi', cha' culu'u cha' cuxi ji'i̱ ngu' tya'a ma̱. Ycui' ma' nacui̱ ma' cha' laca ma' tu'ba ji'i̱ ycui' Ndyosi, pana ndatsaa tsa ma' bi' ji'i̱ ñati̱ nu ntsu'u cuentya jna'; nclu'u qui'i̱ ji'i̱ ngu' cha' cua'ni ngu' cha' suba' lo'o xa' cuna'a̱, jua'a̱ nclu'u ma' ji'i̱ ngu' cha' cacu ngu' msta̱ nu nscua slo lcui̱ jo'ó ji'i̱ ngu', nacui̱ Ni.

SAN LUCAS 16:31

Xa' nchcui' jyo'o Abraham lo'o nu culiya' bi' li': “Lo'o ná nti' ngu' taquiya' ngu' ji'i̱ cha' nu nguscua Moisés, lo'o jua'a̱ ná taquiya' ngu' ji'i̱ jyo'o cusu' nu ngua'a̱ loo ycui' Ndyosi cña ji'i̱ cha' chcui' lo'o ñati̱, la cui' jua'a̱ ná taquiya' ngu' ji'i̱ xa' la cha' nu ta Ni lo'o ngu', masi tyu'ú sca nu cua ngujuii chaca quiya' cha' chcui' lo'o ngu'”.

1 TIMOTEO 4:1

Xqui'ya Xtyi'i ycui' Ndyosi nchca cuayá' ti' na ñi'ya̱ caca tyempo nde loo la, cha' ntsu'u ñati̱ nu cua ngusñi tyucui̱i̱ ji'i̱ Jesucristo nquicha', lo'o li' tyu'utsu' ngu' bi' tyucui̱i̱ ji'i̱ ycui' nu Xu'na na. Xtyanu ñati̱ bi' ji'i̱ Ni li', cha' cñilo'o cui'i̱ cuxi nu ndu'ni cña cuentya ji'i̱ nu xña'a̱ ji'i̱ ngu'; tyiji̱loo cui'i̱ cuxi bi' ji'i̱ ngu' bi' li'.