SAN LUCAS 13:1 - Chatino Tataltepec

¹ La cui' tyempo bi' ndi'i̱ xi ñati̱ ca su ndu̱ Jesús. Ndacha' ngu' bi' ji'i̱ yu li', ñi'ya̱ ngua lo'o ndyujuii gobernador Pilato ji'i̱ tyu̱u̱ tya'a ngu' Galilea. Laja lo'o ndyu'ni tacati nu ngu' Galilea bi' ne' laa, nu lo'o ndyujuii ngu' na'ni nu caca msta̱ ji'i̱ ycui' Ndyosi, li' ndyujuii sendaru nu ji'i̱ nu Pilato bi' ji'i̱ ngu' bi', nacui̱ ngu'.

SAN LUCAS 13:1 Referans Kwoze

LOS HECHOS 5:37

Chaca quiya' ndyalaa sca ngu' Galilea tyempo lo'o nguscua ngu' nu laca cña xtañi ngu' quichi̱, jyo'o Judas ngua bi'. Ngusi'yana jyo'o Judas bi' ji'i̱ tyu̱u̱ tya'a ñati̱ cha' tyu'u lca'a̱ ngu' ji'i̱ yu, cha' xu̱u̱ tya'a ngu' lo'o ngu' sendaru. Lo'o li' ñi'ya̱ nu ngua ji'i̱ Teudas bi', jua'a̱ ngua lo'o Judas bi', cha' ndyujuii ñati̱ ji'i̱ yu. Ndye cha' ji'i̱ yu jua'a̱ ti li', ngusna lcaa ngu' tya'a ndya'a̱ yu.

SAN MATEO 27:2

Li' ngusca̱' ngu' ji'i̱ Jesús, ndyaa lo'o ngu' ji'i̱ slo Poncio Pilato, nu ngua gobernador romano.

SAN MATEO 27:1

Lo'o nguxee chaca tsa̱, xa' ndyu'u ti'i̱ lcaa sti jo'ó nu laca loo lo'o lcaa ngu' cusu' ji'i̱ ngu' judío, cha' cua'ni stu'ba ngu' cha' lo'o tya'a ngu', ñi'ya̱ taca cujuii ngu' bi' ji'i̱ Jesús.

LOS HECHOS 1:11

nchcui' ngu' lo'o ngu' bi': ―Cu'ma̱ ngu' Galilea ―nacui̱ ngu'―, ¿ni cha' laca ndu̱ ma̱ ña'a̱ ma̱ nde cua̱? ―nacui̱ ngu'―. Jesús nu nguxtyanu ca ti ji'i̱ ma̱ cua ndyaa nde cua̱, tya ca̱a̱ yu lo yuu chaca quiya'. Ñi'ya̱ nu tyaca̱' lo'o ndyaa yu, jua'a̱ tyaca̱' lo'o ca̱a̱ yu chaca quiya' ―nacui̱ ngu' nu ngati̱ ste' bi' li'.

LOS HECHOS 2:7

Ndube tsa ti' ngu' tyijyu' bi' li', ngulacua tsa ti' ngu' bi': ―¿Ha si'i xcui' ngu' quichi̱ su cuentya Galilea laca ngu' jua? ―nacui̱ ngu' bi' lo'o tya'a ngu'―.