SAN LUCAS 16:10 - Chatino Tataltepec

¹⁰ ’Ñati̱ nu tso'o tsa ngua'ni lyiji sca cña piti ti, jua'a̱ tso'o tsa cua'ni ngu' bi', masi sca cña nu cua tlyu la; pana ñati̱ nu ñilo'o ji'i̱ xu'na ngu' lo'o cua'ni ngu' sca cña piti ti, ná tyiquee' ná caca cua'ni ngu' bi' sca cña nu cua tlyu la.

SAN LUCAS 16:10 Referans Kwoze

SAN MATEO 25:21

“Tso'o tsa cña nu ngua'ni nu'u̱”, nacui̱ xu'na msu bi' ji'i̱. “Sca msu tso'o laca nu'u̱, cha' tso'o tsa ndaquiya' nu'u̱ ji'i̱ cha' 'na. Sca cña sube ti nda na' jinu'u̱ tsubi', pana ta na' cña nu cua tlyu la jinu'u̱, cha' cua'ni nu'u̱ nde loo la. Stu'ba ti tyi'i̱ nu'u̱ slo na', cha' stu'ba ti ca tso'o tyiquee nu'u̱ lo'o na'”, nacui̱ xu'na bi' li'.

SAN LUCAS 19:17

Li' nguxacui̱ rey cha' ji'i̱ msu bi': “Tso'o tsa lacua. Sca msu tso'o laca nu'u̱. Liñi tsa ngua'ni nu'u̱, masi lo'o sca cña xti ti; bi' cha' ta na' chacuayá' cha' caca nu'u̱ loo ji'i̱ tii tya'a quichi̱ cuentya jna'.”

SAN MATEO 25:23

“Tso'o tsa cña nu ngua'ni nu'u̱”, nacui̱ xu'na msu bi' ji'i̱ yu. “Sca cña sube ti nda na' jinu'u̱ tsubi', pana ta na' chaca cña nu cua tlyu la jinu'u̱, cha' cua'ni nu'u̱ nde loo la. Stu'ba ti tyi'i̱ nu'u̱ slo na', cha' stu'ba ti ca tso'o tyiquee nu'u̱ lo'o na'”, nacui̱ xu'na yu li'.

HEBREOS 3:2

Ndaquiya' Jesús lcaa cña nu ngulo ycui' Ndyosi Sti yu ji'i̱ yu, ndyi'u ti' yu ji'i̱ ycui' Ni nu nguane ji'i̱ yu cha' ca̱a̱ yu nde chalyuu tya clyo. La cui' jua'a̱ ndaquiya' jyo'o Moisés ji'i̱ cña nu ngulo ycui' Ndyosi ji'i̱ nu ngua sa'ni bi'.

SAN JUAN 12:6

Cha' cuaana Judas, bi' cha' nacui̱ jua'a̱, si'i cha' tya'na ti' ji'i̱ ngu' ti'i. Ycui' ca Judas laca loo ji'i̱ cuiji̱ su ntsu'u cñi ji'i̱ ngu' tya'a ndya'a̱ lo'o Jesús, pana na ntyucuaana Judas cñi nu ntsu'u ji'i̱ lcaa ngu' bi'.

SAN JUAN 13:27

Lo'o ngusñi Judas ji'i̱ tyaja bi', la cui' hora bi' ndyatí̱ ycui' nu xña'a̱ nu naa Satanás, ndyaa ne' cresiya ji'i̱ nu Judas bi'. Li' nacui̱ Jesús ji'i̱: ―Yaa clya nu'u̱ lquichi̱ cua hi̱.

SAN JUAN 13:2

Laja li' cua ngua'ni nu xña'a̱ cha' ngua'ya cha' hique Judas sñi' Simón Iscariote cha' cujui' cresiya ji'i̱ Jesús ji'i̱ ngu' cuxi.

SAN MATEO 24:45

’¿Ha ntsu'u ngu' cu'ma̱ nu tyucui tyiquee ma̱ ntaja'a̱ ma̱ cua'ni ma̱ cña 'na? Ndi'ya̱ cua'ni ma̱ lacua: Sca msu nu tso'o ni, ta xu'na yu cña ji'i̱ yu cha' caca yu loo ne' ni'i̱ ji'i̱ xu'na yu; culo xu'na yu cña ji'i̱ yu cha' xacu yu ji'i̱ lcaa ngu' nu ndi'i̱ ni'i̱ bi'.