―¿Ha chañi cha' nti' nu'u̱ cha' ca lubii cresiya ji'nu'u̱, cha' caja chalyuu nu ná nga'a̱ cha' tye jinu'u̱? ―nacui̱ Jesús ji'i̱ yu bi'―. Si chañi cha' nu nchcui' nu'u̱, yaa clya cujui' nu'u̱ lcaa cha' tso'o nu ntsu'u jinu'u̱; tyu'u cñi cha' ta nu'u̱ ji'i̱ ngu' ti'i li'. Lo'o li' sta ycui' Ndyosi sca cha' tso'o nu tyacua jinu'u̱ ca su ntucua ycui' Ni. Lo'o cua ngua'ni nu'u̱ cha' bi', li' ca̱a̱ nu'u̱ slo na' cha' tya'a̱ nu'u̱ lo'o na'.
SAN LUCAS 16:9 - Chatino Tataltepec9 ’Ndi'ya̱ chcui' na' lo'o ma̱ lacua: Tso'o ti cua'ni ma̱ lo'o lcaa cha' tso'o nu ntsu'u ji'i̱ ma̱ nde chalyuu; xtyucua ma̱ ji'i̱ xa' ñati̱ lo'o cha' tso'o nu ntsu'u ji'i̱ ma̱ ña'a̱ cuayá' tye chalyuu ji'i̱ ma̱, cha' jua'a̱ caja tya'a tso'o ma̱ nde chalyuu. Lo'o li' ta ycui' Ndyosi su tyi'i̱ ma̱ slo Ni, su ná nga'a̱ cha' tye chalyuu ji'i̱ ma̱ li'. Gade chapit la |
SAN LUCAS 16:9
28 Referans Kwoze
’Ni sca ñati̱ ná taca ji'i̱ ngu' cua'ni ngu' cña ji'i̱ tucua tya'a xu'na ngu' sca tyempo ti. Ná taca taquiya' ma̱ ji'i̱ ycui' Ndyosi la cui' tyempo lo'o lye tsa ndya'a̱ cha' tyiquee ma̱ cha' ji'i̱ cñi. Si jua'a̱ ni, cua ntsu'u tucua tya'a xu'na ma̱ li'. Ná tyiquee' li' ca ti'í ti' ma̱ ji'i̱ tsaca xu'na bi', lo'o jua'a̱ ca tiji̱' ti' ma̱ ji'i̱ chaca xu'na bi'. La cui' jua'a̱ taquiya' tso'o ma̱ ji'i̱ xu'na clyo bi', lo'o jua'a̱ cñilo'o ti ma̱ ji'i̱ chaca bi' li'.
Li' tso'o tsa tyi'i̱ ma̱ chalyuu si jua'a̱ cua'ni ma̱, cha' nu ngu' quicha bi' ni, ná caja ñi'ya̱ nu tya ngu' cha' tso'o ji'i̱ ma̱. Pana tiya' la caja cha' tso'o ji'i̱ ma̱, nu lo'o tyu'ú ma̱ chaca quiya' lo'o lcaa ngu' jyo'o nu ngua tso'o cresiya ji'i̱ ngu' cuentya ji'i̱ ycui' Ndyosi lo'o tya nguti'i̱ ngu' chalyuu.
’Sca msu ni, ná caca cua'ni yu cña ji'i̱ tucua tya'a xu'na yu sca tyempo ti; ji'i̱ sca ti xu'na yu taca cua'ni yu cña. Ná tyiquee' ti'í ti' yu ña'a̱ yu ji'i̱ tsaca ñati̱ li', cuati ji'i̱ chaca ñati̱ bi' tso'o ntsu'u tyiquee yu ña'a̱ yu ji'i̱; hasta tso'o la cua'ni yu cña ji'i̱ ñati̱ bi', pana ji'i̱ tsaca ñati̱ bi', lasa la cua'ni yu cña ji'i̱. Ná caca xñi na cha' ji'i̱ ycui' Ndyosi nu Xu'na na si ntsu'u tsa tyiquee na ña'a̱ na ji'i̱ cñi, cha' ñi'ya̱ si laca chaca xu'na na, jua'a̱ laca cñi bi' li'.
’Lo'o chaca cha' ni: ná xco'o ma̱ quiña'a̱ tsa cha' tso'o cuentya ji'i̱ ycui' ti ma̱ laja lo'o ndi'i̱ ma̱ chalyuu re. Yala ti quiñu'u̱ cha' tso'o bi' jua'a̱ ti; ntsu'u quiya' cacu tiña' ji'i̱, cacu cuixu̱' ji'i̱, cua'ni ñu'u̱ ji'i̱ li'. La cui' jua'a̱ cuaana ngu' ji'i̱ cha' tso'o nu ntsu'u ji'i̱ ma̱, nguna' cha' bi' ji'i̱ ma̱ li'.
Bi' cha' lacua, cua'a ma̱ ji'i̱ ycui' ca ma̱; cui'ya ma̱ cuentya ñi'ya̱ nu cua'ni ma̱ nde chalyuu, cha' jlo ti' ma̱ cha' ntsu'u tsa tyiquee ycui' Ndyosi ña'a̱ Ni ji'i̱ ma̱. Jatya ma̱ ni jacua' tyalaa tsa̱ lo'o ta ycui' Jesucristo nu Xu'na na chalyuu nu ná nga'a̱ cha' tye tsiya' ti ji'na, cha' tya'na tsa ti' Ni ña'a̱ Ni ji'na.
Ndyutsi̱i̱ tsa Cornelio lo'o na'a̱ yu ji'i̱ xca̱ bi' li'. ―Xu'na ―nacui̱ yu―, ¿ñi'ya̱ cha' laca nti' nu'u̱ jna'? ―Cua ndyuna ycui' Ndyosi cha' nu cua nchcui' nu'u̱ lo'o Ni ―nacui̱ xca̱ bi'―. Lo'o jua'a̱ cua na'a̱ Ni cha' tso'o tsa ndu'ni nu'u̱ lo'o ngu' ti'i, bi' cha' cua ndyi'u ti' ycui' Ndyosi jinu'u̱.
Piblisite