SAN LUCAS 13:27 - Chatino Tataltepec

²⁷ Chaca quiya' chcui' yu lo'o ma̱ li': “Ná jlo ti' na' tsiya' ti, ti ñati̱ laca cu'ma̱. Tyaa clya ma̱ tso'o la; nga'aa nti' na' ña'a̱ na' ji'i̱ ma̱, cha' ñati̱ cuxi laca ma̱.”

SAN LUCAS 13:27 Referans Kwoze

SAN MATEO 25:41

’Lo'o li' chcui' na' lo'o taju ñati̱ nu ndi'i̱ la'a tsu' coca 'na: “Tyu'u ma̱ liya', cu'ma̱ nu ná ntsu'u su tyi'i̱ ma̱ slo ycui' Ndyosi. Yaa clya ma̱ ca su ná tye tsiya' ti cha' ndyaqui̱ quii', cha' stu'ba ti tyi'i̱ ma̱ lo'o nu laca xu'na cuiñaja lo'o lcaa xca̱ ji'i̱, lcaa cui'i̱ cuxi; cuentya ji'i̱ nu cuiñaja bi' nguxtyu'u ycui' Ni quii' bi'.

SAN LUCAS 13:25

Li' tyatu̱ xu'na ni'i̱ bi', cha' tacu̱' yu toni'i̱ bi'. Lo'o tyalaa cu'ma̱, li' xana ma̱ cujui'i̱ ya' ma̱ toni'i̱ bi', chcui' ma̱ lo'o: “Xaala ma̱ toni'i̱, cusu'”. Li' ñacui̱ yu ji'i̱ ma̱: “Ná jlo ti' na' ti ñati̱ laca cu'ma̱”.

2 TIMOTEO 2:19

Liñi tsa laca cha' nu nchcui' ycui' Ndyosi; cua'ni Ni cha' ná xtyanu na cha' bi', si jlya ti' na cha' nu nchcui' ycui' Ndyosi ndi'ya̱: “Cua nslo ycui' nu Xu'na na tilaca laca ñati̱ ji'i̱ Ni”. Lo'o chaca cha' nchcui' ndi'ya̱: “Cua ña'a̱ ca ñati̱ nu ntsu'u cha' ji'i̱ lo'o Cristo ni, ntsu'u cha' xtyanu ngu' bi' lcaa cha' cuxi”. Jua'a̱ nacui̱ quityi ji'i̱ ycui' Ndyosi.

GÁLATAS 4:9

Lo'o juani cua nslo ma̱ ji'i̱ ycui' Ndyosi; hasta tso'o la ñacui̱ na, cua ndyuloo ycui' Ni ji'i̱ ma̱. ¿Ni cha' laca nti' ma̱ tya'a̱chu̱' ma̱ ji'i̱ cha' ji'i̱ ycui' Ndyosi lacua? Xa' cua'ni ma̱ cña nu ndatsaa cua ña'a̱ ca jo'ó nu cuxi ti bi' ji'i̱ ma̱ li', jo'ó nu ntsu'u ji'i̱ ñati̱ ti; pana ná ndyu'u tso'o cha' bi' tsiya' ti, ná caca cua'ni lyaá jo'ó bi' ji'na.

1 CORINTIOS 8:3

Pana si tso'o ntsu'u tyiquee na ña'a̱ na ji'i̱ ycui' Ndyosi, tyuloo Ni ji'na li', tyu'u cha' ji'i̱ Ni lo'o na li'.

SAN MATEO 25:12

Li' nguxacui̱ cutsii cha' ji'i̱ ngu' cuna'a̱ tonto bi': “Ná nslo na' ji'i̱ ma̱ tsiya' ti, ná jlo ti' na' ti ñati̱ laca cu'ma̱”, nacui̱ nu cutsii bi' ji'i̱ ngu' li'.