SAN LUCAS 15:8 - Chatino Tataltepec

⁸ Nda Jesús chaca cui̱i̱ lo'o ngu' li': ―¿Ñi'ya̱ cua'ni sca nu cuna'a̱ nu ntsu'u tii tya'a cñi plata ji'i̱? Si nguna' sca cñi plata bi' ji'i̱, ¿ñi'ya̱ cua'ni li'? Nti' na' cha' cua'a̱ ma' xi quii' cha' culaja tso'o ni'i̱ bi', ña'a̱ cuayá' nu quije cñi bi' ji'i̱.

SAN LUCAS 15:8 Referans Kwoze

SAN LUCAS 19:10

Cua nda Ni 'na lijya̱a̱ cha' caca na' ñati̱ cha' clyana na' ji'i̱ ñati̱ nu nguna' chalyuu ji'i̱ xqui'ya nu cuxi, lo'o jua'a̱ cua'ni lyaá na' ji'i̱ ngu' bi'.

SAN JUAN 10:16

Tya ntsu'u la xa' ñati̱ 'na nu ndi'i̱ xa' quichi̱, nu ná stu'ba nga'a̱ lo'o taju ñati̱ re; nga'a̱ cha' tsa'a na' tsaqui'ya na' ji'i̱ ngu' bi', cha' lo'o ngu' bi' tya̱a̱ ngu' ca ne' lo'o re. Lo'o li' cuna ngu' cha' nu chcui' na' lo'o ngu'; caca ngu' sca ti taju ñati̱ 'na, lo'o jua'a̱ caca na' nu sca ti Xu'na ngu' ―nacui̱ Jesús―.

SAN JUAN 11:52

masi cajaa Jesús cuentya ji'i̱ lcaa ñati̱ lcua ti ña'a̱ chalyuu, cha' stu'ba ti caca tyiquee lcaa ñati̱ nu jlya ti' ji'i̱ ycui' Ndyosi, ngu' nu cua ngusubi ycui' Ndyosi ji'i̱ cha' caca ngu' sñi' Ni.

EFESIOS 2:17

Cua ñaa Cristo ni, nda yu sca cui̱i̱ nu tso'o tsa lo'o ngu' tya'a na, cha' ti̱ ti tyi'i̱ na lo'o ycui' Ndyosi, jua'a̱ lo'o tya'a ñati̱ na; cua nchcui' Cristo lo'o cu'ma̱ ngu' nu ndi'i̱ tyijyu', lo'o jua'a̱ cua nchcui' yu lo'o ngu' judío tya'a na' nu ndi'i̱ cacua ti.

SAN MATEO 5:15

Lo'o jua'a̱ si cua'a̱ ngu' sca quii' quityee, ná su'ba cuatsi' ngu' ji'i̱ bi' ne' caju̱ li'; cua̱ sta ngu' quityee cha' clyane xee tyucui ña'a̱ ni'i̱ bi'.

SAN LUCAS 15:7

Ndi'ya̱ ñacui̱ na' ji'i̱ ma̱: ca chaa tsa ti' ycui' Ndyosi lo'o ñati̱ ji'i̱ Ni ca su ntucua ycui' Ni ―nacui̱ Jesús ji'i̱ ngu' fariseo li'―, ca chaa ti' ngu' bi' masi sca ti ñati̱ chalyuu ca tyuju'u ti' ji'i̱ cha' cuxi nu ntsu'u ji'i̱, culochu̱' yu ji'i̱ cha' cuxi bi' li'. Ná ntsu'u cha' culacua ti' Ni cuentya ji'i̱ nu jacuayala tyii ntucua caa tya'a ñati̱ tso'o nu ná ntsu'u cha' cuxi ji'i̱ ngu', nti' ngu'.

SAN LUCAS 15:9

Lo'o cua nquije cñi bi' ji'i̱, li' xuti'i̱ nu cuna'a̱ bi' ji'i̱ lcaa tya'a tso'o lo'o ji'i̱ lcaa tya'a nga'a̱ cacua ti, cha' cacha' ji'i̱ ngu' ndi'ya̱: “Ca chaa ti' ma̱ lo'o na' juani, cha' cua nquije cñi nu nguna' bi' jna'”.

LOS HECHOS 19:19

jua'a̱ ngu' nu ngua'ni cucha'a̱, ya̱a̱ lo'o ngu' ji'i̱ quityi cuxi bi' ji'i̱ ngu', ndaqui̱ ngu' quityi cucha'a̱ bi' li'. Ngulacua ngu' ni tsa lo nga'a̱ quityi nu ndaqui̱ ngu' bi'; tu'ba tyi mil cñi plata, tsa lo cua ntsu'u lo quityi nu ndaqui̱ ngu' bi' li'.