SAN LUCAS 16:21 - Chatino Tataltepec

²¹ Cua nti' yu ti'i bi' masi cacu yu satya na nu ndyalú to' mesa su ndyacu nu culiya' bi' li'. Lo'o jua'a̱ ndya'a̱ xne' su nga'a̱ yu cha' nclye'e loo quichu' nu ntsu'u hichu̱' yu ti'i bi'.

SAN LUCAS 16:21 Referans Kwoze

SAN MATEO 15:27

―Chañi cha' nu nchcui' nu'u̱, Xu'na ―nacui̱ nu cuna'a̱ bi'―, pana tya ntsu'u chacuayá' ji'i̱ xne' cha' cacu ni' satya ti nu ndyalú to' mesa laja lo'o ndyacu xu'na ni'.

2 CORINTIOS 11:27

Tucui tsa cña nu ndyacua 'na, ti'í tsa cña ndyacua 'na ca su ndya'a̱ na', ña'a̱ cuaya' tyu̱u̱ tsa quiya' ná ngua caja' na'; ntsu'u quiya' ntyute' na', jua'a̱ ntsu'u quiya' nguityi na' hitya, lo'o jua'a̱ ntsu'u tsa̱ nu ná ngujui tsiya' ti na cacu na', ntsu'u tsa̱ lo'o lye tsa nchca tlya' na', la cui' jua'a̱ ná ngujui late' cacu' na'. Lcaa cha' bi' ndyacua 'na ca su ndya'a̱ na'.

1 CORINTIOS 4:11

Masi la cui' tyempo juani ti ntsu'u quiya' lo'o ná ndyiji na cacu ya, ná ndyiji na co'o ya, masi late' cusu̱ lacu' ya ntsu'u quiya'; ntyiji'i̱ ngu' ji'i̱ ya, ni ná ntsu'u tyi cua, xcui' na ndya'a̱ yu'u ti ya.

SAN JUAN 6:12

Lo'o cua ndye ndyacu ngu', li' nchcui' Jesús lo'o nu ngu' nu ndyaca tsa'a̱ ji'i̱ chaca quiya': ―Xuti'i̱ ma̱ lcaa yu'be nu ndyanu su ndyacu ngu' jua cha' ná chcuna' bi' ―nacui̱ yu.

SAN MARCOS 7:28

―Chañi cha' jinu'u̱ ―nacui̱ nu cuna'a̱―, pana ntsu'u chacuayá' cacu xne' satya nu ndyalú ne' mesa laja lo'o ndyacu nu sube ―nacui̱ ji'i̱ Jesús.

SAN LUCAS 16:20

Pana ntsu'u sca ñati̱ ti'i nu naa Lázaro, nu xcui' quichu' ntucua tyucui ña'a̱ yu. Toni'i̱ ti ji'i̱ nu culiya' bi' nchca'a̱ Lázaro lcaa tsa̱.

SAN LUCAS 16:22

Ndyalaa tsa̱ nu ngujuii nu ti'i bi'; lo'o nu xca̱ ji'i̱ ycui' Ndyosi ni, ndyaa lo'o ngu' ji'i̱ ca slo jyo'o cusu' Abraham, ca su tlyu nu ngua'ni cho'o ycui' Ndyosi. Lo'o jua'a̱ ngujuii nu culiya' bi', nguxatsi' ngu' ji'i̱ li'.