SAN LUCAS 13:34 - Chatino Tataltepec

³⁴ ’Tya'na tsa cu'ma̱ ngu' Jerusalén, cha' tucui tsa cha' nu ntsu'u ji'i̱ ma̱. Tya sa'ni ndujuii ma̱ ji'i̱ ngu' nu laca tu'ba ji'i̱ ycui' Ndyosi, ngujui'i̱ ma̱ quee ji'i̱ ñati̱ nu ngua'a̱ lo Ni cña ji'i̱. Tyu̱u̱ tsa quiya' ngua ti' na' cha' cua'ni tyaca'a na' ji'i̱ ma̱, cha' ná ca cuxi ji'i̱ ma̱; ñi'ya̱ nti' sca su'u̱ nu nxuti'i̱ ji'i̱ sñi' ne' lu'be ni', jua'a̱ nti' na' cua'ni na' lo'o ma̱, pana ná nda ma̱ chacuayá' 'na tsiya' ti.

SAN LUCAS 13:34 Referans Kwoze

LOS HECHOS 7:52

Cua nguxcube' jyo'o cusu' ji'na ji'i̱ lcaa jyo'o cusu' nu ngua tu'ba ji'i̱ ycui' Ndyosi cha' nchcui' Ni lo'o ñati̱ cua sa'ni. Cua ndyujuii ngu' bi' ji'i̱ jyo'o cusu' nu nguscua cha' ji'i̱ ycui' Ndyosi ndi'ya̱: “Tyalaa sca ñati̱ nde chalyuu re; xcui' lubii tsa cresiya ji'i̱ yu bi' caca”, nacui̱ jyo'o cusu' bi'. Lo'o jua'a̱ tsubi' ti cua ndyalaa la cui' ñati̱ nu nchcui' quityi cha' ji'i̱. Chiya'a̱ tsa ngua'ni ma̱ nu lo'o ndyujuii ma̱ ji'i̱ yu.

SAN LUCAS 23:28

Li' nguxña'a̱ Jesús su ndu̱ ngu' cuna'a̱ bi', cha' chcui' lo'o ngu': ―Cu'ma̱ ngu' cuna'a̱ Jerusalén re, ná xi'ya ma̱ xqui'ya na' ―nacui̱ Jesús ji'i̱ ngu'―. Tso'o la xi'ya ma̱ xqui'ya ycui' ca ti ma̱, cuati xqui'ya sñi' ma̱.

SAN LUCAS 19:44

Cuityi̱ ngu' quichi̱ tyi ma̱, ña'a̱ lo yuu ti, cujuii ngu' ji'i̱ tya'a ndi'i̱ ma̱; ná xtyanu ngu' ni sca quee nscua chu̱' tya'a quichi̱ tyi ma̱, xqui'ya cha' ná ndyuloo ma̱ jna' hora juani lo'o ñaa na' nu laca na' Sñi' ycui' Ndyosi ca su ndi'i̱ ma̱.

SAN MATEO 22:6

Lo'o jua'a̱ xi xa' la ñati̱ bi' ni, ndaya' ngu' ji'i̱ msu bi', nxtyí lo'o ngu' ji'i̱ msu bi'; cuati jua'a̱ ntsu'u su ngujui'i̱ ngu' ji'i̱ msu bi' ña'a̱ cuayá' nu ndyujuii ngu' ji'i̱.

SAN MATEO 22:3

Ngulo cña ji'i̱ msu ji'i̱ cha' tsaa ngu', tsaa chcui' ngu' lo'o lcaa ñati̱ nu ntsu'u cha' ji'i̱ lo'o rey, cha' cua ndyalaa tsa̱ nu caca ta'a bi'; pana ná ntaja'a̱ ñati̱ bi' ca̱a̱ ngu' slo rey nu ngua tsa̱ ta'a bi'.

APOCALIPSIS 11:8

Li' tyanu tyucuaa jyo'o bi' ca su ntsiya ngujuii to' calle quichi̱ tlyu bi', la cui' quichi̱ su ngujui'i̱ ca'a̱ ngu' ji'i̱ ycui' nu Xu'na na lo crusi. Xña'a̱ tsa ngu' quichi̱ bi', bi' cha' ntsu'u sca cha' nu nchcui' ñati̱ ji'i̱, cha' ñi'ya̱ ngua ngu' quichi̱ Sodoma cua sa'ni, la cui' ñi'ya̱ ngua ngu' quichi̱ Egipto cua sa'ni, jua'a̱ laca ngu' quichi̱ tlyu bi' juani.

LOS HECHOS 8:1

Tso'o tsa ngua ti' nu Saulo bi', cha' cua ndyujuii ngu' ji'i̱ Esteban. La cui' tsa̱ bi' nguxana yu, ti'í tsa nchcube' yu ji'i̱ ngu' nu ntsu'u cha' ji'i̱ lo'o Jesucristo ca quichi̱ Jerusalén. Lya' tsa ti' yu ji'i̱ ngu' bi'; bi' cha' ngusñi ngu' tyucui̱i̱, ndyaa ngu' xa' la quichi̱ nde loyuu su cuentya Judea, lo'o jua'a̱ loyuu su cuentya Samaria. Pana nu tii tyucuaa tya'a ngu' nu ngua tsa'a̱ ji'i̱ Jesucristo tya clyo ni, ndyanu ngu' bi' nde Jerusalén.

LOS HECHOS 7:59

Laja lo'o ngu̱ ngu' quee ji'i̱ nu Esteban bi', nchcui' yu lo'o Jesús: ―Jesús Xu'na na' ―nacui̱ Esteban―, cua'ni nu'u̱ cha' tso'o qui'ya nu'u̱ cresiya jna'.

SAN LUCAS 15:28

Ngunasi̱' tsa sñi' nu cua cusu' la bi' li'. Lo'o na'a̱ sti yu cha' ná ntaja'a̱ yu tya̱a̱ yu ca toni'i̱, li' ndyaa sti yu cha' chcui' lo'o yu.